ان دونوں گھر کا خانہ خدا کون غیر ہے
ان دونوں گھر کا خانہ خدا کون غیر ہے
شیخ حرم عبث تھے انکار دیر ہے
اے یار بے خبر تو مری لے نہ لے خبر
ورد زباں ترا ہی مجھے ذکر خیر ہے
غیبت میں کیا تعلق اسے یاد سے مری
کچھ کام اس کا اٹکا بھلا مجھ بغیر ہے
پروا ہے کب اسے مرے رفع ملال سے
گہہ شاغل شکار کبھی گشت سیر ہے
بے وجہ کیا ہیں ہم سے یہ بے روئیاں تری
کیا ہم میں اور تجھ میں کسی رو سے بیر ہے
انسان رکھے عشق کی نسبت سے امتیاز
یوں قید خواب و خور میں تو ہر وحش و طیر ہے
اپنی گلی میں دیکھ کے حسرتؔ کو بولا یار
چل جا پرے ہو دور اگر تیری خیر ہے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse