Священная история Ветхого и Нового завета (1880)/В/Ветхий/14
14. Іаковонь баславамодонзо.
Исаакъ сыредень пелевъ сокургадсь. Весть сонъ Исавъ цёранзо тердизе да мерсь тензэ: «азе, Исавъ цёрамъ, тонъ паксявъ! Мезе тосо чаватъ, эстэдензэ ярсамксъ анокстакъ да монь андомакъ. Пешкедемадомъ мейле, монъ баславатанъ тонь». Ревекка Исааконь цёранстэнь кортамодо маризе. Ревекка Іаковнэнь мерсь: «Іаковъ цёрамъ, азе тонъ стадасто сея левксъ тукъ да печкикъ: монъ сонзо эйстэ тятятеть вечкема кушаньянзо анокстаса. Тонъ, те кушаньянть тятятеть кандозь, Исавонь таркасъ баславленія вешатъ». Сонъ мейле, кода кушаньянть анокстызе, Іаковонь грудензэ, кедензэ сея левксэнь кедсэнзэ тапардазь, тятянстэнь [ 19 ]кучизе. Ревекка Іаковонь Исаакъ авулисе содакъ мерезь сеянь кедсэнть тапардызе: Исавонь шачомстомекъ грудезэ да кедензэ понавтъ ульнесть. Іаковъ тятянстэнь совась. Тятязо кевстизе: «ки,» мери, «сесэ»? «Монъ, тятинемъ, тонь покшъ цёратъ! Монъ ярсамсъ кандынь вана тенть». Исаакъ Іаковонь, малазонзо тердезь, кутмордызе да корты: «вальгеесь Іаковонь, а кедтне да грудесь Исавонь». Сонъ Іаковонь кандозь кушаньядонть ярсась да баславизе сонзо. Сонъ Іаковонь вана кода баславизе: «тонеть паронь арцицятненень сынстестъ какъ паро улезе, тонь сюдсицятне сынсь какъ сюдозь улестъ, тонь эйсэть братотъ какъ кулцонозо, служазо тенть». Іаковъ тятянзо кедстэ аньсякъ туеме кенерсь, Исавъ какъ сась. Исаакъ «ки,» мери, «сесэ?» Исавъ мери: «монъ, тятинемъ, тонь Исавъ покшъ цёратъ». Исаакъ мерсь тензэ: «монь кедсэмъ ней аньсякъ ульнесь братотъ тонь Іаковъ, монъ сонзо тонь тарказотъ басловиня; сонъ тонь лангсотъ покшоксъ ули ней». Исавъ Іаковонь лангсъ пекъ кежіявсь да «знярдо тятянокъ кулы», мери, «монъ Іаковъ братомъ маштса»! Ревекка Исавонь неть валонзо маринзе да Іаковнэнь мерсь: «Іаковъ цёрамъ, тонъ ней азе, Месопотаміясъ оргодть. Монь братомъ Лаванонь кедсэ Исавонь кежензэ ютамсъ эрякъ».