Якстере теште/1924/08/Кода седе курок получамс страховка
| ←Страховинк сюронк цярахмандо | Якстере теште, № 8, 20 марта 1924 г. Кода седе курок получамс страховка |
Эрзянь моро→ |
| Якстере теште. Еженедельный орган мордовской секции при Ц. К. Р. К. П. (б.). — № 8, 20 марта 1924 г. — с. 2 |
| Кода седе курок получамс страховка. |
| (Повнинк правилатнень). |
Штобо седе курок получамс страховка, эряви содамс страховамонь правилатнень.
Сайдяно истямо пример. Если кияк эсь олясо страховизэ кудондо эли лия паро чиндэ и миизе лиянень.
Од хозяинэнть палць кудозо. Документнэ ульнесть теизь икелень хозяинэнть лемс. Эряви ютафтомс ламо врема, штобо получамс од хозяинэнтей страховка. Если недлядо мейле, кода рамизе хозяинэсь кудонть, ды ульнесь апак ефта страховой агентнэнь, сон аполучи страховка. Если кияк рамась кудо, то секе читнень эряви ефтамс страховой агентнэнь, штобо сон кудонть сермадовлизе рамицянть лемс. Истя эряви теемс куш кодамо страхованиясо, скотинань, сюронь и кудонь.
| Эряви кажнойнень содамс истят правилат: | |
| 1) | Если киньгак палсь страховазь кудозо, то колмо чис эряви максомс заявления агентнэнь. Саемс удостоверения сельсоветстэ, косо улезэ евтазь, мезде теевсь пожарось, штобо иляст дума, што тон тонсь нарушной кирвастик. |
| 2) | Если сюрот чавизе цярахман, то колмо чис эряви максомс заявления представителентей. А если арась представитель, то евтамс советс. |
| 3) | Если кулось скотинат, то секе сутканть эряви ёвтамс ветеринарной врачнэнь эли фельдшернэнь и страховой представителентей, эли советс. |
| 4) | 1) Штобо страховой агентэсь сермадозо акт пожардонть (секе недиянть). |
| 2) Цярахманонь чавовт сюродонть сермадомс акт, кафто недлядо икеле, сюронть урядомос. А сюронь урядама мейле поздат уш. 2) А если цярахман чавизе страховазь садот, то эряви акт сёрмадомс секе недлянть | |
| 3) А скотинань куломадонть эряви секе читьнень сермадстомс акт, но штобо акадомс кизна ковто чис, а тельня с 1 ноября 1 апреля — ниле чис. | |
| Если маласо агодяви ветеринарной врач эли фельдшер, то можна сермадстомс акт страховой агентэнь кедстэ, эли сельсоветэнь кедстэ. | |
| 5) | Если актонть сермадомадо мейле хозяинэсь мекскак эзь получа страховка, то вейке месяцс обязательно сон должен получамс. |
Не велетьнень эзга, конань эйстэ васало эри страховой агентэсь, сэстэ можна максомс страховканть получамс, Сельсоветсэ и эли Волисполкомсо служицянень.
Ярмаконь максомась тевесь покш. Эряви сермадомс кинигас ды мезе. Получицянтень эряви анокстам икелейгак весе удостоверениятне, конат эрявить. Если документэть кецеть, то тон сеск получат ярмак актонть сермадомадо мейле. Если велесэнть сразу ламо кудот палсть, то сестэ страховканть сразу максцызь хозяитнэнень.