شاھ جو رسالو/III

by شاھ عبداللطيف ڀٽائي

←II

شاھ جو رسالو  (1866)  by شاھ عبداللطيف ڀٽائي, edited by ارنيسٽ ٽرمپ (1828-1885) III. کهَنْبهَات

IV→

فَصُلُ پِھِروْن

بيت - 1
بهَلَائِي آھِينِ پرِين بهَلَائِيَ پَانْھِن جٖي
سَٻَاجهَا سِرِ چَڙهِئوۡ ڎوۡرَاپَا نَہ ڎِينِ
مُون ڎَھُنْ مَنْدِيُون تهِينِ سَڄَںُ﮽ سَڄَائِيَ مٖين

بيت - 17
کهَٺِي نٖيں﮽ خُمَارَ مَان جَان نازْ کِيَائُون نَظُرُ
سُورِجَ شَاخُون جَکِيُون کُومَانو قَمَرُ
تَارَا کَتِيُون تَابِعُ تِهئَا دٖيکِهينْدٖي دِلبَرُ
جَهکو تِهئو جَوْهَرْ جَانِبَ جي جَمَالَ سِين

وائي
وَھِلَڙِي وَؤُن مَہ وِھَامٖي رَاتِ رَھَائِينْدِيَسِ پرِننئَ کهٖي
شَمَعَ تهِينْدِيَسِ شَبِ مٖين اِنَ خُوشِيَ کهَان کهَامِي
رَاتِ رَھَائِينْدِيَسِ پرِننئَ کهٖي
بَابُنِ سنْدِيَ بَاھِ جَان ٻَرَان شَالَ اُجهَامِي
رَاتِ رَھَائِينْدِيَسِ پرِننئَ کهٖي
پِرتِ جَا پِيتَمَ جِي سَا کِي نَہ پَرُوڙِيَمِ عَامِي
رَاتِ رَھَائِينْدِيَسِ پرِننئَ کهٖي
مُون کهٖي مُون پرِيَنِ جوۡ آھٖي دَرْدُ دَوَامِي
رَاتِ رَھَائِينْدِيَسِ پرِننئَ کهٖي
آھِيَان يَارُ سيِّدَ جوۡ کَا نَہ رَھِي کَا خَامِي
رَاتِ رَھَائِينْدِيَسِ پرِننئَ کهٖي
ھوۡ جوۡ لَنؤُن لَطِيفُ چَئٖي مُون کهٖي آھِ مُدَامِي
رَاتِ رَھَائِينْدِيَسِ پرِننئَ کهٖي
رَوْشَنُ تهٖيَان رُنڄَ مٖين جٖي ھُئَان لَيءِ اُنْهِي لَامِي
رَاتِ رَھَائِينْدِيَسِ پرِننئَ کهٖي
کَارِي سَا قِيَامَ سَئِين آھِ ھوۡتُ جَنْھِن جوۡ حَامِي
رَاتِ رَھَائِينْدِيَسِ پرِننئَ کهٖي
آيَمِ تَنْھِن لوۡکَ سَان جٖي سٖي مُون چَوَنِ سَامِي
رَاتِ رَھَائِينْدِيَسِ پرِننئَ کهٖي