Эрзянь Мастор/2011/24/Вай сыречи, кажочи...

Эрзянь Мастор, № 24 (368), 26 декабря 2011 редактор Нуянь Видяз, Кшуманцянь Пиргуж
Вай сыречи, кажочи...

Статья на сайте газеты: № 368, 26.12.2011, Вай сыречи, кажочи...

Вай сыречи, кажочи...

Вай сыречи, кажочи...
Вай сыречи, кажочи,
Тон а учат, а сон — сы.
А нейсак кода сови,
Шумбрачить весе сайсы.
Кедеть-пильгеть сэредить,
Кургсо пееть певерить.
Зеркаластень мон молян,
Неян амазый ломань,
Тонть сэреть кичкерьгады,
Рунгот амазолгады.
Кедезэть саят палка,
Сыречинь «помогалка»
Пенсиясь улевельгак,
Хоть уколс рамавлия.
Пенсиянть ансяк кандсызь,
А нейсак кода сайсызь.
Эсеть лангс весе пижнить,
Кулакост пулякс вижнить.
Весеменень тон мешат,
Тарка муят сеск
А содат козонь кекшат.
Молян церантень кекшан,
Тосо урьвантень мешан.
Тейтереть кедьсэ эрявлинь,
Вай, содамодонть пелян.
Ох, содамодонть пелян
Ох, сыречи, кежейчи
Кадомака хоть ве чи.
Каштлагстояк мусамак,
Тосояк авардстьсамак.
Арсян чистэ иредян,
Мон жо истя сыредян.
Куломаськак малав сы
Пазось шкастонзо ёвты
Апак сода сайтянзят,
Отпуск а нолдатанзат.
А од шкась пры мелезэнь,
Сельведеньпрыть элезэнь.
Кода вирьга якинек,
Умарь ведрат канднинек.
Колхозсо важодинек,
Сизема а содьнек.
Ловось солы, кизэ сы,
А од шкась мекев а сы.

* * *

Васня кандызь неть "пеняцямотнень" Поваделестэ. Мейле гайневтсть Отяжвелестэ. Ней — максызь тенек Сурвелестэ. Кие, костонь сынст сёрмадыцяст?

RU: Данная работа, являющаяся произведением народного творчества (фольклор), не имеющим конкретных авторов, находится в общественном достоянии (ОД) в России, т. к. она не является объектом авторских прав согласно части IV Гражданского кодекса РФ, принятого законом № 231-ФЗ 18 декабря 2006 г. (см. полный текст 70-й статьи ГК РФ на русском).

EN: This work, being a work of folk art (folklore) which doesn't have any specific author(s), is in Public Domain in Russia because it is not an object of copyright according to Part IV of Civil Code No. 231-FZ of the Russian Federation of December 18, 2006 (full text of the Chapter 70, which contains copyright laws, of the Part IV of the Code: in Russian). It is believed to be in Public Domain worldwide as well.