Эрзянь Мастор/2008/11/Аштемковонь 29 чистэ топодить 55 Ганчин Анатолий Дмитриевичнень

←Фонд "Пургаз"

Эрзянь Мастор, № 11 (283), 18 июня 2008 редактор Нуянь Видяз, Кшуманцянь Пиргуж Аштемковонь 29 чистэ топодить 55 Ганчин Анатолий Дмитриевичнень

Явдано седей ризкс→

Статья на сайте газеты: № 283, 18.06.2008, Аштемковонь 29 чистэ топодить 55 Ганчин Анатолий Дмитриевичнень

 

Аштемковонь 29 чистэ топодить 55 Ганчин Анатолий Дмитриевичнень

Анатолий Дмитриевич Ганчин чачсь 1953-це иень аштемковонь 29 чистэ Чаунзань буень Кульнявелесэ. Школань прядомадо мейле ламо ютась масторганть. Электрофицировась чугункань кить Татарстансо, Раужо иневедь чиресэ, Балтиясо, Самарасо. Армиядо мейле чувсь-валакавтсь валнома лейть-лушмот (каналт) Саратовань келей паксятнесэ.

Мордовияв мурдамодо мейле мольсь тонавтнеме М.Е.Евсевьев лемсэ МГПИ-нь филологиянь факультетс, конань прядызе 1981 иестэ. Сеске кучозель важодеме Ромодан буень школань прявтокс.

1984-це иестэ 1987-це иес тонатвнесь МНИИЯЛИЭнь аспирантурасо, анокстась очеркень коряс диссертация. Теде мейле малав сисем иеть важодсь «Сятко» журналсонть. 1996-це иестэ саезь колмо иень перть ульнесь Московонть пельде ванкшныцякс-вешницякс эрзятнень-мокшотнень стакачист шождалгавтома ёнкстнэнь РФ-нь Образованиянь министерствань институтсо. Зярсыяс прянзо алтнызе рамсема-микшнема тевентень, кона мольсь а беряньстэ, ялатеке зярдояк эзизе стувтне-кадно сёрмадоманть, мезенть уставакшнызе кемголмово иесэ. «Сятко», «Чилисема» журналтнэ ды «Эрзянь правда» газетась печатасть-нолдасть ламодояк ламо ёвтнеманзо, баснянзо, очеркензэ. 1995 иестэ лиссь «Куш кемеде, куш илядо…» книгазо.

2007-це иестэ А.Д. Ганчин таго вечкевикс тевсэнзэ — «Сятко» журналонь прявт редаткорось А.В.Арапов саизе важодеме прозань пельксс.

Мельвановикс Атякшинькань Толя, арсетяно теть чачома чистэть ды свал шумбрачи, седе товгак эрямс ояксчисэ Пегас марто, ливтневлинзеть свал менельга-кува. Чачома чи марто, Эрзянь Масторонь сёрмадей!

 

---

Далее в номере газеты идёт рассказ (ёвтнема) Анатолия Дмитриевича Ганчина «Пингень панжома», здесь не публикуется т. к. нет информации по поводу его доступности по свободной лицензии. Рассказ можно прочитать, перейдя по ссылке в шапке статьи на сайт газеты. — Примечание редактора эрзянской Вики-библиотеки.