Якстере теште/1924/29/Авань моро

Якстере теште, № 29, 28 сентября 1924 г. редактор Глухов, Пётр Семёнович
Авань моро сёрмадызе Марфа Кочетова

Якстере теште. Еженедельный орган Мордовской секции при Ц. К. Р. К. П. (б.). — № 29, 28 сентября 1924 г. — с. 2

[ 2 ]

Авань моро.

Вай стяка, стяка, эрзень авине,
Вай сургусть сургусть, мокшонь урьвине.

Варштак валдо чис, чи лисима пелев,
Чись каясь струят эрзятнень велев.

„Якстере Тештесь“ лангозост ваны,
Чопода читнень эйстэдест пани.

Кото год ютасть, кода власть саивсь,
Миник мастор лангс Совет власть теивсь.

Уж умок тапазь бояронь властесь,
Уж умок ёртозь инязор венецсь.

Ташто шкастонть тон пильгало ульнить,
Телень перть мельцеть штереть-пакареть.

Теле якшамне тон муськат-човат,
Аштинь чокшнес мелявтат-маштат.

Тунда мелявтат — ашо коцт кодат,
Пувурькс кеднесэть руцят, панарт стат.

Кизэ порасто пакся ки лангсат,
Паксянь тевть теят ды тинге чиресат.

Урядат-теят пакшат кирьгасот,
Паро эрямо знярдояк аздат.

Пингеть ютавсак сэкссэ-рудайсэ,
Кавгак а лисят куцто-кардайстэ.

Пандядо, ялгат, валдонть а содамс,
Ленин заветстэ мекив а потамс.

Эряви, ялгат, сёрмас тонафнимс,
Кинигат ловномс, газетс сёрмадомс.

Светсэнть месть тейнить весиде содамс,
Мекив а потамс, эсь прават кирдимс.

Вай стяка, стяка, эрзень авине,
Вай сургусть, сургусть, мокшонь урьвине.

Моронть ладизе сёрмас а содыця
эрзя-ава Марфа Кочетова.