دیوانی گۆران/هەمەجۆرە
←بۆ زاخاوی مێشک | دیوانی گۆران (1962) by هەمەجۆرە |
لە تاوی فیرقەتی یارم دڵم دائم پەرێشانە edit
لە تاوی فیرقەتی یارم دڵم دائم پەرێشانە | وەکوو مەجنوونی حەی، وێڵی کەژ و دەشت و بیابانم |
زارۆڵە و مەعسووم بێ گوناهێنمێ edit
زارۆڵە و مەعسووم بێ گوناهێنمێ | ئیسلام زادێنمێ، ئیسلام خواهێنمێ |
عەزمما جەزما، پەی وەنە و عیرفان | عیرفانا وەحشی کەرۆ بە ئینسان |
1928
ئەی کاکە کەمال! شاعیری خۆشخوانی هونەرمەند edit
ئەی کاکە کەمال! شاعیری خۆشخوانی هونەرمەند | بولبول نییە، تۆی تەیری تەرەننوم لە سەحەردا |
دەک خۆش بێ دەم و پەنجە و نووکی قەڵەمی تۆ | بۆ دادێ کە دات کاکە لە مەیدانی هونەردا |
بە دڵخۆشی و بە تارەک edit
بە دڵخۆشی و بە تارەک | حاجی حەجتان موبارەک! |
چوونە سەر بیری زەمزەم، | جوان جوان شتتان دەست و دەم! |
چوونە کێوی عەرەفات، | تێرتێر کردتان موناجات... |
بە دڵخوشی و بە تارەک، | حاجی حەجتان موبارەک! |
لە سەفاوە بۆ مەروە، | یەکیەک گوڕتان بەستەوە! |
حاجی حەجتان کردەوە، | گۆی هونەرتان بردەوە! |
گەنم گەنم لە پێنجەی بێ edit
گەنم گەنم لە پێنجەی بێ | دەستی دز لە خۆی پەنجەی بێ |
گەنم نابێ لە پێنجەی بێ | گەل بێ هیوا لەم ڕەنجەی بێ |
1954
لە بەغدای تەمووز، لە مووسڵی ئازار edit
لە بەغدای تەمووز، لە مووسڵی ئازار | خوێنمان کرد بە ڕەنگ، بۆ گوڵی بەهار |
تا جەژنی گەلمان گوڵی ئازادی | بۆن بکا و دڵی پڕ بێ لە شادی |
1959
شۆڕشی تەمووز نەورۆز باس ئەکا edit
شۆڕشی تەمووز نەورۆز باس ئەکا | دیجلەمان ڕووی دەم لە ئاراس ئەکا |
بۆیە هەلهەلەی جەژنی ئەمساڵمان | گوێی دوژمنانی گەلمان کاس ئەکا |
ڕووی دنیا سەوزە و ناوبەناو ڕەنگین edit
ڕووی دنیا سەوزە و ناوبەناو ڕەنگین | لووتکەی شاخ سپی و ڕەنگی ئاسمان شین |
لە دنیای جوانی جەژنی نەورۆزا | بە خۆشی و شادی و سەربەستی بژین |
جەژنی گەلە و جەژنەپیرۆزەی لاوان edit
جەژنی گەلە و جەژنەپیرۆزەی لاوان | شادی و هیوای لە گشت دڵێکا بزوان! |
ئەی جەژنی گەل وەک دواڕۆژی گەل خۆش بی! | سەرانسەر هەر ئاشتی و ئازادی و نۆش بی! |
لە ئاهەنگی برایەتیی گەلانا | مەشخەڵێک بی تۆش لەناو مەشخەڵانا! |
1960