Якстере теште/1924/32/Илядо кола озименк эйсэ

Якстере теште, № 32, 25 октября 1924 г. редактор Глухов, Пётр Семёнович
Илядо кола озименк эйсэ

Панжинк школань кенкшкэнь тейтерьнень, аванень→

Якстере теште. Еженедельный орган Мордовской секции при Ц. К. Р. К. П. (б.). — № 32, 25 октября 1924 г. — с. 3

[ 3 ]

Сокамо-видиман тевть.

Илядо кола озименк эйсэ.

Илядо ван озим ланга скотинат. Скотинань ваномась пек гади озимтнень эйсэ. Секс сюронокак эрцить берять. Илядо нолтне озим ланкс реветь. Ревесь озименть кореном таргасы.

Веленек тееде приговор, анолдамс озимь ланкс скотинань ваномо.

Кие нолды — сень пельде штраф саемс.

Акулцоныцетнень велесь куш знярдо ноцковцынзе. Анцяк веленек меремс, озим лангов анолдамс скотина. Кияк а карми велень карчо молеме.

Паро сюро видиця анолдасы скотинанзо озим ланкс. Анцяк сюпавт, конань ламо скотинаст, мерить ваномад озим ланга.

Скотинась пек ламо тапи ды вали озимь. Арседе весенек тень кувалт. Илинк кат озименк тапамс.

Скотинась ламо зыян теи озиментень.

Скалось ламо озимь тапи. Ревесь седеньгак ламо гади. Сон озименть кореном таргасы. Мейле уш одс те озимесь а туи. Знярдояк илядо нолтне реветь озим ланга.

Скотинась човорясы озименть рудаз марто. Копытасо теить следт. Нетне следтнэнень пиземене пурнави ведь. Ведесь прядцы озименть.

Лият арсить (думить), озим ланга ваномась пародо башка мезеяк а теи. Лия иене озимтне сексня пек касыть. Сэрей озимтне лов ало курок преить. Секс, мери, эряви нолтнемс озим ланкс скотина, кона а кацы озименть пек касомо, ды сееде таркатнень чуролгавсынзе.

Жадной скал лиясто кулумазонзо ярцы озимде.

Тевесь аволь истя ащи.

Скотинань ваномась ламо зыян теи озиментень. Секс, косо озимь ланга ваныть скотинат, тосо паро сюро знярдояк а пурнакшныть. Косо скотинат а ваныть, тосо сюрояк кавксть седе ламо саить.

Кода теемс, знярдо озимтне пек касыть.

Кода озимтне пек касыть, сестэ сынст эрявить ледемс, анцяк аволь пек алга.

Кода пры кельме, озимтне лоткить касомадо, сестэ нолдамс анцяк скалт.

Начко пиземе чине аэряви нолтнемс. Сестэ модась пек чевте ды рудазов. Истямо чине ламо скотинась гади озим.

Жадной скал лиясто куломазонзо ярцы.

Таркава таркава ламо скалт кулцить озимтнеде. Знярдояк лучи а эряви нолтнемс озим ланкс скотина.

Скотинась човорясы озимзнть рудаз марто. Копытасо теить следт. Нетне следтнэ пиземене пешкедить ведьте. Ведесь преявсы озимзнть. Скотинась ламо озим тапи, ды тарги кореном.