Валда ян/1932/09-10/Сталин ялгать 6 условиянза государственнай аппараца
| ←Валпрякс | Валда ян (1932), 9-10 №, 30-це июнь edited by Шестов Н. С. Сталин ялгать 6 условиянза государственнай аппараца |
Социалистической строительствати→ |
| Валда ян (Светлый путь). Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 9-10 №, 30-це июнь, 1932 к. — с. 2—6 |
| Сталин ялгать 6 условиянза государственнай аппараца |
Сталин ялгать кота условиянза хозяйственнай строительстваса од задачатнень колга од обстановкаса арсихть минь масторсонок рабочайхнень и сембе трудяйхнень йоткса васенце лозунгокс. Аф аньцек оцю промышленносьца и предприятияса, но и совхозга и колхозга нят условиянза Сталин ялгать арсихть работама программакс, социалистическай строительстваса оцю сатфксонкса тюрема программакс. И государственнай аппаратонь работасавок Сталин ялгать кота условиянза арсихть пяк эрявикс руководствакс.
Но миндеенек кода няеви аф эрявихть кяшендемс сят факттнень, што госаппаратонь работникнень йоткса улихть и стаптка, конат споряйхть, што Сталин ялгать кота условиянза государственнай аппараца йотафтомс аш кода. Лисенди тя башка сяс, што башка работникне пяк лафчста содасазь Сталин ялгать кота условиянзон эряфс йотафтомаснон государственнай аппараца, йофси аф сатомшка йотафнесазь кемокснесазь госаппараца хозяйственнай расчетть, тя няфтьфксть аппараца йотафнесазь механически, а кой-коста сяс, што лафчста содасазь аппаратть роленц пролетарскай государствать диктатураса.
Аф виде, конешна, тяфтама шарьхкодемась государственнай аппараца ударникнень колга, што ударнайста работать сюнода касы перепискась, (а сонь мархтонза и волокитась), но тяфтама шарьхкодема нинге ули и сонь мархтонза эряви тюремс. Штоба сатфкс мархта тюремс тяфтама вульгарнай шарьхкодемать мархта социалистическай фкя—фкянь йотамать и ударничествать йотафтоманц колга государственнай аппараца, а тяфтажа Сталин ялгать 6 условиянзон колга, эряви васенцакигя срафтомс аф лац государственнай аппаратонь задачатнень шарьхкодемаснон, кона партиять руководстванц коряс пуропцыне крдатнень тюрема классфтома социалистическай обществань тиема и вяти руководства крдатнень мархта социалистическай строительстваса. И кда сяда кемоста минь государственнай аппаратонке одукс тийсы работанц ВКП(б)нь ЦК-ть и ЦКК-ть 1930 кизонь декабрьскай пленумонц путфксонц коряс и арай эста лац партиять генеральнай китьксонц вятикс, тянь мархта сяда кемоста содондови крдатнень мархта и тянь вельде советтнень руководствасна арай кемоста социалистическай строительствань сембе васттнень эса.
Пяк няеви тяфта жа, што советти ули кода йотафтомс эряфс эсь руководящий роленц крдатнень йоткса сяда лац и курок, конань вельде сон лац содамост кармай од социалистическай трудонь форматнень, конат арасть эрь пингонь методкс работаса предприятияса, совхозса и колхозса. А тяста и лисенди, што сембе минь гасаппаратонеконди эряви работамс ударнайста, али эряви сондиенза машфтомс работаса эсь отямсь, сондиенза зрявихть пуроптомс крдатнень оцю темпонкса работаса, цебярь работань качестванкса. Тя и арси васенце работакс тосударственнай аппараца, конань вельде эряви ладямс социалистическай фкя фкянь йотамать и ударничествать и Сталин ялгать 6 условиянзон эряфс йотафтомаснон.
Ули ли кода сатомс сянь, штоба советтне улельхть васенце васца промфинплантть пяшкодеманц и вельф пяшкодеманц инкса крдатнень тюрема пуроптомасост, кда ашесть сата эрь совецкай аппараца работникть работанц ладяманц? Аш кода сатомс организациять работанц ладямац, кда апак сатт работать ладямац башка работникнень йоткса. Цебярьста работась ули ладяф организацияса али совеца аньцек эста, кда синь
Ростовонь велень-хозяйствань машинань тиема завоць
Сембонди содаф ся факць, што профсоюсне видекс шарфцть шама ширьде производствати и арасть активнай тюрикс партиять генеральнай китьксонц эряфс йотафтомаса аньцек эста, мзярда руководстваста паньфт оппортунистическай элементтне. Сембонди содаф тяфта жа ся факцке, што и советтневок тийсть производствати шама ширьде шарфтома и одукс тиезь эсь работаснон партиять няфтьфксонц коряс аньцек эста мзярда совецкай аппараца тийф чистка аньцек эста мзярда советтненди ульсть кочкафт активнай рабочайхть, роботницат, колхозникт и колхозницат. Тя од активсь и тись совецкай аппаратти од метотт, сон кемокстазень и келептезень эсь сотксонзон трудяй крдатнень мархта, кона кеподезе и кемокстазе руководствать социалистическай строительстваса. Ули кода тиемс пяк лама тяфтама фактта сянди кемокстамс, конашкава 1931 кизоня советтнень одукс кочкамдост меле сиякжа кассь советонь секциятнень рольсна и башка советонь депутатскай группатнень рольсна, кода социалистическай фкя фкянь йотамань и ударничествань руководительхть и организаторхт.
Башка жа пяк эряви азомс ся факць, што советтне, депутацкай группатнень вельде арасть организаторкс и руководителькс ударничествать инкса алуда, велень советтнень, члеттнень и группань члеттнень производственнай работаса цебярь няфтьфкс работаснон вельде пуропцть эсь перьфкаст кемя актив, конат аф члетт вельсовеца. Тяста лисенди, оппортунистонь мяльхнень каршес конат корхнекшнесть, што аш кода ладямс совецкай аппараца соц. фкя-фкянь йотамать и ударничествать, минь няйхтяма фактт соц фкя-фкянь йотомаса аф аньцекь башка группатнень йоткса предприятияса, совхозса и колхозса, но и няйхтяма фактт фкя-фкянь йотамаса советонь секциятнень и ошонь и велень советтнень йотксовок.
Улель кодаба тиемс лама кепотькс тосовок, мезяма сацть депутацкай группатне, секциятне и советтне социалистическай фкя-фкянь йотамать и ударничествать вишкотемаса. Но сембе нят факттне тяни сембонди содафт и тя фкя-фкянь йотамать эряфс аф йотафтовоманц колга кигавок мезевок аф азы. Но тясожа эряви прьбавамс, што лама „аф шарьхкодихне“, аф йорясазь соц. фкя фкянь йотамать депутацкай группатнень, секциятнень и советтнень йоткова тяконь шовор-жа аф лувонцазь эрявиксонди сонь йотафтомс башка работникнень йоткса, аф шарьхкоцазь, што аш кода цебярьгофтомс сембе работась кда аф ули ладяф соц. фкя-фкянь йотамась аппараца башка работникнень эсь йотковаст. Синь арьсихть сянь колга, што аш кода пуроптомс соц. фкя-фкянь йотамась и ударничествась аппараца работникнень йоткса корхтайхть сянь, што тяса ашкода лувомс работась ударничестваса и соц. фкя-фкянь йотамаса. Эрямась и работась педа пес йордазь тя аф
[ 4 ]
Харьков ошса тракторонь тиема завоць
Аш мезе корхтамска, што соц, фкя—фкянь йотама и ударничествань обязательствань пяшкодемань ванондомась госаппараца лезды миндеенек оцю сатфкс мархта лихтемс сембе классовай вракнень и синь агенцнон, конат ащихть аппараца.
Социалистическай фкя—фкянь йотамать и ударничествать вишкоптемац государственнай аппараца, арси няфтикс сянди, кода ули и эряви макссемс социалистическай трудонь опыттнень социалистическай предприятияста совецкой учреждениятненди. Кда тя задачать йотафтолеськ эряфс апак сяфть опытт фабрикатнень эзда учреждениянь социалистическай трудонь формат, минь эряви азомс афольхть уле стама сатфксонкя, кодапт миндеенек эрявихть.
Сталин ялгать 6 условиянзон эряфс йотафтомаснон колга задачать ули кода явоштомс кафту, Васенце задачати сувсихть кизефкст пуроптомс крдатнень и вятемс синь мархтост руководства Сталин ялгать 6 условиянзон эряфс йотафтома тюремаса производстваса, завоца фабрикаса, колхозса, совхозса и ст. тов. Омбоце ширесь ащи аппаратонь кизефкснень эзда али кизефкссь Сталин ялгать 6 условиянзон эряфс йотафтомаса аппараттнень эса станя кода тя эряви. Анок содафни, што тя омбоце пялькссь араза ся васти жа кона васца ащи васенце пялькссь, коанань вельде вишкомкшнесь и вишкомкшни сембе государственнай аппаратонь работась. Сталин ялгать 6 условиянзон эряфс йотафтомаса.
Пяк цебярь кепотькс арси ся, конашкава оцю ролец государственнай аппаратть, кода организаторонь Сталин ялгать 6 условиянзон эряфс йотафтомаса производстваса, арсихть миндеенек фактокс советтнень, советонь секциятнень и депутацкай группатнень работасна кода промышленнай предприятияса, тяфтажа совхозса и колхозса. Тяконь шовор советтнень работасна тяса кепоць стама васц, што нльня стама централизованай обласьца, социалистическай хозяйстваса кода машинань киса минь улихть цебярь няфтьфксонкя, аф няйсазь аньцек сят конат сокорхт оппортунизмаса, Но ся, кие видекс йорай работамс и содамс государственнай аппаратть, улема няезе, што „СССР-нь ЦИК ть и ВЦИК-ть известиянц лемса сембе союзонь эстафетать йотафтомста транспорца минь няйхтяма советонь цебярь работань метотт и синь тюремаснон транспортть ладямаса. Тя цебярь работань опыць эряви миндеенек эрь пингоне йотафтомс эряфс сембе васттнень эса. Улельба, конешна аф виде кяшендемс ули аф сатыкснень советтнень работаса и тя васцовок али лувондомс синь аф виденди, но вдь аф сатыкснень мархта тюремаськя ули сатф оцю сатфкс мархта аньцек эста, кда минь карматама тюрема цебярь работань опытонкса. А тяфтама цебярь сатфкста, конатнень эзда лисендихть минь марстонь сатфксонкя производственнай платнень пяшкодемаса и вельф пяшкодемаса, сяда лама, кода аф сатыкста. Тя корхтай сянь што инголи моли рабочайхне инголи моли колхозникне, конат работайхть государственнай аппараца, и тязонга тиезь ся отть, кона башка няеви аф ударник колхозникть эзда производистваса.
Няфнемс советтнень работаснон тяфта; кода тя йотафневи Мокш-эрзянь обласьца, али кода депутацкай [ 5 ]группатне, конат пуроптфт колхозга и совхозонь оцю бригадава, — тя аф стак рябота. Тя арси видекс сатфокс советтнень работаснон одукс тиемаса и синь шама ширьде шарфтомасна производственнай задачетненди. Тяста лисенди што советтне ни крдатнень вяцазь тюрема социалиттическай хозяйстваса производственнай платтнень пяшкодемост, и вельф пяшкодемост, арси ли тя Сталин ялгать 6 условиянзон эряфс йотомакс гусударственннай аппараца? Конешна арси, и тяфта шарьхкодемс минь планонконь пяшкодемаснон тонафцамазь минь Сталин ялгась ся жа корхтамасонза, конань эса азонтфт Сталин ялгать 6 условиянза. „Виде-корхтай Сталин ялгась — производственнай планць ся лама милион рабочаень практическай работа. Педа-пес и эсь пингова производственнай плантть пяшкодемац тя лама милион трудяйхне, конат строяйхть од эряф. Минь программанеконь реальностец тя жив ломаттне, тя минь тинь мархтонтт, минь волянке трутти, минь аноконке работамс одукс, минь вишкя работанке пяшкодемс плантть.“ И ся сембе мезе корхтась Сталин ялгась вяре тяштьф валхнень эса сонь хозяйственникнень совещанияса тийф реченц эзда, сембе тя арси видекс азондомакс 6 условиянзон эса, конатнень эса азонтф, кода, коданя и кодама метоца ули кода сатомс цебярьста пуроптомс трудяйхнень производственнай платтнень пяшкодемост и вельф пяшкодемост.
Кда минь молелемя сят ломаттнень мельге, конат корхтайхть, што государственнай аппаратти аш мезе тиемс, кода Сталин ялгать 6 условиянзон эзда, кода условиясь рабочай вийть колга, то улель кода ба азомс, што вельсоветти тя тевса йофси аш мезе. Но вдь тя улель ба механическай и оппортунистонь шарьхкодема тя пяк оцю и эрявикс условияса минь строительтствасонок и аф шарьхкодема сянь кодама оцю ширекс арси велень пуроптомаса социалистическай строительствати предприятиятненди, од строительстватненди, ошонь жилищнай и комунальнай строительствати и ст. тов. Конешна аппаратти и сондеенза эрявикс рабочаень виень пуроптомаса тя тяшкава аф эряви, но сянкса, штоба йотафтомс эряфс Сталин ялгать кота условиянзон сянь колга, штоба „организованнайста пуроптомс рабочай вийть колхоснень мархта тийф договорхнень коряс, миндеенек пяк эряви надиямс велень советть и сонь аппаратонц ланкс. А штоба лац планц коря путнемс, явошнемс рабочай вийть аф аньцек велень советть эсь териториясонза, но и районца, обласьца, крайса и ст. тов. Тяста лисенди, што Сталин ялгать тя условиянц эряфс йотафтомаса работальхть сембе сят организациятне, конатненди ули кода лездомс нкт условиятнень эряфс йотафтомасост. Конешна, кда кона-кона пяльксоц государственннай аппаратть аф путы эсь инголенза задача сяда келеста, кода аньцек эсь „обласьтезонза“ рабочаень виень анокламаса, а лияды васттненди тя тевса сонь кода бта аш тевоцка, то тяфтама государственнай аппаратонь пялькссь аф муй эстиенза формат рабочай виень пуроптомаса.
Кда аф сатомшка шаркодемс задачать зарплатань пандомаса сашондови государственнай аппараца омбоце условиять эряфс йотафтомац, конань лихтезе Сталин ялгась рабочайхненди зарплатань пандомать колга, то улель ба кодя аппаратть эрь пялькссонза лоткамс тя кизефксса формальна. Панцаськ работама питнеть путнеф пинкнень коряс и пара, а сембе лияды тевсь хозяйственнай ортанизациятнень и тянди минь кодамовок тевоньке аш. Но эряви азомс, што тяфта корхтамс ули кода аньцея наксада бюрократти и ломантти, конанди йовси чуждайхть рабочай клазть интересонза, кона врак социалистическай строительствати. Видекс рабочай классонь [ 6 ]представительхне и революционерхне, конат работайхть государственнай аппараца, аш мезе корхтемска сянь ланкса, што шарькоцазь сембе тевть лац зарплатань пандомаса сянкса, штоба видекс, „машфтомс рабочай вийть работаста туманц. машфтомс уровниловкать, цебярьгофтомс рабочайхнень бытовой эряма ширеснон!“ Тя ули кода сатф аньцек марстонь вийса аппаратонь пялькснень: торгавама снабженическай, кооперативной, жилищнай, комунальнай, медико-санитарнай, социально культурнай и лиятнень мархта. Но тянди эряви, штоба нят аппаратонь пяльксонь ломаттне шарькоделезь, што сембе синь работасна — подсобнай работа производственнай предприятиятненди, конат новляйхть ценность, и синдеест эряви работамс тяфта, штоба синь оцю сатфкс работаснон сюнода улель косома ценностень навлямаса.
Аш мезе кархтамска сянь колга, што пяшкотькшнемс тя условиять тяфта жа госдарственнай аппарацовок кода минь йотафнеськ сонь предприятияса. Тя пяк эряви государственай аппаратть кемокстамс, сонь тюрем ширенц кеподемаса Сталин ялгать тя условиянц производстваса эряфс йотафтаманц инкса. Ся государственнай органць; ся государственнай аппаратонь пялькссь, коса эрь пингоне муйхть рабочайхне, лама расхлябонността и лия аф цебярь тевда, аш кода синдеест пяшкодемс рабочайхнень нужаснон, аш кода синдеест лоткафтомс рабочайхнень роботастост мумат и производствасовок. Тяста лисенди, што сембе работаса государственнай аппараттнень пяльксса Сталин ялгать 6 условиянзон эрафс йотафтомаса тюремаса веши вишкптемс работать кафкце ширьде. Фкя ширесь лацкас кемокстамс — рабочайхнень и колхозникснень эряма ширеснон, омбоце ширесь кемокстамс государственнай аппараць и штоба сон пяшкоделезень производственай задачатнень.
Тя задачать пяшкодемс эряви тяфта, башка пяк оржаста арси кизефссь государственнай аппараца лац пуроптомс трутть, кода средства сембе государственнай работать одукс тиемасонза, сонь шама пяльде шарьфтомасонза рабочайхнень и колхозникнень цебярьста эряма ширеснон ладямаса, аппаратть организационной ширенц вишкоптемаса производственнай платтнень пяшкодемаса и вельф пяшкодема тюремаса. Нят задачатнень пяшкодемасна вешихть, штоба советтне и сембе совецкай аппараць башка кеподелезь эсь работаснон рабочай клазть эсь эстонза производственно-техническай интелегенциянь анокламаса. Тя китьксса сембе вастова йотафневи тяниень пинкть пяк оцю работа высшай и средняй тоняфнема-школатнень вишкомомаснон шовар, аноклайхть всякай специалистт рабочайхнень и колхозникнень эзда, тяда башка пяк лама аноклави кадрада курснень, техникупнень и лиятнень вельде. Лиякс мярьгомс, минь государственнай аппарацонок йотафневи пяк вишкя кадрань аноклама и тянь мархта пяшкотькшневихть Сталин ялгать 6 условиянза башка государственнай аппаратть кемокстамаса.
Тя задачась лувомс аф эрявиксонди аш кода сяс, мес рабочай клазть сонцень эздонза интелегенциянц пяк эряви аф аньцек кода руководитель производстваса, но и эряви кода руководитель аппарацовок, кона обслуживает производствать. Вредительхне мархта тюрема опыцта минь содасаськ, што классовой враксь сявонцы эсь кядь алонза социалистическай строительствать каршес тюрема аф аньцек минь техническай лафча ширенкснь производстваса, но и минь лафча ширенконь обслуживающай аппарацовок, башка снабженическай, финансовай кооперативнай и лия организациятнень эса. Сяс и улель аф виде арьсемс, што государственнай аппратти интелегенция анокламс рабочайхнень эзда аф эряви, кода и тяза апак таргак сире пингонь интеленциять, кона лувондови преданнайкс совецкай властти. Задачась од специалистонь анокламаса рабочайхнень и сьора видихнень эзда, а тяфта жа задачась сире пингонь специалисттнень работафтомасна арсихть тяфтя жа пяк эрявиксонди государственнай аппарацовок, кода и производстваса, тяста няеви, што васенцетне арсихть производствати лездыкс.
Лятфтасаськ кизефксть хозрасчетть колга, кода фкя условия 6 нь эзда, кона лихтьф Сталин ялгать мархта, миндеенек эряви тяста лисемс кафта ширьдень задачаса, сонь эряфс йотафтомасонза. Фкя ширец кизефксть арси государственнай аппаратть рольс, кода хозрасчетонь пуропты масторланкса маром и эрь предприятияса башка эста жа омбоце ширеста арси йотафтомс хозяйственнай расчец госаппараттнень эсь эсост. Ломаттне, конат аф йорайхть активна тюремс тя задачать эряфс йотафтоманц инкса, корхтайхть, што тя задачась госаппараца эряфс йотафтомс аш кода сяс, што сонь эсонза аш комерческай операцият и ст. тов, но вдь аф эряви юкснемс, што фкя ширекс хозяйственнай расчеца арси режим экономиясь, производственнай карьхцяматнень крьфтамасна, производствать раццонализацияц и ст. тов. Вов мезе ланкс эряви шарфтомс башка мяль госаппараца хозрасчетть йотафтомста.
Тиендеви ли тевса мезевок? Конешне, тиендеви и пяк лама. Профсоюзнай организациятнень китькса и РКИ нь организациятнень эса минь улихть оцю опытонке государственнай аппараттнень рационализацияса, эсь питнень кирьфтама тюремаса, сонь работанц цебярьгофтомаса сембе ширьде режим экономиянь йотафтомать шовор. Башка оцю вастокс карьхцяматнень крьфтамаса государственнай аппараца арси питнень апак пантт рабочайхнень и колхозникнень 8 частта производстваса работамдост меле стак работасна. Тя работать содасазь тяни сембе, кода работа социалистическай совместительстваса и заместисельстваса. Няеви тевса, што вишкопцаськ тевть рационализаторскай работаса тя ширеса и кемокстатама ошонь и велень советтнень эса эрь пингонь актив, а тянь мархта карматама госаппаратонь карьхцяматнень крьфтама.