دیوانی حەریق/تاک

by حەریق

1

تاڵ و شیرین پێکەوە نەمدیوە چا بێ، چا نەبێ

هەرکەسێکی هەمنشینی چا نەبێ، پێت چا نەبێ

2

کوتم بۆسەم دەوێ ڕووی خۆم بە ئاوی ڕووت گوڵاو، ناکەم

کوتی بۆسەت دەوێ شێتە منیش ڕووی خۆم گڵاو، ناکەم

3

لە عووزرا بوو مەلا بۆیە جوابیدا کوتی نادەم

وڵاغ دەس ناکەوێ عەیبی نییە چش گەر منیش پیادەم

4

سواری مەرکەبی فکرم لە دەوری موڵکی مەحاڵ

سواری تەوسەنی هیممەت نەما قحط الرجال

5

هەر بە دەستووری مەلای لاسوور، وەها کەوتۆتە سووڕ

وەی دەزانی لێی دەخەم گەر بچمە سەر مزگەوتی سوور

6

ئیحتیاجیم کەوتە «سۆما» چوومە وێ حەتتا ئەوێش

ڕێی نەدام و جێی نەکردم ئەی خودا أین المفر؟

7

موجازی کرد، مەجازی کرد، جەبەی کرد و جبەی لێ کرد

قەباڵەی ئەسڵ و فەرعی خوێند قەباییل تا بڵێن جسنە

8

سێ کەس بەتەڵەب بوون، لە تەڵەب چوونەوە جارێ

ڕابوردوە تەڵەب بێنەوە تا فەسڵی بەهارێ