Якстере теште/1924/08/Страховинк сюронк цярахмандо

Якстере теште, № 8, 20 марта 1924 г.
Страховинк сюронк цярахмандо

Якстере теште. Еженедельный орган мордовской секции при Ц. К. Р. К. П. (б.). — № 8, 20 марта 1924 г. — с. 2

[ 2 ]

Страховинк сюронк цярахмандо.

Ламо бедат тейни кизна цярахманось. Штобо лисемс те бедастонть эряви страховамс сюротне.

Советской властесь, кода кавто годт уш мери, обязательна страховамс кизна сюротнень. Кой кона губернятнень эзга теезь истя, штобо садтнэнь, бакчатнень тожо обязательно страховавлизь. Ней кой кува народось уш фатямо кармась, кодамо лезэзэ страховамонть. Кода афатямс. Меля 55 губернява ульнесь тапазь цярахмансо 850 тыща десятина сюро. Убыткась тесе аловови як. Конат эзизь страхова сюрост. Тедидэ государствась прибавизе цярахманонь чавовт сюронть кис страховканть. Кинь страховазь сюрозо, се получи страховка, кенери рамамо знярояк видьмет и ярцамс сюро, сон яла помочь.

Кажнойнень эряви стараямс страховамс сюрондо. Ней Советской властесь мери, кадык кажной эсь олясо страховазо сюрондо знярос хочет. Кажной сонць зняронь питьнесэ хочет страховамо истя и страховасызь, но штобо илязо уль окладной суммадонть больчи.

Не губернятнень эзга кува окладось 5 целковой, можна страховамс 10 целковой и сефть ламо 15 целк. Аэряви пандомс апак страхова десятина сюро. Пазонть ланкс надеямс амясть, сон теть а помоги, если кадоват вачо, а если страховасыть, тон содат, што куш кодами несчасиясо получат страховка.

Кой кить думить, што страховазь и цярахмансо тапазь сюронть кис тожо саить налог. Те зря.

Кажной сюро видицянень эряви содамс истят правилат:
1)	Страховамс эряви сюронь цветямодо икеле, ато эрци, што цярахманось цветнэнь тапасындэ.
2)	Ки хочет питьнейстэ седэ страховамс сюрондо, то пурнавост седе ламинест велестэнть. Веленек седе дешевасто сти страховамось. Максыть скидкати пандомань отсрочкат.
3)	Ульнесь цярахман, эряви сеск жо евтамс агентнэнь.
4)	Цярахмансо чавозь сюронть нельзя усксемс паксясто, если сондэ эзизе ней агент. Васня эряви нефтемс. Ато истяк аловови зняро теевсь убыткась. Повнинк, што анцяк сюронь страховазь можна надеямс, што вачо сетыки акадоват.