Эрзянь Мастор/2007/02/Садо, садо Раськень Озксов!

←Доронин Александр Макаровичнэнь 60

Эрзянь Мастор, № 2 (250), 25 января 2007 редактор Нуянь Видяз, Кшуманцянь Пиргуж Садо, садо Раськень Озксов!

Орден. За что?→

Статья на сайте газеты: № 250, 25.01.2007, Садо, садо Раськень Озксов!

 

Садо, садо Раськень Озксов!

Кавто-колмо пингеде икеле ютавтневсь эрзянь вейсэнь Озкс — Раськень. Пурнавкшность эйзэнзэ аволь вейке тёжа. Коесь кезэрень. Уле-арась истямо кодамояк раськень — а содатано. Эрьва сыцясь кандыль мартонзо зярыя коморот юртстонзо саезь ды ознозь мода. Инешкипазнэнь энялдомадо ды покштятнень-сырьаватнень лемест кундамодо мейле кандозь модась каявиль ве таркас. Истя иестэ иес, пингестэ пингес! Теевиль Маар (курган), конань тёкшкес озномадо икеле аравтовиль ды кирьвазстевиль Раськень Штатол.

Ванстовозь документнэнь коряс меельцеде Раськень Озкс ютавтозель 1629 иестэ неень П.-Игнатбуень Чукалвеленть маласо (Мордовия).

1999 иестэ теке жо таркасонть вельмевтезель Раськень Озксось одс. Сакшность эрьва ёндо кавто тежа малава. Штатолонть сэрезэль 2 м 10 см, сталмозо 165 кг.

2004 иестэ Раськень Озксось ютавтозель омбоцеде. Пурнавшнось ниледе ламо тёжат. Штатолонть сэрезэ 3 метрат, сталмозо 300 кг. Мордовиянь прявтонть Меркушкин Н. И. кармавтоманзо коряс яволявтозель Масторонь Покшчикс.

2007 иень медьковонь 14 чистэ пурнави Россиянь келес сравтневезь эрзятнень Озксост колмоцеде. Штатолонть сэрезэ карми, арсеви, 4 метрат, сталмозо — 800 кг.

Анокстадо Раськень Озксонтень. Газета, телефон, радио, телевидения вельде, вастовомсто, сермасо ёвтнеде минек, косояк а вастневиця койденть.

Макстнеде вейкенк-вейкенк туртов Инешкипазнэнь энялдомань, покштянок-сырьаванок лемест кундамонь валтнэнь, тонавтнинк сынст. Анокстадо эрзянь оршамопельть, морот. Свал кирдеде мельсэнк модань саема-ускома меленть.