عەقیدەی مەرزیە/بِسْمِ ٱللّٰهِ ٱلرَّحْمَٰنِ ٱلرَّحِيم
| زوبدەی عەقیدە و خولاسەی کەلام | هەر لە تۆ و بۆ تۆس حەمد و سەنای عام |
| هەر خۆتی بۆ خۆت بورهان، دیتر بەس | بەشی خۆی تێکەڵ ناوی بکا کەس |
| کەنارەی سەحرا نادیارییە | بینایی عقوول ئاو مروارییە |
| ضيق النفسیە، هەناسەی نایە | دانش، دەلیل پێی عرق النسایه |
| عرفان بەوانە حاسڵ کەی دەوێ؟ | بەو پێ ئەو سەحرا چلۆن تەی دەوێ؟ |
| چاک واتە خەیاڵ بێ تەقریب نەکەین | مەعلوومە تۆ تۆ و، ئێمەیچ خۆ ئێمەین |