Колхозонь эряф/1932/16-17/Чукальскай тевть - сембе партиецнень, комсомолецнень и сембе колхознай массатнень мяльс
| Чукальскай тевть-сембе партиецнень, комсомо лецнень и сембе колхознай массатнень мяльс. |
Тяниень пинкть, мзярда партиясь и правительствась вятихть кемя политика колхоснень организационно-хозяйственнай ширеснон кемокстаманц инькса, синь эсост цебярь руководствань пуроптомать инькса, бта аш кода и арьсемска стама факттнень колга, кодамот ульсть нолдафт Чукальскай „Красный Октябрь“ колхозса (Игнатовань районца, Мокшэрзянь обласьца).
Кодама жа кальдяв и политически пяк вреднай тяфт тийфтельхть Чукальскай „Красный Октябрь“ колхозса, тянь колга цебярьста корхтайхть тяда меле сьорматф ВКП(б) нь крайкомть и Обкомть тя тевть колга путфкссна.
Чукальскай колхозса председателькс работась Ереминць, конац лувондозе эсь прянц чиновникокс, вяць вишке командование колхозонь массатнень ланкса, ашезь ноля кодамовок контроль эсь мельганза аф аньцек колхозникнень, но правлениять ширьденьга. Ереминць, кода типичнай жандарма сембе тевть ветнезя ськамонза, эсь вишкя командованиянц и приказонзон вельдя. Сембонь тянь сюнода лиссь ся, што колхозть работац мольсь козонга аф яраштыста, мянь тяниень пинькс колхозса апак яфт 1931 це кизонь дохоттне, апак макссек расчет сят колхозникненди, конат работасть учлесхозса. Учесхозсь колхозникнень лемс казнянди макссесь мануфактура, конац колхозникнень кяц ашезь пачкодь, а кода няеви ляць Ереминтть кяц.
Колхозть эса труць пуроптфоль пяк кальдявста, сембе работаса мольсь вишкя уравниловка, бригадатнень эса трудонь учед ашель, машинатнень и инвентарть йоткса ульсь обезличка и ст. тов. Тянь колга мезевок ашезь арьсекшне Ереминць, а сон аньцек сяконь содаль макссель прикаст.
Ереминць сянь васц, штоба ладямс эсь работанц колхозонь массатнень вешьфксснон оряс, нльне пикссезе фкя Бинайкина Татьяна колхозницать, кона вешсь сонь кяцтонза, штоба сон эряскафтолезе кочкихненди мичконь нолдамать. Тянь ланкс апак лоткак Ереминць йотафнесь киньге апак кизефнек фсякай лаца обыскт, стак ащемда севончнесь лама колхозниконь и башка эряй ашувонь и середняконь паршихть.
Сембе нят тефне йотнесть Чукалы велень партийнай ячейкать сельмя инголя, но партийнай ячейкась, кода няеви, синь ашезень лувонда кальдяв и политически вреднай тевонди, сяс ашезь примсе кодамовак мерат синь лоткафтомаснон инькса, Тяконь мархта Чукалонь партийнай ячейкась няфтезе эсь политическай сокор шинц колхозннай движениять ланкса руководствань вятемати аф способнай шинц, эсь аф оцю мяльса работама шинц.
Колхозникненди арасть аф кирьдемшка Ереминтть тяфтама разлагательскай тевонза, сяс синь макссесть лама жалбат и заявленият Ериминтть ланкс, но тя сембе йотнесь „оцю ломаттнень“ пилеснон вакска и колхозникне кодамовок лезкс ашесть получакшня.
Игнатовань Рийколхозсоюзсь, кода и лия организациятне, ашезе лувонда эрявиксонди шоворемс тя тевти, сон ащесь ширеса нят политически вреднай и безобразнай тефнень эзда. Сон, кода няеви, ашезь вять эрявикс большевицкай руководства тя колхозть работанц ланкса, ашезь вять кодамовок контроль колхозть работанц мельгя. Райколхозсоюзсь тяконь мархта нолдась пяк оцю политическай упущение эсь работасонза, конац няфнесы сянь, што сон тя пинькс ниньгя ашезе шашфта эсь работанц вастова колхоснень эс, сянь, што сон ащи ширеса колхоснень эзда. Райколхозсоюзти тя пяк оцю политическай уроксь эряви лувомс и ингольпяли ладямс эсь работанц станя, штоба сяда кемоста улель ладяф колхоснень ланкса живой руководствась, сяда кемя улель соткссь синь ланксост и эрь шинь контрольсь синь работаснон мельгя.
Сембе нят тефне колхозникнень мархта пачфтфтольхть народнай суду, конац кярьмоць тевть кочкама, но аф станя, кода ба сон эряволь кочкамс. Сон Ереминтть тевонц ванондозе аньцек фкя ширьдя, лиякс азомс Ереминтть лувозя муворонди аньцек Бинайкина
 |
| Вов кит шорьсихть колхозонь тефнень эса и юмафнихть колхозонь паршить |
Игнатовань ВКП(б)-нь райкомсь тяфта-жа нолдась оцю политическай эльбятькс. Сон ашезь вять кодамовок политическай руководства Ереминтть тевонц колга судебнай процезть ланкса, ашезень пуропта тя тевть перьф райононь сембе партийнай организациять и колхознай массатнень, ашезе пут тя тевть оцю политическай урококс, конань перьф эряволь-ба пуроптомс общественнай мяль. Сон эсь пиньгова ашезе пуропта сембе партийнай организациять и сембе колхознай массатнень „Красный Октябрь“ колхозть эса бесхозяйственностть и бюрократическай командованиять каршес тюрема, колхоснень эзда кулацкай и преступнай элементтнень панемаснон инькса.
Областень суць ниньге сяда ляпста кярьмоць тя тевти. Сон Игнатовань народнай сутть приговоронц полафтозе и макссь Ереминтти киза принудительнай работа. Мзярда пачькоць тя тевсь ВКП(б) нь обкомти, то обкомсь пяк ламоксть мярьгонць областень судти полафтомс Ереминтть тевонц колга судебнай приговорть и ушодомс од паказательнай судебнай процез тозк васца, но тя тевсь тарксевсь пяк ламос.
Тя пинькс Ереминтть тевонц колга процезть политическай ширенц кяшеманкса апак валхтт васцтонза и апак таргак кемя ответственнозьс Игнатовань народнай судьясь Аноськинць. (Тяконь шовор эряви азомс, што Аноськинць Ереминтти ульсь аф аньцек ялга, но нльне сонь иждевенецоц. Мзярда сон кармась приговорть сьормадома, то корхтай нарследовательти Мансурованди: „аф эряви кемота судендамс Ереминць, вдь сон минь сембонь аннемазь сырда“). Тя корхтай сянкса, што Ереминць эсь влияниянц алу севондезень нльне кой-кона районнай работникнень, сяс теенза тьождя ульсь вятемс тяфтама преступнай, явно бюрократическай и разлагательскай тевонзон.
Мекпяли Ереминтть тяфтама тевонзон колга кулясь пачкоцть краень организациятненди, сяс ВКП(б)-нь крайкомсь кучсесь эсь эздонза уполномоченнай, конац лифтезень лангти сембе нят безобразиятнень и примась эрявикс мерат синь машфтомаснонды.
ВКП(б)-нь крайкомть и обкомть лифтьф путфкссна Чукальскай тевть колга арсихть пяк оцю политическай документокс кода областень, станя и краень партийнай организациятненди. Ереминтть тяфтама тевонза эрявихть путомс оцю политическай урококс сембе партийнай, совецкаи и колхознай общественностть инголи.
Чукальскай тевсь путни сембе областень партийнай организациять инголи инь оцю задаьакс ингольпяли колхоснень организационно-хозяйственнай ширеснон кемокстаманц, колхозга трутть и учетть цебярьста ладяманц, колхозонь дохоттнень работать количестванц и качестванц коряс явшемаснон, обезличкать и бесхозяйственностть мархта кемя тюремать. Эряви инь кемоста вишкоптемс тюремать колхозонь руководствать ширьде бюрократическай командованиянь метоттнень мархта, вишкоптемс контрольть башка эрь колхозть, эрь колхозонть ячейкать работанц мельгя.
Сембе областень и краень партийнай организациятннди эряви тяниок кярьмодемс Чукальскай тевть колга ВКП(б)-нь крайкомть и обкомть путфксснон кочксема, штоба нят путфкснень содалезень аф аньцек эрь партиецсь, эрь комсомолецсь, но и башка эрь колхозниксь.
Колхоснень эса тяфта-жа эрявихть цебярьста кочкамс Чукальскай урокне и синь колгаст ВКП(б)-нь крайкомть и Мокшэрзянь обкомть путфкссна:
Аньцек тевть тяфта ладязь ули кода инголь пяли вишкста йотафтомс колхоснень организационно-хозяйственнай ширеснон кемокстаманц, синь эздост сембе чуждай-кулаконь элементтнень ароптомаснон и цебярь большевиконь руководствань ладямать, синь работаснон мельгя большевиконь контролень вятемать.
Ереминтть классовай вракти лезды тевонзон каршес сембе колхозонь массатнень эрявихть пуроптомс инголь пяли колхознай движениять цебярьста мольфтеманц перьф ингольпяли колхозса чуждай-кулаконь элементтнень мархта вишкя большевиконь тюремать перьф.
Чукалонь тевсь араза оцю политическай урококс сембе партийнай, совецкай и колхознай общественностть инголи, чукалонь тевсь ниньгя весть тейнек няфнесы, што колхознай движениять ланкса кемя руководствань вятемась, тя тевса партиять генеральнай китьксонц инькса тюремась арси минь инголенок эрь шинь инь оцю задачакс.
Чукальскай тевть — сембе партиецнень, комсомолецнень и сембе колхознай массатнень мяльс.
| Еремиттне вракт колхозонь эряфти, синь сембе тевсна лездыхть кулакненди и синь агенцнонды. |