کیا مزا ہو جو کسی سے تجھے الفت ہو جائے
کیا مزا ہو جو کسی سے تجھے الفت ہو جائے
جی کڑھے فکر رہے میری سی حالت ہو جائے
تیرا بیمار دم نزع یہ مانگے تھا دعا
دیکھ لوں پھر اسے گر تھوڑی سی مہلت ہو جائے
جائیو مت تو صبا باغ سے زنداں کی طرف
مجھ کو ڈر ہے نہ اسیروں پہ قیامت ہو جائے
اے دل اک دن تو گزر کر طرف اہل قبور
تاکہ دیکھے سے انہوں کے تجھے عبرت ہو جائے
دیکھ تصویر کو مجنوں کی ہوسؔ رشک نہ کر
چاہئے عشق میں تیری بھی یہ صورت ہو جائے
|
This work was published before January 1, 1929, and is in the public domain worldwide because the author died at least 100 years ago. |