Священная история Ветхого и Нового завета (1880)/В/Новый/48
48. Христозонь майсемадонзо да Голгоѳа прясъ куземадонзо.
Пилатонь салдатонзо, весе промозь, Іисусонь саизь кардайсъ, оршавсть Сонзо лангсъ якстере одюжа, прянзо лангсъ пупиця чувтонь илейстэнзэ вѣнецень кондямо мезе кодазь оршавсть, видь кедезэнзэ палка максть, сынсь, Сонзо икелензэ конилька лангсъ аразь, эрва кода пеедсть лангсонзо. Сынь, икелензэ конилька лангсо ащезь, кортасть Тензэ: „вай, Іудеень инязорозо, шумбрасто эрякъ“! (шумбра улть)! Селгенесть сынь Сонзо лангсъ, щёканзо ланга чавсть, кедьстэнзэ палканть саезь, пря ланга чавсть Эйсэнзэ. Іисусъ сынстъ лангсонзо наргіямостъ, чавомостъ лангсъ ве стака валъ гакъ эзь ёвтакъ тенстъ: Сонъ сэтместэ кирдсь. Салдатнэ, лангсонзо нарьгамодо (пеедемадо) пешкедезь, каизь Сонзо лангсто якстере одюжанть да икелень Эсензэ одюжанзо оршавтызь лангозонзо. Сынь мейле Сонзо крёстъ лангсо маштомонзо саизь, кіява молемстэ крёстонть Сонсензэ кармавтызь кандомо.
Іерусалимень улицятнева крёстонть кандозь молемстэ, Іисусъ прась крёстонть алонзо: сонъ пекь стака ульнесь несакъ. Сестэ Киринея городонь ве Симонъ лемсэ ломань паксясто кудовъ самсто, каршозостъ понгсь; салдатнэ сонзо Іисусонь крёстонть кандомонзо кармавтызь.
Іисусонь мельга ламо ломать молсть. Мельганзо молемстэ конатъ конатъ аватне авардсть кисэнзэ. Іисусъ, сынстъ авардемастъ неезь, мерсь тенстъ: „вай, [ 132 ]Іерусалимень тейтерензэ! мейсь Монь кисэмъ, аварьдтядо? Илядо аварьдть кисэмъ, эсенкъ кисъ, эйденкъ, какшонкъ кисъ аварьдеде! Вана пандтъ минекъ лангсъ сявореде, вере (сэрей) таркатъ минекъ велтимизь мерема шка чить эль сакшныть: коле Монъ пиже чувтонь кондямо ломань марто истя тейнить, сестэ, наксадо чувтонь кондямо Еврейской народонть марто месть теить“?