| نەققاش ئەی نەزم شیرین بەی دەستوور
|
کێشا نەقش موشک جە سەفحەی کافوور
|
| موشک بۆی مێخەک مودبیری خوتەن
|
پەروەردەی موغان یاتاخ ئەرمەن
|
| گوڵ بۆی شەکەر لەب شەکەر ڕێزەی ڕاز
|
شیرین شەش دانگ نازک غەمزە و ناز
|
| شەوێ جە خەڵوەت وێنەی شەمع شەو
|
نیشتەبێ شۆخ شۆخ ئەو چەنی خوسرەو
|
| بەی تەور پەی پەروێز تاج و کەمەر زەڕ
|
ڕێزنا جە دورج یاقوت لوولوی تەڕ
|
| واتش: ئەی خوسرەو دانای خیرەدمەند
|
وێنەی بابای وێت چێش مبۆ یەک چەند
|
| چەنی سوپاهی و نۆکەر بسازی؟
|
بتەرسی جە مەرگ، مەزڵووم بنوازی؟
|
| دەمێ هەم بە عەدڵ مسکێنان کەر شاد
|
مەملەکەت بە عەدڵ دادت کەر ئاباد
|
| حەزەر کەر جە چەنگ سەرهەنگ ئەجەل
|
قەڵای زیندەگیت بکەرۆ قەبەل
|
| خۆف کەرە خوسرەو سوبحێ یا ئێوارە
|
دوعای مەزڵوومێ لێت بگنۆ بە کار
|
