Священная история Ветхого и Нового завета (1880)/В/Ветхий/41
41. Соломонъ инязородо.
Давиддэ мейле инязороксъ Соломонъ лемсэ цёразо озась. Соломонъ инязороксъ озамсто тысяча (1000) озкстъ кандсь Пазнэнь. Пазъ Соломоннэнь, онстонзо неявозь мерсь: «вешть, соломонъ, Монь кедьстэ мезе тенть эряви, сень максанъ тенть». Соломонъ Пазонь кедстэ аньсякъ мудрость вейшсь эсь народонзо парынестэ кирдемань кисъ. Соломонъ лангсъ ванозь лія инязоротъ, лія народтъ дивасть: сонъ пекъ мудрой (превей), сюпавъ ульнесь, вадря славазо весе масторонь ланга тусь. (Пазъ тензэ оньсякъ мудростень вешемань кисъ и сюпавъ чи и вадря слава максь). Соломонъ эсь мудрой улеманзо истя невтизе: ве кудосо кавто аватъ эрясть. Сынстъ кавнескъ вишка эйкакшостъ ульнесть. Ве аванть веть эйкакшозо кулось. Сонъ веть стясь эсензэ кулозь эйкакшонть саизе да омбоце аванть ваксъ ацамо лангсъ путызе, а сонзо живой эйкакшонть эстензэ саизе. Кода валксе стясть аватне, спорямо, сёвномо кармасть эйкакштнэ кисъ. Вейкесь мери: «живоесь монь»! Омбоцесь мери: «арась авуль тонь живоесь, монь»! Сынь судьянень якасть: сонензэ якъ эсть судявть: сонъ эзь содакъ канатанень кемеме. Неть аватне мейле инязоронень молсть. Соломонъ мерсь тенстъ: «монъ живой экакшонть шачкъ керявса, да кавненкъ туртовъ пелень пелень максовса». Сестэ эйкакшонть дирень авазо мерсь: «инязоро паро чи, максыкъ лучше сонензэ, илякъ чавно эйкакшкенть»! Омбоце авась кортась: «арась, а моненъ, а тонеть илязо улть: шачкъ керямсъ эряви сонзо»! [ 58 ]Соломонъ мерсь: «жалиця авась дирень авазо живой эйкакшонть». Мейле эйкакшонть сонензэ мерсь максомо. Соломонъ Моріагъ лемсэ пандо прясъ Пазнэнь пекъ мазэй, пекъ покшъ церкува путсь. Сонъ ниленькемень іеть пекъ парсте (ёнсто) инязороксъ эрясь. Соломонъ гакъ сыредень пелевъ пежетевъ теевсь. Сонзо идолнэнь сюкунякшниця козяйканзо ульнесть. Сонъ сеть козяйкатнень кисъ Іерусалимсэ идолнэнь озксонь каннема таркатъ тейсь да сонсь какъ мартостъ идолнэнь сюкунякшныль. Пазъ тень кисъ кежіявтозь лангозонзо ёвтась тензэ: «тонсеть куламодо мейле инязоро чить кавтовъ явса, цёратеть а покшке частесь саты».