Священная история Ветхого и Нового завета (1880)/В/Ветхий/42
42. Евреень царстванть кавтовъ явомадонзо.
Соломононь куломадонзо мейле инязороксъ цёразо Ровоамъ озась. Сестэ Еврейтне Ровоамъ ваксъ промозь кортасть: «минекъ каявксонокъ (подушноенекъ) убавитя». Сонъ колмо чить строкъ путсь тенстъ. Сонъ маласонзо сыреть ломатне марто думась арсесь. Сынь кортасть тензэ каявкстнэнь аламодо убавамостъ. Ровоамъ сыреть ломатнень эзинзе кулцонокъ: одъ ломать ульнесть ялганзо, сынстъ кулцонынзе. Колмо чинь троксъ народонтень, лисезь ёвтась: «тятямъ пельденкъ каявкстнэнь ламо сайсь (пандовсь), а монъ седіякъ ламо саеме карманъ пельденкъ, коли тятямъ кеместэ чавиль эйсэнкъ, монъ сондензэ якъ седе пекъ чавомонкъ карманъ». Народось сонзо истятъ валонзо [ 59 ]лангсъ кежіявсь. Мейле эстестъ кемень (10) колѣнатъ лія Іеровоамъ лемсэ (Ефремень колѣнасто) ломань инязороксъ путсть. Ровоамонь кедензэ ало кавто колѣнатъ (Іуда марто Веніаминэнь) аньсякъ кадовсть. Истя вана Еврейской царствась кавтовъ явсь: кемень колѣнатнеде Израильской царства мерить, кавто колѣнатнеде Іудейской царства мерить.