Священная история Ветхого и Нового завета (1880)/В/Ветхий/31
31. Синайсэ закононь максомадо.
Еврейтне Египетстэ лисезь ветькеменце чистэ Синай лемсэ пандо ваксъ састь. Пандось эрва ёндо пельсэ копачазь ульнесь, пеленть эйстэ ёндолъ вергедиль, пургине сейриль; трубасо кеместэ налксема вальгейть марявильть. Те истя Сонсь Пазъ Еврейтненень пель потсо появась. Сонъ пеленть потсто весеменень марявомашка кеместэ сейрезь Еврейтненень кемень заповѣдть максь. Вана кода ловновить неть кемень заповѣдтне:
1) „Монъ тонь Пазотъ, Моньдемъ ліятъ пазотъ илястъ улть.
2) Эстеть иля тейть сюкунякшномань кисъ мезіякъ: мезе вере менельсэ ули, мезе ало масторъ лангсо ули, мезе мастордо ало вадсэ ули эстеть Пазонь таркасъ сюкунякшномань кисъ иля тейть. Иля сюкунякшно тенстъ, иля служа якъ тенстъ.
3) Пазонь, лемензэ а эрявиксъ таркасо иля кунтлекъ.
4) Субботань чинть мельсэть кирдь: сонзо эснэ ванькстэ ютавтъ. Кото чить теветь тейть; неть читне эйстэ теветь весе прядыть. Сисемеце чи, Суббота чи, Пазотъ туртовъ улезэ.
5) Тятятъ, аватъ почитаякъ: паро тенть ули, масторъ лангсо кувать эрямо карматъ.
6) Иля маштне.
7) Иля чійнекъ.
8) Иля салакъ.
[ 41 ]9) Лія ломань лангсъ иля кеньгелекъ.
10) Малавиксэть козяйканзо (нинзэ) лангсъ, кудонзо чинзэ, паксянзо (сюронзо салонзо), робутникензэ, робутницянзо, скалонзо буканзо, ишмензэ (алашанзо), эрва кодамо скотинанзо и эрва мезензэ лангсъ, малавиксэть мезезэ ули, сельметь илястъ сіядтъ“.
Еврейтне Пазонь вальгеензэ марязь пекъ тандадсть да соракадозь Моисейнень ёвтасть: „Моисей, тонъ азе пандонть прясъ да Пазонь кортамонзо кулцонокъ. Мейле месть Сонъ кармавты тенекъ, миненекъ ёвтлесыть. Минекъ Пазонь Эсензэ кортамонзо кулцономо віенекъ а сятны: весе тандадозь кулсетянокъ“. Моисей пандонть прясъ куйсь. Сонъ тосо Пазъ марто кортлезь ниленькемень чи ащесь. Пазъ Максь тензэ кавто кевень лазтъ, сынстъ лангсо Пазонь кемень заповѣдензэ сёрмадозь ульнесть. Ве кевенть лангсо Пазонь вечкезь почитаямо ёвтазь ниле заповѣдтне сёрмадозь ульнесть, а омбоце кевенть лангсо малавиксэнь (эрва ломанень) вечкеме ёвтазь кото меельсе заповѣдтне сёрмадозь ульнесть. Пандо лангсо жа Пазъ Моисеень скиніянь тееме тонавтызе. Скинія мерилть Еврейтнень таркадо таркасъ сыргавтозь якавтома церкувадостъ.
Моисеень пандо лангсъ туемадонзо мейле Еврейтне мекевъ самонзо учость, учость, эзь учовтъ. Сынь Моисеень братонстэнь промсть да мерить: „Моисей мекевъ а валги, кулось несакъ; тонъ тейть ней тенекъ Египетсэ пазонокъ кадямо пазъ“. Сынь весе козяйкастъ, тейтерестъ сырнень ([1]) пилексэстъ, сурксостъ пурназь [ 42 ]Аароннэнь кандызь. Ааронъ тенстъ пилекстнэ суркстнэ эйстэ сырнень вазъ валсь. Еврейтне те вазонтень озкстъ каннесть, перканзо киштнеме, морамо, а партъ налксематъ налксеме кармасть.
Моисей пандонть лангсто валгомсто сынстъ вазонь перька киштнемадостъ, марамодостъ неинзе. Сонъ пекъ кежіявсь да Пазонь тензэ максозь лазтнэнь масторъ ваксъ эшкезь янгинзе. Мейле сырнень вазонть янгазь почтоксъ яжизе да почтонть ведсъ каизе. Еврейтненень се ведтенть симеме мерсь. Се ведтенть симезь, чумовтъ ломатне весе кулсесть. Моисей одовъ пандо прясъ кузезь Пазъ икеле ниленькемень чи эрясь. Пазъ тензэ икелень лазтнэнь кондятъ одовъ кавто кемень заповѣдтне сёрмадозь лазтъ максь. Неть Пазонь максозь кевень лазтнэнь кисъ пекъ вадря коробка тейсть (Пазъ Моисеень Сонсь тонавтозь ладсо). Се коробканть, Пазонь максозь кевень кавто лазтнэнь да аламошка манна путозь, пекстызь. Тень кувалтъ се коробкадонть Закононь Коробка мереме кармасть. Русксъ эйстэдензэ Кивотъ завѣта эле Ковчегъ завѣта мерить. Закононь коробканть таркадо таркасъ аньсякъ священникть каннилть: Пазъ Сонсь эзэнзэ священникте башка киненьгакъ токавамо эзь кармавтъ.
- ↑ (*) Золото.