خزاں تنہا نہ سیر بوستاں کو جا بگاڑ آئی
خزاں تنہا نہ سیر بوستاں کو جا بگاڑ آئی
صبا بھی چل کے واں اے بلبلو پھولوں کو جھاڑ آئی
شب بیمار یا کالی بلا یا رات کالی ہے
قیامت آئی یا چھاتی پہ یہ ہجراں پہاڑ آئی
جو آیا یار تو تو ہو چلا غش اے دوانے دل
اسی دم تجھ کو مرنا تھا بتا کیا تجھ کو دہاڑ آئی
مثل ہے بر محل اے اظفریؔ جو کہ گیا کوئی
ہماری بار کو گل چھڑ گئے کانٹوں کی باڑ آئی
|
This work was published before January 1, 1929, and is in the public domain worldwide because the author died at least 100 years ago. |