Священная история Ветхого и Нового завета (1880)/В/Ветхий/51
51. Ананія марто Азаріянь да Масаилонь уштозь печькасъ каямодостъ.
Навуходоносоръ Вавилонсо сырнестэ покшъ истуканъ([1]) теевсь да сэрей таркасъ аравтызе. Се истуканонтень весе народонстэнь сюкунякшномо мерсь, а коли ки а сюкуни, севетень пекъ псистэ уштозь печькась (каштомсъ) ёртомонзо кармавсь. Ананія марто Азарія и Мисаилъ аньсякъ колмонескъ истуканонтень эзть сюкунякшнокъ. Инязоро сынстъ кевтинзе: «мейсь истя аньсякъ тынь колмоненкъ монь а кулцонотадо: истуканонтень а сюкунякшнотадо»? Сынь отвѣчасть тензэ: «инязоро паро чи! минь», мерить, «аньсякъ Ве Вере Пазнэнь сюкунякшнотано. Минь лія мезненьгакъ сюкунякшномо а карматано». Сестэ Навуходоносоръ мерсь тенстъ: «монъ ваноса тынкъ монь кедстэмъ кадамо Пазъ идеменкъ сы»! Теде мейле инязорось сынстъ колмонескъ сисемь разтъ уштозь печькасъ ёртомостъ кармавсь. Сынстъ печькасъ ёртыцятне сынсь киртавть да кулость: пекъ пси ульнесь несакъ. Компо цёратнень печькасо толонть а пидсицяксъ теемань кисъ Пазъ Эсь Ангелонзо кучизе. Толось колмо цёратненень кодамоякъ берянь эзь тейть: сынстъ печькасонть пря черестъ какъ эсть киртавтъ. Навуходоносоръ истямо чуда неезь цёратнень нолдамостъ мерсь. Еврейтнень Пазостъ сонсь какъ шнамо кармась, весе народонстэнь гакъ шнамо кармавсь.
- ↑ (*) Ломань ёновъ молиця мезе.