Якстере теште/1924/14/Кода минек эрзятне ваныть эрзя ланкс
| ←Кода минек артеленок каладокшнось и мекс | Якстере теште, № 14, 18 мая 1924 г. редактор Васильев, Тимофей Васильевич Кода минек эрзятне ваныть эрзя ланкс сёрмадызе Эрзень комунист |
Барщинань шкасто→ |
| Якстере теште. Еженедельный орган мордовской секции при Ц. К. Р. К. П. (б.). — № 14, 18 мая 1924 г. — с. 2 |
| Кода минек эрзятне ваныть эрзя ланкс |
Минек уездсонок эрить пек ламо эрзят. Улить ютксост грамотнойть ды партийнойть. Ули эрзень педагогическ техникум, косо танавтнить учителькс эрзень од ломать.
Эрзетне пек темнойть. Сынст ютксо ламо эряви работамс, штобо сынст кармавтомс тонафнеме ды кой мезинь содамо.
Тедиде Московсто кучсть школав эрзень букварть. Конань эйсэ кармасть тонавтомо эрзякс. Кой кона школатнень эзга арасельть эрзень учительть, тува тонавсть русскс. Рузонь учительтне мерить, што а мейсь ютавтомс пустас шкась (времась) эрзякс тонавтомас.
Нетне жо учительтне уездной с‘ездэ—як кортасть, што эрзень буквартне ды газетнэ а мейс.
Народось соньць отказы эйстэст.
Истяжо уездной партиянь с‘ездсо кой кить кортасть. Призидиумс пурнакшность кавто эрзят, конат сроду ней а басить эрзякс — виздить. Аразди сынст эйстэ толк ули коли сынць виздить эрзякс басямо.
Эрзят, эрзят, мекс тынь отказатадо эсь прянк эйстэ? выписывали—ли сынь эрзень газет сермадсть ли сынь тов мезеяк велень нужадо. Истят эрзетне умок эрявольть тулкадемс эрзя ютксто.
Кода, козой гак кочкамс, сынь эрзят, а работамо эрзя ютксо, сынь виздить эсист кельдест.
Эрзень комунист.
Редакция пельде: Истятнэнь пурнакшномскак а эрявить эрзень работникекс. Сынст пельде толк а ули. Кадык сынь работыть руз ютксо.