Wikisource

Священная история Ветхого и Нового завета (1880)/В/Ветхий/26

< Священная история Ветхого и Нового завета (1880) | В | Ветхий
←
25-це глава.
Священная исторія Ветхаго и Новаго завѣта на эрзянскомъ нарѣчіи (1880)
by Юртовъ, Авксентій Филипповичъ
Священная исторія Ветхаго завѣта. 26-це глава.
27-це глава.
→
[ 34 ]

26. Пазонь Моисей марто кортамодонзо.

Моисей Іофоронь кедсэ эрямсто реветь ванось. Сонъ весть Хоривъ лемсэ пандо ваксо ваномо годявсь. Моисей се пандонть лангсо ве толксъ палыця кустъ нейсь. Кустось сонсь, хоть палы, а авишкиньгады. Моисей кустонть ваномонзо малавъ молеме кармась. Кустонть эйстэ кортыця вальгей марявсь тензэ. „Моисей! малазомъ карсезь пильгсэть иля сакшно, пильгеть укстнезь сакъ: тонь ащема таркась ваньксъ, святой тарка“. Моисей вальгеенть кулцонызе. Се кустонть эйстэ вальгеесь мерсь тензэ: „Монъ Пазанъ, Монъ тонь эйсэть фараоннэнь кучнетянъ. Азе да ёвтакъ тонъ фараоннэнь. Пазъ мерть истя корты: „нолдыть Монь народомъ — Еврейтнень пустынясъ Темъ озксонь кандомань кисъ“. — „Вай, Пазомъ!“ мерсь тензэ Моисей: „а фараонъ, а Еврейтне монь а кемсамизь. „Тонь Пазъ эзинзеть кучнекъ“ мерить темъ“. — „Вана Монъ тенть чуданъ тейнеме вій максанъ“, Пазъ мерсь тензэ. „Тонъ Еврейтнень да фараононь икеле чудатъ тейнеме карматъ. Сестэ сынь тонь кемдядызь. Ёртыкъ кедстэть палкатъ масторовъ“! Сонъ ёртызе. Гуексъ велявсь палкась. „Саикъ“, мери, „гуенть пулодо“. Моисей саизе. Сонъ одовъ палкаксъ велявсъ. „Путыкъ Моисей, кедеть потмозотъ да мекевъ таргикъ“. Моисей истя тейсь. Ваны Моисей кедезэ ашо велявсь, проказа ([1]) лемсэ ормасо ормалгадсь. „Путыкъ кедеть одовъ [ 35 ]потмозотъ да мекевъ таргикъ“. Сонъ истя тейсь. Моисеень кедезэ одовъ шумбракстомсь. Моисей Пазнэнь кортась: „вай, Пазомъ! монъ парынестэ а кортаванъ, келемъ а ванькстэ корты. Монь эйсемъ иля кучнекъ“. Молемсъ а охота ульнесь несакъ тензэ. „Монъ“, Пазъ мери: „ялгаксъ тенть Ааронъ лемсэ братотъ максса, тонъ сонензэ мезе эряви ёвтнеме карматъ, а сонъ кинень эряви кортамо карми“. Сестэ Моисей Пазонь валонзо каршо ащеме эзь карма: Египетсъ тусь. Сонъ Ааронъ братонзо марто Евреень прявтъ атятнень пурнынзе да Пазонь валонзо ёвтнинзе. Сынь сонзо валонзо кемизь да кодаякъ тестэ седе курокъ менемастъ сась. Сынстъ тесэ эрямостъ меелсь пелевъ пекъ стака ульнесь. Мейле Моисей Ааронъ марто фараоннэнь сась да Пазонь валонзо ёвтынзе. „Монъ тынкъ, Еврейтнень, Пазонкъ асдаса, ковъ гакъ а нолдатадызь“! мерсь фараонъ. Моисей фараононть икеле кавто чудатъ тейсь. Фараонъ Моисеень эсе кемть: сонзо эсь мудрецэнзэ якъ Моисеень чудатне ёновъ молиця чудатъ тейсть. Фараонъ Еврейтнень эзь нолдтнекъ. Сестэ Пазъ Египетъ лангсъ кемень наказаньятъ кучсь. Васенсе наказаньясь истямо ульнесь: Египетсэ весе ведесь верьксъ велявсь, а меельсесь: эрва семьясо васень шачозь покшъ цёра кулось.

  1. ↑ (*) Эстензэ тѣлась икеле весе ашолгоды, мейле сэредьксэ вельтявозь наксадомо карми.
 

Retrieved from "https://wikisource.org/w/index.php?title=Священная_история_Ветхого_и_Нового_завета_(1880)/В/Ветхий/26&oldid=671799"