Священная история Ветхого и Нового завета (1880)/В/Новый/22
22. Ревень экшелема тарка ваксо энгамозь ормасо сэредицянь віемтемадо.
Іерусалимсэ церкува ваксо ульнесть ортатъ. Сеть ортатнень пачкъ Пазнэнь озксоксъ кандома реветнень ведсэ экшелеместъ пансилть. Се экшелема таркадонть ревень экшелема тарка (ревень купальня) мерилть. Се ревень экшелема таркантень іестэнзэ весть Пазонь Ангелозо, чопавтезь, веденть весе човурилизе (мутилизе). Ангелонь човурямодонзо мейле ки васеньсе экшелиль эйсэнзэ, севате кодамо ормасо сэредиця илязо улть пичкиль. Тень кувалтъ тесэ Ангелонь веденть човурямонзо, учозь ламо эрва, эрьва кодамо ормасо сэредицятъ эрилть. Неть ормадостъ віемемань учицятнень кисъ вете покойть (кудынеть) путозь ульнесть. Іисусъ Христосъ теленть Галилеясо ютавтозь, Іерусалимсъ омбацеде Инечинень сась. Сонъ, тей сазь, ревень экшелема тарканть вакссо покойтненень сэредицятнень ваксъ совась. Тесэ ліятъ сэредицятнень ютксо вейке колонькемень кавксо іеть мадезь, сэредиця ломань улнесь. Іисусъ сонзо, малазонзо сазь, кевстизе: «пичкамотъ тонь сась»? Сэредицясь отвѣчась Тензэ: «коле монь пичкаманъ эзь сакъ, паро ломань! Кодакъ Ангелось экшелема таркасонть веденть [ 96 ]човурясазо, акинень монь эйсэмъ, товъ кандозь, экшелевтемемъ. Кода монъ товъ пачколянъ, ліята ужъ мондемъ икеле экшелеме кенеркшни». Іисусъ Христосъ мерсь тензэ: «стякъ, эсь ацамотъ саикъ да якакъ»! Сэредицянтень сескэ шождине теевсь да стясь. А Іисусъ Христосъ (эстэдензэ ломатне ютксъ туезь) сельмстэнзэ ёмась. Пичказезь, Пазонь шназь истя віемтеманзо кисъ, ацамонзо саезь, тусь. Те чись суббота чи ульнесь. Фарисейть неизь да мерсть тензэ: «тонъ мейсь чече ацамотъ кандатъ: субботань чистэ тевъ тейме пежеть». Пичказезь отвѣчась тенстъ: «Ки монь віемтимемъ, Севате «ацамотъ саикъ да якакъ», мерсь темъ». — «Ки истя тонь віемтинзеть»? мерсть фарисейтне. Сонъ ёвтась тенстъ: «монъ монсь какъ аздаса Ки Сонъ истямо». Мейле таго зняро шкань ютазь Іисусъ Христосъ, церкувасо лоткавтозь мерсь тензэ: «тонъ вана віемить, ванокъ ва ней пежеть иля тейнекъ: седіякъ апаро илязо улть тенть». Пичказесь Іудеень прявтнэнень ёвтась: «монь Іисусъ віемтимемъ». Іудейтнэнь прявтнэ Іисусъ Христозонь субботасто истятъ тевть тейнеманзо кисъ маштомонзо арсесть.