Священная история Ветхого и Нового завета (1880)/В/Новый/21
21. Капернаумсо энгамозь ормасо сэредицянь віемтемадо.
Теке городсонть Іисусъ Христосъ, ве кудосъ совазь, тонавтомо кармась. Ломатне, Сонзо тонавтоманзо кулцономо ламо промсть: кудонтень апакъ кельгкъ кенкшь ушосо ащесть. Кулцоныцятнень ютксостъ фарисейть какъ ульнесть. Сынь тей Галилеянь эрва таркастонзо, Іудеясто и Іерусалимстэ састь. Іисусъ Христоснэнь тонавтомстонзо ламо эрва ормасо сэредицятъ ветсесть. Сонъ сынстъ эрва конань ормадонзо апакъ віемть эсе нолдтнекъ. Се шкане ниле ломать ацамо лангсо сэреди ломань кандсть. Сынь майсесть, майсесть сонзо Іисусонь ваксъ кеншка совавтомонзо, эсь совавтовтъ. Мейле сынь кудонть, прясъ кузезь, потолокъ лазтнэнь штавтызь да сэредицянть ацамонекъ видстэ Христозонь пильгензэ песъ пиксъ вельде нолдызь. Сэредицясь ве сансонзо якъ эзь велявтовтъ, энгамома ормасо сэредсь. Іисусъ Христосъ, сеть ломатнень кемемастъ неезь, энгамозентень мерсь: «тонь пежететь простявить тенть». Фарисейть да книжникть эсь ютковастъ кортамо кармасть: «Сонъ Пазонь сялды: Паздо башка ліята ки можетъ пежетень простямо (нолдамо)»? Іисусъ Христосъ сынстъ, мельсэстъ мезе ули содазь, кевстинзе: «кода меремексъ седе шождине: простявить тенть пежететь, эле меремексъ: стякъ да якакъ? Ломанень цёранзо масторъ лангсо пежетень простямо тевезэ улеманзо содамонкъ кисъ, мерянъ тензэ (энгамозентень мерсь): стякъ, эсь ацамотъ саезь, кудозотъ молть»! Сэредицясь сескэ стясь, эсь ацамонзо [ 95 ]саизе да, Пазонь шназь, кудозонзо молсь. Сестэ весе ломатне, соракадозь «минекъ ютксонокъ те шкамсъ истятъ тевть араселть», мерезь, Пазонь шнамонзо кармасть.