گرہ جو کام میں ڈالے ہے پنجۂ تقدیر
گرہ جو کام میں ڈالے ہے پنجۂ تقدیر
مجال کیا کہ کھلے وہ بہ ناخن تدبیر
دلا تڑپھ کے تو نکلا پڑے ہے سینے سے
یہ گھر اجاڑ نہ اے گھر بسے پکڑ ٹک دھیر
شب فراق میں جاناں کی میں رہا جیتا
کہ سخت جان ہے مجھ کو حجاب دامن گیر
لب اس کے دیکھو تو ہے ظلم و خوں خوری کی دلیل
سیہ مسی پہ نہیں سرخ پان کی تحریر
یہ پھینک تیر نگہ جی سے مار ڈالیں ہیں
بتاؤ کر سکے بے جاں ستم کی کیا تقریر
ٹک آنکھ اٹھا کے جو دیکھا نظر سے دے پٹکا
نہ تھی یہ اظفریؔ اتنی گناہ کی تعزیر
|
This work was published before January 1, 1929, and is in the public domain worldwide because the author died at least 100 years ago. |