شہر میں پھرتا ہے وہ مے خوار مست
شہر میں پھرتا ہے وہ مے خوار مست
کیوں نہ ہو ہر کوچہ و بازار مست
ہو گئی اس کا قد و رخسار دیکھ
سرو قمری بلبل و گل زار مست
زاہدو اٹھ جاؤ مجلس سے کہ آج
بے طرح آتا ہے وہ مے خوار مست
جس کے گھر جاتا ہے وہ دارو پیے
ہو ہے اس گھر کے در و دیوار مست
سر کو قدموں پر دھر اس کے لوٹیے
رات کو آئے اگر وہ یار مست
مے کشو حاتمؔ کو متوالا کہو
ایسا ہم دیکھا نہیں ہشیار مست
|
This work was published before January 1, 1929, and is in the public domain worldwide because the author died at least 100 years ago. |