Татарлар Юрду
Къырым, Къазан, Астрахан — татарлар юрду.
Кетти эльден къул болдыкъ, Хакъ буюрды.
Ляле, сюнбюль, мелевше джавунсыз солды.
Заваллы татар халкъы да окъувсыз болды...
Ольдик, ольдик къан, ирин, топракъ болдыкъ,
Корьмезмикен татарлыкъ бир онгъанлыкъ?!
Джигит аттан джыгъылыр, душманлар кулер,
Къолунда тизгин болгъан сонъ, секирер минер!
Ерни, кокни сув алса, тентиреп къалсакъ,
Арш-ы-алягъа чыкъармыз чалышсакъ.
|
This work was published before January 1, 1929, and is in the public domain worldwide because the author died at least 100 years ago. |