Священная история Ветхого и Нового завета (1880)/В/Новый/10
10. Іоаннъ Крестителень тонавтомадонзо.
Римсэ Тиверій Кесарь инязороксъ, а Іудеясо Понтій Пилатъ покшъ прявтоксъ улема шкасто, Захаріянь цёранстэнь Іоаннэнь Нишке Пазонь пшкадьме вальгеезе ульнесь: «тонъ», мери, «Іоаннъ, ломатнень пежетестъ кадовтомастъ кисъ янгсевть. Истя янгсевтезь ломатнень Идицянть примамонзо аонкстасыть». Іоаннъ Пазонь, вальгеензэ марязь, кулцонызе. Ломатне, Іоаннэнь сакшнозь пежетестъ ёвтлесть, сонзо кедстэ Іордансо прястъ лемтневсть. Ломатне Іоаннонь кевстнесть: «месть», мерить, «минянекъ теймексъ»? Іоаннъ тенстъ: «тынкъ», мери, «конатанкъ кавто одюжанзо улить, вейкень, кинь арась, сенень максынкъ; кинь сюрозо ламо, се якъ истя жа теезэ». Сакшность тензэ мытарть (каявтонь ([1]) пурныцятъ), кевстнесть сонзо эстнэ: «минянекъ месть тейнемксъ»? Сонъ кортась тенстъ: «кинь пельде якъ лишной илядо сайть». Солдаттъ какъ кевснесть сонзо эстнэ: «минянекъ», мерить, [ 83 ]месть тейнемксъ»? Сонъ тенстъ кортась: «кинь гакъ илядо обижакъ, кинь лангсъ какъ иляда кеньгелекъ, эсь жаловоньясонкъ пешксе уледе». Іоаннэнь фарисейть и саддукейть сашность прястъ лемдеме. Іоаннъ, сынстъ неезь, истя кортлесь тенстъ: «вай эхиднань([2]) лявкстъ, ки тонавтыдезь тынкъ икеле сыця кежденть оргодьме? Тееде янксемань партъ тевть да илядо кортакъ: «минекъ тетянокъ Авраамъ». Ёвтлянъ тенкъ: Пазъ Авраамнэнь неть кевтне эстэ эйкакштъ тееме війсэнзэ».