جی ترستا ہے یار کی خاطر
جی ترستا ہے یار کی خاطر
اوس سیں بوس و کنار کی خاطر
تیرے آنے سے یو خوشی ہے دل
جوں کہ بلبل بہار کی خاطر
ہم سیں مستوں کو بس ہے تیری نگاہ
توڑنے کوں خمار کی خاطر
بس ہے اوس سنگ دل کا نقش قدم
میری لوح مزار کی خاطر
عمر گزری کہ ہیں کھلی حاتمؔ
چشم دل انتظار کی خاطر
|
This work was published before January 1, 1929, and is in the public domain worldwide because the author died at least 100 years ago. |