بیٹھے جو شام سے ترے در پہ سحر ہوئی
بیٹھے جو شام سے ترے در پہ سحر ہوئی
افسوس اے قمر کہ نہ مطلق خبر ہوئی
ارمان وصل یوں ہی رہا سو گئے نصیب
جب آنکھ کھل گئی تو یکایک سحر ہوئی
دل عاشقوں کے چھد گئے ترچھی نگاہ سے
مژگاں کی نوک دشمن جانی جگر ہوئی
پچھتاتا ہوں کہ آنکھ عبث تم سے لڑ گئی
برچھی ہمارے حق میں تمہاری نظر ہوئی
چھانی کہاں نہ خاک نہ پایا کہیں تمہیں
مٹی مری خراب عبث در بدر ہوئی
دھیان آ گیا جو شام کو اس زلف کا رساؔ
الجھن میں ساری رات ہماری بسر ہوئی
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse