Tatarlar Yurdu
Qırım, Qazan, Astrahan — tatarlar yurdu.
Ketti elden qul boldıq, Haq buyurdı.
Lâle, sünbül, melevşe cavunsız soldı.
Zavallı tatar halqı da oquvsız boldı...
Öldik, öldik qan, irin, topraq boldıq,
Körmezmiken tatarlıq bir onğanlıq?!
Cigit attan cığılır, duşmanlar küler,
Qolunda tizgin bolğan soñ, sekirer miner!
Yerni, kökni suv alsa, tentirep qalsaq,
Arş-ı-alâğa çıqarmız çalışsaq.
|
This work was published before January 1, 1929, and is in the public domain worldwide because the author died at least 100 years ago. |