Священная история Ветхого и Нового завета (1880)/В/Новый/49
49. Іисусъ Христозонь крёстъ лангсо маштомадонзо.
Салдатнэ Іисусъ Христозонь Голгоѳа лемсэ (эрзяксъ коня тарка) пандо прясъ туизь. Тесэ Іисуснэнь сэпе марто човоргавтозь вина максть симеме. Сонъ эзь симть.
Сестэ Іисусъ Христозонь крёстъ лангсо кедензэ, пильгензэ вентезь, эсксэ чавизь. Сонзо марто вейсэ кавто разбойникть чавсть: вейкень видь ёнонзо, омбоценть кершь ёнонзо. Іисусъ, Эсь селмензэ менельсъ кепедезь, мерсь: „Тятинемъ! простить Монь муцицятнень сынь сынсь какъ а содыть месть тейнить“!
Пилатъ Іисусонь прянзо велькссэ сёрма сёрмадозь путовсь; сёрмасонть сёрмадозь улнесь: „Назорейстэ Іисусъ, Инязоро Іудейской“. Се сёрманть эрьва кинень ловновомань кисъ колмо кель лангсо сёрмадызь: Еврейксъ, Грекексъ, Римексъ. Архіерейтне Пилатнэнь молсть да ёвтасть: „мезень кисъ тонъ“, мерить, „Іудейской Инязоро, мерезь, сёрмадовтыть“? Пилатъ [ 133 ]ёвтась тенстъ: „кода сёрмадынь, истя улезэ ужъ: одовъ сёрмалеме а карманъ“. — „Сонъ Сонсь Эсь прянзо Іудейской Инязороксъ путниль, мерезь, сёрмадомсъ эряви“, мерсть архіерейтне. Іисусонь маштыця салдатнэ Сонзо одюжанзо, суставтка калавтозь, эсь ютковастъ явшизь, а хитонъ лемсэ одюжазо суставттомо улнесь; сонзо сезьнемензэ жаль неявсь тенстъ; сынь сайсть да, кинень саты мерезь, кисэнзэ жеребей каясть. Икеле ищо Св. Писаньясо мезе ёвтазь улнесь, ней топотсь; тосо ёвтазь улнесь: „Монь одюжамъ эсь ютковастъ явшизь, Монь потсо (алоце) одюжамъ кисъ жеребейсэ каясть“. (Псал. 21, 19). Ламо ломать, ваксканзо ютамсто прянзо велькссэ сёрмадозь валтнэнь ловнозь, прястъ комавтнесть да кортасть: „Тонъ, церкувань калавтыця (синтриця), колмо чинь троксъ одовъ сонзо кенеревтиця, ваныкъ ней Эсеть прятъ! Коле Пазонь Цёразо Тонъ, крёстонть лангсто валгъ“.
Прявтъ священниктнэ, народонь прявтнэ (атятне), лангсонзо пеедезь, кортасть Тензэ: „ліятатнень идсесь, а эсь прязо а ванови! Коли Сонъ Израильской Инязоро, крёстъ лангсто валгозо Сонсь; минь гакъ кемеме карматанокъ Теннэ. Коли Сонъ Пазнэнь эрявиксъ кадыкъ Пазось ваносазо ней, Сонъ Пазонь лангсъ пекь надѣясь: „Монъ“, мери, „Пазонь Цёразо“. Іисусонь марто вейсэ крёстъ лангсъ чавозь ве разбойникесь ліятатне ладсо, сёвнозь мерсь Тензэ: „коле Христозатъ, Тонъ Эсеть прятъ ваныкъ, минекакъ ванымизь“. Сестэ омбоце разбойникесь, эйсэнзэ лоткавтнезь, кортась: „эле тонъ, ялгай Паздо якъ а пелятъ? Минь тевенекъ кисъ крёстъ лангсъ чавозьдянакъ, берянь [ 134 ]тевень тейнеманокъ кисъ муцявданокъ, а Сонъ кодамоякъ, зярдоякъ берянь эзь тейнекъ“. Мейле те разбойникесь, сельмсэнзэ Іисусонь лангсъ варштась да мерсь: «вай, Паронь тейниця, кода Инязороксъ тееватъ, монь гакъ мелезэть ледстемакъ»! Сестэ тензэ Іисусъ мерсь: «апакъ кенгелекъ кортанъ тенть, тонъ чече жа (нейке) мартомъ райсэ улятъ». Іисусонь крёстонзо ваксо Эсензэ Авазо Марія да вечкема тонавтницязо Іоаннъ ащесть. Іисусъ, Эсь Аванзо неезь, Іоаннъ лангсъ сельмсэнзэ невтезь мерсь: «те вана тонь цёратъ»! Мейле Іоаннэнь мерсь: „те вана тонь Аватъ“! Теде мейле Іоаннъ пекь ваньксъ Марія Тейтерень эсь кудозонзо эрямо саизе; Іоаннъ эсь аванзо таркасъ почитаясь Сонзо.