Священная история Ветхого и Нового завета (1880)/В/Ветхий/52
52. Даніилъ пророкто.
Весть Навуходоносоръ онъ нейсь да, кода сыргойсь, истувтызе. Сонъ удомстонзо стязь масторсонзо весе ононь талкувицятнень, весе тонавтозь ломатнень (мудрецтнэнь) пурнавтынзе. Сынь кода весе промсть, сонъ мерсь тенстъ: «монъ седеемъ пекъ ризны: чече удомстомъ такодамо онъ неекшнинь, да истувтыня. Ёвтынкъ монь ономъ да толкувинкъ темъ эсэнзэ». Сынь мерсть тензэ: «вай, инязоро паро чи! ёвтыкъ тенекъ икеле онотъ, сестэ сонзо минь толкувасынекъ. Истя апакъ ёвта тонь онотъ киненьгакъ а толкувави». Инязоро кежіявтозь Вавилонской мудрецтнэнь весеместъ маштнеме кармавсь. Сестэ Навуходоносорнэнь слуганзо ёвтасть: «вейке Даніилъ лемсэ Іудей тонь ондотъ ёвтамо хочетъ». Инязоро Даніилэнь тердевтизе да кевтизе: «Даніилъ, эле тенть монь неезь ономъ муеви да и толкувави»? — «Инязоро паро чи! мерсь тензэ Даніилъ: тонь онотъ аньсякъ Ве Вере Пазъ содасы: ве ломаннень гакъ сонъ а муеви и а толкувави. Тонь онотъ монень Вере Пазъ ёвтызе. Тонъ удомо мадемстэть вана мезде думить: «мезе», мерятъ, «мондемъ мейле монь царствамъ марто ули»? Теде мейле матидевить да онъ неить. Тонъ такодамо озорнойшка истуканъ неить. Прязо се истуканонть сырнень, грудезэ да кедензэ сіянь, пекезэ, ирдезэнзэ да карязонзо пижень, пильгензэ конилька видсъ кшнинь, конилькадо ало кшнинь да сёвонень. Мейле ванатъ — пандо прясто кевъ кеверезь валгсь да истуканонть истя кеместэ эшкизе, истуконось синтревезь сюваксъ велявсь. Варма [ 70 ]кептясь да сюватнень пувинзе: истуканонть тарказо якъ эзь кадовтъ. Истуканонтень эшкевезь кевезь кармась касомо. Сонъ кайсь, кайсь, да весе масторъ лангонть пештизе. Вана те ононть толкувамозо якъ ней тенть. Тонсеть пингстэ царстватъ истуканонть сырнэнь прянзо кондямо сырнэнь; тондеть мейле амбоце царствась, васеньседенть седе берянь, сіянь царства ули; колмоце царствась пижень царства ули: весе масторъ сонзо кедензэ ало ули; нилеце царствась кшнинь царства ули: сонъ кшнинь кондямо кеме, калгодо ули: ветеце царствась кшни марто сёвонень царства ули: сонъ кшнинь кондямо кеме ули, сёвонень кондямо сивиця ули. Пандо лангсто кеверезь кевенть царствась Вере Пазонь царствазо ули. Сонъ икеле се кевенть кондямо вишкине ули; мейле кевенть ладсо же касозь весе масторонть пештсазо». Навуходоносоръ таркастонзо стясь да Даніилнэнь сюкунязь истя мерсь: «Даніилъ, тынкъ Пазонкъ пазтнэнь лонгсо Пазъ, инязоротнень лангсо прявтъ». Теде мейле сонъ Даніилонь весе Вавилонской мудрецтнэнь лангсъ прявтоксъ путызе.
Ананія марто Азаріянь да Мисаилонь уштозь печькасъ кайсемадо мейле кувать акувать эрэзь Навуходоносоръ омбоце онъ нейсь да Даніилнэнь ёвтнизе. Даніилъ мерсь тензэ: «тонъ, инязоро паро чи, эсь прятъ ковья неятъ. Тень кисъ тонь Пазъ пекъ кеместэ наказатанзатъ». Даніилонь валонзо топодсть. Навуходоносоръ сисемь іеть азаргалесь. Сонъ сисемь іетне эйстэ кшнисэ коваязь эрясь, ярсась, скотина ладсо, тикшеде, симнесь росадо; пря черензэ нармонень пухонь кондятъ теевсть, кенжензэ нармонень кенжень кондятъ теевсть. [ 71 ]Навуходоносоръ сисемь іетне пева одовъ превеясь да Іудейтнень Пазостъ седіякъ почитаямо кармась.
Навуходоносоронь куломадо мейле Валтасаръ цёразо инязороксъ озась. Сонъ Іудейтнень мейсъ какъ эзь путне: сынстъ Пазостъ лангсо эрва кода насмѣхъ тейниль. Весть сонъ эсензэ маласонзо ломатне марто симемстэ арсамсто Іуйтнэнь Пазостъ лангсо насмѣхъ тейнесь, а эсестъ идолтнэнь шнась. Сестэ вдругъ такодамо кедь появась да стѣна лангсо такодатъ валтъ сёрмадсь. Аньсякъ Даніилъ пророкнэнь сеть валтнэ ловновсть. Сонъ Валтасарнэнь мерсь: «инязоро паро чи! Пазъ, Коната лангсо тонъ насмѣхъ тейнить, чече веть тонь инязоро чить нельгсазо да кавто лія инязоронень макссазо, а эсеть чавдадызь». Даніилъ пророконь валонзо топодсть. Секе венть кавто народтъ Вавилонъ городъ лангсъ састь да саизе, а Валтасаронь эсензэ маштызь. Ве народонть лемезэ Персидской, а омбоценть Мидійской ульнесь.
Валтасаронь маштомадо мейле инязороксъ Мидійской инязоро Дарій озась. Сонъ Даніилъ пророконь весе начальниктнэде покшоксъ путызе. Истя ламо аламо эрязь ліятъ начальниктнэ Даніилэнь Даріень икеле таго мейсэ чумондызе да томбака латксъ каизь. Латкось эрва ёндо пирязь ульнесь а эйсэнзэ ламо лёвъ звѣрть ульнесть. Даніилъ пророкъ лёвъ звѣртне ютксо вень перть ульнесь. Сынь сонзо эзизь тока: сонзо токамо Пазъ эзь мерть несакъ лёвтнэнень. Омбоце чистэ Дарій Даніилонь латкстонть таргавтызе, а тарказонзо чумондыцятнень эсестъ семьянекъ каямостъ мерсь. Сынстъ весеместъ лёвтнэ сезнезь сезнизь.
[ 72 ]Даріень куломадо мейле инязорокъ Персидской инязоро Киръ озась.