حیف دل میں ترے وفا نہ ہوئی
حیف دل میں ترے وفا نہ ہوئی
کیوں تری چشم میں حیا نہ ہوئی
یار نے نامہ بر سے خط نہ لیا
میری خاطر عزیز کیا نہ ہوئی
رہ گیا دور تیرے کوچہ سے
خاک بھی میری پیش پا نہ ہوئی
کٹ گئی عمر میری غفلت میں
کچھ تری بندگی ادا نہ ہوئی
دود دل تیری زلف تک پہنچے
آہ یاں تک مری رسا نہ ہوئی
چشم خوں خوار سے فغاںؔ دیکھا
دل بیمار کو شفا نہ ہوئی
|
This work was published before January 1, 1929, and is in the public domain worldwide because the author died at least 100 years ago. |