Священная история Ветхого и Нового завета (1880)/В/Ветхий/32
| ←31-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 32-це глава. |
33-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 43—45 |
32. Аравіянь пустынясо Еврейтнень ниленькемень іеть якамодостъ да пижень*)[1] гуй.
Еврейтне пустыняванть молезь Алтазь масторонть ваксъ пачкодсть. Моисей кемкавтово ломань сайсь да Алтазь масторонть парынестэ ваномонзо кучинзэ. Неть кемкавтово ломатне Іаковонь эрва цёранзо племасто вейкень вейкень ломань ульнесть. Іудань племасто Халевъ, Ефремень (Іосифень цёранзо) племасто Іисусъ Навинъ лемсэ ломать ульнесть. Неть кемкавтово ломатне Алтазь масторонть ниленькемень чи ванозь якасть. Ниленькемень чинь пева сынь мекевъ Еврейтненень мурдасть. Кода мекевъ састь, Іисусъ Навинъ марто Халевъ Алтазь масторонть пекъ шнасть: „масторось“, мерить, „пекъ вадря: тосо эрва месть шачить, эрва месть касыть. Адядо мольдяно, се масторонть сайнекъ да эрямо карматано эйсэнзэ. Минь тосо эриця ломатнень изнязь чавносынекъ да паньсесынекъ: минекъ Посублицянокъ Пазъ“! Ліятъ кемень ломатне, конатъ Іисусъ Навинъ да Халевъ марто якасть, Алтазь масторонть эзть шна: „масторось“, мерить, „авадря: эйсэнзэ эрицятнень нильни; тосонь ломатне покштъ, віевть, миненекъ а изнявить; городтнэ кеместэ строязь, тенекъ а синтревить“. Еврейтнэ Моисейнень промсть да сейреме кармасть сонзо лангсъ: „мейсь“, мерить, „сонъ минекъ тей туимизь? Эле минекъ эйденекъ какшонокъ маштневтезь, ули паронокъ [ 44 ]нельксевтемань кисъ туимизь. Адядо эстенекъ ліята прявтъ путтано да мекевъ Египетсъ мурдатанокъ, а Моисей марто Аарононь, Іисусъ Навинэнь да Халевень кевсэ чавносынекъ“. Пазъ ваны апартъ тевть затѣить. Сонъ тенстъ, скиніясь тусто пель потсо появазь, мерсь: „тынь Монь валомъ а кулцономанкъ кисъ, весеменкъ, Іисусъ Навинъ марто Халевтэ башка, конатанкъ Египетстэ лисиде (авуль тесэ шачозтнэ), те пустынясонть, Алтазь масторонтень апакъ сова, кулсетядо. Тынь те пустынявать Ниленькемень іеть таркадо таркасъ якамо карматадо“!
Еврейтне ниленькемень іе пустыняванть якамсто весть Пазъ марто Моисей лангсъ машнетеме кармасть. „Минекъ“, мерить, „тей кулсевтемань кисъ ветимизь“! Пазъ тень кисъ кучсь лангозостъ гуйть. Гуйтне пупамостъ кармасть. Пекъ ламо Еврейть кулсесть. Мейле сынь янгсезь Моисейнень инялдомо кармасть. Моисей кисэстъ Пазнэнь ознось. Пазъ сонзо инялдоманзо маризэ. „Моисей“! мери Сонъ: „тонъ пижестэ валозь гуй тейть. Се гуенть крестъ лангсъ поводикъ. Ки се гуенть лангсъ кемезь варчты, се гуень пупамодо, а кулы, пички“. Моисей истя тейсь. Еврейтне кулсемадо лоткасть.
Еврейтне, Аравіянь пустыняванть ниленькемень іе якамодостъ мейле Алтазь масторонть ваксъ сазь, лоткасть. Моисейнень Пазъ икеле ёвтакшнось: „тонъ“, мери, „Моисей, Алтазь масторонть чирезэнзэ пачкодезь эзэнзэ апакъ совакъ кулатъ“. Кода ней сынь Алтазь масторонть чирезэнзэ пачкодсть, Моисей весе [ 45 ]Еврейтнень Нававъ лемсэ пандо чиресъ пурнавтынзэ да тенстъ Пазонь максозь закононозо одовъ ёвтнинзе. Эсензэ таркасъ Еврейтне лангсо прявтоксъ Іисусъ Навинэнь путызе. Мейле сонсь пандонть прясъ куйсь да кулось. Сонзо ваксонзо куломстонзо кіякъ арасель; тень кувалтъ те шкамсъ сонзо калмонть косо улеманзо кіякъ асодасы. Библіянь васеньсе вете книгатнень Моисей сёрмадынзэ.
- ↑ (*) Пиже — мѣдь.