Якстере теште/1924/33/Кода эрзятне тюрсть Советнэнь властень кис

←Робочей марто сюро видицянь Союзось

Якстере теште, № 33, 4—7 ноября 1924 г. редактор Глухов, Пётр Семёнович Кода эрзятне тюрсть Советнэнь властень кис сёрмадызе П. Романов

Советень мосторга→

Якстере теште. Еженедельный орган Мордовской секции при Ц. К. Р. К. П. (б.). — № 33, 4—7 ноября 1924 г. — с. 4

 

[ 4 ]

Кода   эрзятне   тюрсть   Советнэнь   властень   kис.

Эрьзятне истя же кода и лия ломатне минек Республикасо ульнесть Якстере армиясо. Рабочеень и Сюровидицянь Советэнь властеньть кис пек тюрсть и ламо эсист веренть виест-пингест максызь. Тевесь ульнесь аволь васоло Царицын городсто.

Тунда 1919 иестэ кода Деникенэнь разбойниктне саизь Царицын и Камышин ошотнень и мольсть Саратов лангс се шкасто Советэнь властесь и Коммуниянь партиясь пурнась полкт, конат и тусть Деникинэнь карчо.

Мон понгинь истямо полкс, косо ульнесть и русст и татарт и эрьзят и чувашт (ветькеть). Эрьзятнеде ульнесть те полксо сядо пельмарто. Ульнесть сынь кавто батальонсо. Ве ротасо пелест эрьзят и ульнесть истят взводт косо ульнесть анцяк эрьзят. Взводнойтне и отделенойтне ульнесть и эрьзянь зводсо и човор зводсо. Эрзятне ульнесть Самаронь и Саратовонь губернясто.

Теинь митинг. Васьня састь пек аламо а омбоцедо и колмоцеде пурнавсть сядошка. Мон теинь доклад эрьзянь кельсэ: мекс рабочейтне и сюронь видицятне теизь Октябрьской революциянть; ки минек властенть карчо моли и мекс молить; кинень эряви те войнась; мезе миненек эряви теймекс, чтобу кирьдемс минек властенть; ки те истямо россиянь коммуниянь партиясь.

Те докладось эрьзятнень мельс тусь „Вот те тевесь пек паро“ — кортыть эрьзятне. Ней минь карматанок содамо мезе истямо риволюциясь, буржуйтне, большевикть, меншевикть, а то кодат анцяк валт амарят рузонь митиньгсэ чаво прянть лацо мезеяк ачаркуттянок Ялга политрук, кодаяк эряви миненек эрьзянь газет а ведь кода чуваштнэ и татартне ловныть эсист газетнэнь минь баранонь лацо анцяк вантано сынст ланкс и те шкасто истямо сы кеж — мекс минек газетэнек арасть. Минеквелесэ истя кортыть если тон шачить дерей эрьзянь церакс и улят эрьзякс — русскс коли як атонадат парсте кортамо ды чаркодеме. Минь истя арситяно; эряви прянть парынесте лаксемс, сесте кармат чаркодеме и ловномо ауль аньцяк русскс, но и французокс и лия масторонь кельсэ.

Эрьва ротанть кис, косо ульнесть эрьзят кочкинек тонадонь эрьзя просветительной комиссияс, конат эрьва ротасо кармасть ловномо рузонь газетт весе эрьзятнень кис ды ефтниме эсист кельсэ.

 

Карминек тейнеме эрьва недля эрьзянь митингт, а сеть эрьзятне конань шкаст ульнесь, якасть школав ловномо тонавтнеме.

 

Сеть полконть приказтне конат кортасть октябрянь революциянть коряс, мон сёрмадылинь эрзянь кельсэ и те еермадонь конёвонть ловнызь эрзянь валсо эрьва ротасо.

 

 

Минек полкось ютась покш тарка. Седе мейле полкось кармась ванстомо вить берегонть, что бы иляст са ашотне тона берегонть ендо и учинек эрьва чи од вий ютамо Дононть трокс.

Эзинек кенерть эрямо и колмо чить, кода сась минек штабс (авасоло, колмо вайгельбеть) батальонной командирэсь и корты, ну и эрьзят-вот воякат — вот молодцы: исинь вестэ, мери, кода кармась ашулгадамо ливтясь удалдо минек же ендо ашотнень конный отряд. Часовойтне ульнесть эрьзят. Анцяк неизь ашотнень, кармасть пурнамо эрьзянь взводтнэнь. Эрьзятне кепетсть истямо шум, мон сургузинь и думинь (арсинь), — тесе промсть кавто полкт. Марян пижнить ауль рузонь валцо: — „Взводной косоят? Седе курок камандуй! Ашотне сыть“! Кармасть вейсе истя цекаеме пулеметсто ды ружиясто, ашотне сеск соракадьсть и седе курок оргодсть. Ламо ранизь ашотнень и ваткизь пулеметост. Омбоце чистэ молинь батальонс. Эрьзятне неимизь монь и кармасть кроямо ашотнень: — кискат! арсесть, минь удутаннок и кериксылимизь удозь. Арась, минь Советэнь властенть и коммуниянь партиянть истяк верьтеме амакссынек. Минек ловажатне нейгак сэредить Колчаконь властенть мейле, знярдо сон ульнесь минек велесэ Самарской губ. Ээ! минек взводноесь кодамо аля — сонензе анцяк бу парыне алаша {ишме) сестэ улевель бу теке (чок) аника воин. Батальеноесь как храброй ломань. Седе мейле эрьзятнень коряс кармасть истя кортамо, — эрьзятне мездеяк апелить. Сынь маштыть чавмо ашокискатнень ды содыть врагонть тандавтомо. Седе мейле ашотне вестькак эсть сакшно и пельсть эрьзятнень эйстэ прок толдо. Вераз эрьзятне кортыть эсит юткова. „Ванока, брат, Дононть тона боксо кодат улить мазытьд‘ покш кудотне — истят же, кодат и Саратовсо. Церькувась кодамо покш. Кодат тосо сюпавт: Эрить помещикень лацо — тельня станицасо а кизна хуторсо. Тосо, ведь, самый берянь ашось сюронть види комсь деситина. Скотиназо аламо; кемень алашанзу да скалонзо ревензэ сядо. Сюпавонть коряс кортамс как аэряви. Ээ! проклятойть! Вана саемс бу паро пушка да парынестэ нолдамс мазыть кудотненьланга, а если зыкадемс церкувантнень кувалт! Ээ! меши проклятой Донось! кундавлинек бу эсинзэ Деникинень.

Кавто сядо пулеметонь и ружиянь шумось Дононть лангсо ульнесь чинь чоп месець пельмаро. Те шкасто октябиянь читнестэ минек полктнэ и ашотне тусть наступленияв. Пушкатне рангстасть пурьгине лацо. Истямо тейсть шумонть вана, вана велявтуви весе модась. Монь кантузимизь. Сеске жо ормалгадынь горячкасо. Ускимизь госпитальс. Киява монь карчо понгсь якстере алятнень дивизиясь Восточноень фронсто. Сынь ласте нармонь лацо паро ружия маро арсть седе курок прядомо врагонть Мон маринь тесэ ульнесть и эрзят.

Госпитальсэ ульнесть красноармеецтнэ эрьва полксто. Сынст валонть кувалт эрьва полксо ульнесть эрьзят и парсте чавсть ашо кискатнэнь эйсэ.

П.  Романов.