おもろさうし/第四

あおりやへさすかさのおもろ御さうし 天啓三年癸亥三月七日 第四

あおりやへ節

4-152（1）

一聞ゑ煽りやへや／いけな　成り変わて／首里杜　降れわちへ／神座せぢ／按司添いに　みおやせ／又鳴響む煽りやへや／成り人　降れか変わて／真玉杜　降れわちへ

一きこゑあおりやへや／いけな　なりかわて／しよりもり　おれわちへ／かくらせち／あんしおそいに　みおやせ／又とよむあおりやへや／なりきよ　おれかかわて／またまもり　おれわちへ

きこゑ大ぎみの節

4-153（2）

一聞ゑ煽りやへや／神座のしけ内／綾踊りも　群れ舞て／おぎやか思いに　みおやせ／又鳴響む煽りやへや

一きこゑあおりやへや／かくらのしけうち／あやよりも　ふれまて／おきやかもいに　みおやせ／又とよむあおりやゑや

あおりやへ節

4-154（3）

一聞ゑ煽りやへや／せぢ　勝て　遊べば／てるかはが／照り居る様に　清らや／又鳴響む煽りやゑや

一きこゑあおりやへや／せち　まさて　あすへは／てるかはか／てりよるやに　きよらや／又とよむあおりやゑや 　　

あおりやへ節

4-155（4）

一聞ゑ煽りやへや／世の正手　世の頂／神てだのせぢ／持ち遣り　ちよわれ／又鳴響む煽りやへが

一きこゑあおりやへや／世のまさて　よのつんし／かみてたのせち／もちやり　ちよわれ／又とよむあおりやへか 　

あおりやへ節

4-156（5）

一聞ゑ煽りやへが／けさよりや　勝り／真玉金持ち満ちろぐすく／又鳴響む煽りやへが

一きこゑあおりやへか／けさよりや　まさり／またまこかねもちみちろくすく／又とよむあおりやへか

あおりやへ節

4-157（6）

一聞ゑ煽りやへや／しけ内　綾　掛けわちへ／清らの花の／咲い渡る　見物／又鳴響む煽りやへや

一きこゑあおりやへや／しけうち　あや　かけわちへ／ちよらのはなの／さいわたる　みもん／又とよむあおりやへや

きこゑ大君がみやがのひやしが節

4-158（7）

一聞ゑ煽りやへや／ぐすく御殿　げらへて／神座の京の内に　ある／又鳴響む煽りやへや

一きこゑあおりやへや／くすくおとん　けらへて／かくらのけおのうちに　ある／又とよむあおりやへや

あおりやへ節

4-159（8）

一聞ゑ煽りやゑや／東方の金穴／金花の　咲き居れば／煽りやゑや／おれよ　見ぎや　降れわちへ／又鳴響む煽りやゑや

一きこゑあおりやゑや／あかるいのこかねあな／こかねはなの　さきよれは／あおりやゑや／おれよ　みきや　おれわちへ／又とよむあおりやゑや

あがるへの大ぬしきこゑくにせりきよが節

4-160（9）

一聞ゑ煽りやゑや／地天のせぢ　降ろちへ／おぎやか思いに　みおやせよ／十百度す　ちよわれ／又鳴響む煽りやゑや

一きこゑあおりやゑや／ち天のせち　おろちへ／おきやかもいに　みおやせよ／ともゝとす　ちよわれ／又とよむあおりやゑや

おちいではあおりやへが節

4-161（10）

一聞ゑ煽りやへ／百按司より　勝る／成さい人思い　鳴響まちへ／煽りやゑ　使い／又鳴響む煽りやへや

一きこゑあおりやへ／もゝあちより　まさる／なさいきよもい　とよまちへ／あおりやゑ　つかい／又とよむあおりやへや

かつれんはなおにぎやたとわるが節

4-162（11）

一煽りやへや／成さい人　敬よわちへ／君の頂　使い／又国守りぎや／成さい人

一あおりやへや／なさいきよ　おやまよわちへ／きみのつんし　つかい／又くにもりきや／なさいきよ

4-163（12）

一聞ゑ煽りやへや／島討ち君やれば／煽りやゑや／島討ち吉日　降れわちへ／又鳴響む煽りやへや

一きこゑあおりやへや／しまうちきみやれは／あおりやゑや／しまうちゑきや　おれわちへ／又とよむあおりやへや

あおりやへ節

4-164（13）

一聞ゑ煽りやへや／中神に　手摩て／按司添いしよ／手摩て　栄よわれ／又鳴響む煽りやへや／金比屋武に　手摩て

一きこゑあおりやへや／中かみに　てつて／あちおそいしよ／てつて　ふさよわれ／又とよむあおりやへや／かなひやふに　てつて

あおりやへ節

4-165（14）

一せりよさに　鳴響む／聞ゑ煽りやへや／按司添いに／国手持ち　みおやせ／又精の君やれば／栄い君やれば

一せりよさに　とよむ／きこゑあおりやへや／あちおそいに／くにてもち　みおやせ／又すへのきみやれは／ふさいきみやれは

4-166（15）　　

一聞ゑ煽りやへや／成さい人愛しけや／世果報金福に　ちよわれ／又鳴響む煽りやへや

一きこゑあおりやへや／なさいきよかなしけや／よかほうかなふくに　ちよわれ／又とよむあおりやへや

ねいしまいしが節

4-167（16）

一聞ゑ煽りやへや／成さい人が　世添いる杜／又鳴響む煽りやへや

一きこゑあおりやへや／なさいきよか　よそいるもり／又とよむあおりやへや

あおりやへ節

4-168（17）

一聞ゑ煽りやへや／千万の　もちよる／おぎやか思いしよ／掛けて　栄よわれ／又鳴響む国守りが／千万の　もちよる／おぎやか思いす

一きこゑあおりやへや／千万の　もちよる／おきやかもいしよ／かけて　ふさよわれ／又とよむくにもりか／千万の　もちよる／おきやかもいす

あおりやへ節

4-169（18）

一聞ゑ煽りやへが／いけな　成り変わて／首里杜　降れわちへ／神座せぢ／按司添いに　みおやせ／又鳴響む煽りやへや／成り人　降れ変わて／真玉杜　降れわちへ

一きこゑあおりやへか／いけな　なりかわて／しよりもり　おれわちへ／かくらせち／あちおそいに　みおやせ／又とよむあおりやへや／なりきよ　おれかわて／またまもり　おれわちへ

おしかけがねいしまいしが節

4-170（19）

一聞ゑ煽りやへは／末　尋めて　降れわちへ／若人思いに／世掛け精　みおやせ／又鳴響む国守りぎや／真末　尋めて　降れわちへ

一きこゑあおりやへは／すへ　とめて　おれわちへ／わかきよもいに／よかけすへ　みおやせ／又とよむくにもりきや／ませ　とめて　おれわちへ

あかんこがふねたてが節

4-171（20）

一煽りやへが庭の　鳴響み／按司誇る御庭の　鳴響み／又精高子が庭の　鳴響み／按司誇ろ御庭の

一あおりやへかみやの　とよみ／あちほこるおみやの　とよみ／又せたかこかみやの　とよみ／あんしほころおみやの

きみがなしが節

4-172（21）

一聞ゑ煽りやへや／けさよりや　勝り／首里杜　もちろちへ／京の内／もちよる為ちへ　鳴響ま／又鳴響む国守りぎや／昔よりや　勝り／真玉杜　もちろちへ／京の内に／もちよる為ちへ　鳴響み

一きこゑあおりやへや／けさよりや　まさり／しよりもり　もちろちへ／けおのうち／もちよるなちへ　とよま／又とよむくにもりきや／むかよりや　まさり／またまもり　もちろちへ／けおのうちに／もちよるなちへ　とよみ

しまうちあぢおそいが節

4-173（22）

一聞ゑ差笠が／百度　ちよわれ／按司添い後勝り／百按司　直しよわれ／又鳴響む差笠が／又聞ゑ按司添いが

一きこゑさすかさか／もゝと　ちよわれ／あちおそいのちまさり／百あち　なおしよわれ／又とよむさすかさか／又きこゑあちおそいか

うち出はもゝとちよわれが節

4-174（23）

一聞ゑ差笠が／島討ち按司添いや／君しゆ　世の閂　差ゝまへ／又鳴響む差笠が／又おぼつ　おわちへ　八千代を／首里杜　守らに

一きこゑさすかさか／しまうちあんしおそいや／きみしゆ　よのくき　さゝまへ／又とよむさすかさか／又おほつ　おわちへ　やちよを／首里もり　まふらに

あおりやへ節

4-175（24）

一聞ゑ差笠が／降れて　祈りよわれば／末　勝て／枝　差ちへ　ちよわれ／又鳴響む差笠が／又首里杜ぐすく／又真玉杜ぐすく

一きこゑさすかさか／おれて　いのりよわれは／すゑ　まさて／よた　さちへ　ちよわれ／又とよむさすかさか／又しよりもりくすく／又またまもりくすく

あおりやへ節

4-176（25）

一聞ゑ差笠が／鳴響む大君や／百島　揃へ遣り　みおやせ／又鳴響む差笠が／又首里杜　祈らに／又真玉杜　祈らに／又聞へ按司添いや／又鳴響む按司添いや／又京勝り按司添い／ふた勝り按司添い

一きこゑさすかさか／とよむ大きみや／もゝしま　そろへやり　みおやせ／又とよむさすかさか／又しよりもり　いのらに／又またまもり　いのらに／又きこへあちおそいや／又とよむあんしおそいや／又けおまさりあちおそい／ふたまさりあちおそり

あおりやへ節

4-177（26）

一聞ゑ差笠が／鳴響む大君や／差笠す／成さい人［よ］思い　守ら／又鳴響む差笠が

一きこゑさすかさか／とよむ大きみや／さすかさす／なさいき〔よ〕もい　まふら／又とよむさすかさか

たいらのとの節

4-178（27）

一聞へ差笠よ／十百度／算為て　ちよわれ／又鳴響む差笠よ／首里杜ぐすく／真玉杜ぐすく

一きこへさすかさよ／ともゝと／さにして　ちよわれ／又とよむさすかさよ／しよりもりくすく／またまもりくすく

首里もりのぼていけばが節

4-179（28）

一聞へ差笠が／せぢ　遣らば　だに又だに／又鳴響む差笠が／又久米下司に　聞ゝやせ／又かき　渡名喜　みれつな

一きこへさすかさか／せち　やらは　たに又たに／又とよむさすかさか／又くめけすに　きゝやせ／又かき　となき　みれつな

しよりもりのぼていけばが節

4-180（29）

一聞ゑ差笠が／ゑけ　精　遣りよわ／又鳴響む差笠が／又島中の若い人達／正の肝　揃い

一きこゑさすかさか／ゑけ　せい　やりよわ／又とよむさすかさか／又しま中のわかいきよた／まさのきも　そろい

たくしたらなづけの節

4-181（30）

一聞ゑ差笠が／君誇り／報国　うち寄せれ／又鳴響む差笠が／又首里杜ぐすく／真玉杜城

一きこへさすかさか／きみほこり／ふう国　うちよせれ／又とよむさすかさか／又首里もりくすく／ま玉もり城

ねいしまいしの節

4-182（31）

一聞へ差笠が／拍子の槌　打たば／聞ゝ　愛しけさ／又鳴響む差笠が／又首里杜ぐすく／又真玉杜ぐすく

一きこへさすかさか／ひやしのつち　うたは／きゝ　かなしけさ／又とよむさすかさか／又しよりもりくすく／又またまもりくすく

きこゑおしかさがやちよこたにしらせが節

4-183（32）

一聞ゑ差笠が／世添わるあやご／又鳴響む差笠が／又守弟者は　さだけて

一きこゑさすかさか／よそわるあやこ／又とよむさすかさか／又もりおとちやは　さたけて

よそわるあやごの節

4-184（33）

一聞へ差笠が／声　遣て　御肝　休ま／又鳴響む差笠が

一きこへさすかさか／こへ　やて　おきも　やすま／又とよむさすかさか

4-185（34）

一聞へ差笠が／歓へわちへ　遊びよわ／又鳴響む差笠が／又京の内は　押し開けて／三庫裡　つき開けて／又首里杜　降れわちへ／又真玉杜　降れわちへ

一きこへさすかさか／あまへわちへ　あすひよわ／又とよむさすかさか／又けおのうちは　をしあけて／さんこおり　つきあけて／又しよりもり　おれわちへ／又またまもり　おれわちへ

くにとよでが節

4-186（35）

一聞へ差笠が／十百度　栄せ　降れわ／又鳴響む差笠が／十百度／又首里杜ぐすく／又真玉杜ぐすく

一きこへさすかさか／ともゝと　はやせ　おれわ／又とよむさすかさか／ともゝと／又しよりもりくすく／又またまもりくすく

すへのひやしが節

4-187（36）

一差笠　差笠／鳴響みわれ／ゑ　見物寄せ鈴鳴り／又君の按司　按司す

一さすかさ　さすかさ／とよみわれ／ゑ　み物よせすつなり／又きみのあんし　あちす

すづなりが節

4-188（37）

一差笠に／精の拍子／珍ら拍子　みおやせ／又君の按司に

一さすかさに／すゑのひやし／めつらひやし　みおやせ／又きみのあんしに

あやごが節

4-189（38）

一聞ゑ差笠が／大国　鳴響で　降れわちへ／又鳴響む差笠が／又首里杜ぐすく／又真玉杜ぐすく

一きこゑさすかさか／たくに　とよて　おれわちへ／又とよむさすかさか／又しよりもりくすく／又またまもりくすく

くにとよでが節

4-190（39）

一聞へ差笠が／百末　此れ[ど]　 鳴響む／又鳴響む差笠が／又首里杜ぐすく／又真玉杜ぐすく

一きこへさすかさか／もゝすへ　これ〔と〕　とよむ／又とよむさすかさか／又しよりもりくすく／又またまもりくすく

たくしたらなづけの節

4-191（40）

一聞へ差笠が／鼓の按司鳴り加那志／報国　打ち寄せれ／又鳴響む差笠が

一きこへさすかさか／つゝみのあちなりかなし／ふうくに　うちよせれ／又とよむさすかさか

ねいしま石の節

4-192（41）

一聞へ差笠が／按司の頂成さい人／又鳴響む差笠が

一きこへさすかさか／あちのつちなさいきよ／又とよむさすかさか

あおりやへ節

4-193（42）

一聞へ差笠が／世果報　歓へ／又鳴響む差笠が

一きこへさすかさか／よかほう　あまへ／又とよむさすかさか

うらおそい節

4-194（43）

一岩川の杜に／差笠が／嶋直し　降れわちへ／又親川の杜に／又小禄横嶽に

一いはかわのもりに／さすかさか／嶋なふし　おれわちへ／又おやかわのもりに／又おろくよこたけに

あおりやへ節

4-195（44）

一聞へ差笠が／もちろかちへ　遊べば／百末／おぎやか思いしゆ　ちよわれ／又鳴響む差笠が／又いしゑけり按司添い／てだが御差し　ちよわれ／又英祖にや末按司添い／一郎御差し　ちよわれ／又かわるめの御内に／君誇り　げらへて／又首里杜ぐすく／きらの数　降れらに／又真玉杜ぐすく／月の数　降れらに

一きこへさすかさか／もちろかちへ　あすへは／もゝすへ／おきやかもいしゆ　ちよわれ／又とよむさすかさか／又いしゑけりあちおそい／てたかうさし　ちよわれ／又ゑそにやすへあちおそい／いちるうさし　ちよわれ／又かわるめのみうちに／きみほこり　けらへて／又しよりもりくすく／きらのかす　おれらに／又またまもりくすく／月のかす　おれらに

うらおそい節

4-196（45）

一聞ゑ差笠／おこのみの　高さ／明け雲の　朝日　差す様に／又鳴響む差笠が

一きこゑさすかさ／おこのみの　たかさ／あけくもの　あさひ　さすやに／又とよむさすかさか 　

あおりやへ節

4-197（46）

一首里杜　ちよわる／聞へ按司添いや／百歳命／祈て　みおやせ／又真玉杜ぐすく

一しよりもり　ちよわる／きこへあちおそいや／ひやくさのち／いのて　みおやせ／又またまもりくすく

ね石まいしの節

4-198（47）

一聞へ差笠が／東方に　通て／又鳴響む差笠が／てだが穴に　通て

一きこへさすかさか／あかるいに　かよて／又とよむさすかさか／てたかあなに　かよて

あおりやへ節

4-199（48）

一聞へ差笠が／京の内は　押し開けて／首里杜　降れわちへ／君ぎや金精／天続に　みおやせ／又鳴響む大君ぎや／もちろ内は　つき開けて／真玉杜　降れわちへ／又年　三年　成るぎやめ／首里杜　おもかしや／又年　四年　成るぎやめ／真玉杜　おもかしや／又首里杜　掛け栄る／天続の／又真玉杜　しき栄る／又てるかはが　上がる様に／照り添て

一きこへさすかさか／けおのうちは　おしあけて／しよりもり　おれわちへ／きみきやこかねすへ／天つきに　みおやせ／又とよむ大きみきや／もちろ内は　つきあけて／またまもり　おれわちへ／又年　三とせ　なるきやめ／しよりもり　おもかしや／又とし　四とせ　なるきやめ／またまもり　おもかしや／又しよりもり　かけふせる／てにつきの／又またまもり　しきふせる／又てるかはか　あかるやに／てりおそて

ね石ま石の節

4-200（49）

一聞ゑ差笠が／君ぎや守りよわる貴[ゝ]み／又鳴響む差笠が

一きこゑさすかさか／きみきやまふりよわるた〔ゝ〕み／又とよむさすかさか

よそわるあやごが節

4-201（50）

一聞へ差笠が／声　遣て　御肝　休ま／又鳴響む差笠が

一きこへさすかさか／こへ　やて　おきも　やすま／又とよむさすかさか

あおりやへ節

4-202（51）

一聞へ差笠が／おぼつ吉日　降れわちへ／按司添いしよ／せぢ　鳴響で　ちよわれ／又鳴響む大君ぎや／神座吉日　取りよわちへ／又年　六年　成るぎやめ／君手摩り　間遠さ／又きら直さ　取るぎやめ／見物遊び　珍らしや／又按司添いぎや　おより／此きらに　降れわちへ／又此の御島　直ちへ／此の吉日に　降れわちへ／又てだが御差しやれば／首里杜　勝て／按司添いしよ／せぢ　鳴響で　ちよわれ

一きこへさすかさか／おほつゑか　おれわちへ／あちおそいしよ／せち　とよて　ちよわれ／又とよむ大きみきや／かくらゑか　とりよわちへ／又年　六とせ　なるきやめ／きみてつり　まとうさ／又きらなふさ　とるきやめ／み物あすひ　めつらしや／又あんしおそいきや　おより／此きらに　おれわちへ／又このみしま　なふちへ／このゑかに　おれわちへ／又てたかうさしやれは／しよりもり　まさて／あんしおそいしよ／せち　とよて　ちよわれ

うらおそい節

4-203（52）

一聞へ差笠は／守る君やれば／雲子色／照りや揚がて　ちよわれ／又鳴響む大君や／搔い撫で君やれば／又首里杜　ちよわる／いせゑけり按司添い／又真玉杜　ちよわる／吾が搔い撫で按司添い／又あまみやから／相手君やれば／又しねりやから／つほこ君やれば／又てるかはが　御言す／てるしのが　御言す

一きこへさすかさは／まふるきみやれは／くもこいろ／てりやあかて　ちよわれ／又とよむ大きみや／かいなてきみやれは／又しよりもり　ちよわる／いせゑけりあちおそい／又またまもり　ちよわる／あかかいなてあちおそい／又あまみやから／あいちへきみやれは／又しねりやから／つほこきみやれは／又てるかはか　おことす／てるしのか　御ことす

あおりやへ節

4-204（53）

一聞へ差笠が／さしふ　降れ変わて／十百度の　世添うせぢ／按司添いに　みおやせ／又鳴響む差笠が／むつき　降れ直ちへ／又京の内は　押し開けて／首里杜　降れわちへ／又もちろ内は　つき開けて／真玉杜　降れわちへ／又按司添いよ　誇て／貴み人　誇て

一きこへさすかさか／さしふ　おれかわて／ともゝとの　よそうせち／あんしおそいに　みおやせ／又とよむさすかさか／むつき　おれなふちへ／又けおの内は　おしあけて／しよりもり　おれわちへ／又もちろ内は　つきあけて／またまもり　おれわちへ／又あちおそいよ　ほこて／たゝみきよ　ほこて

あぢおそいしよよしられが節

4-205（54）

一首里大君ぎや／鳴響む国添いぎや／国　栄て　ちよわれ／又京の内に　戻て／もちろ内に　戻て／又成さい人思い按司添い／成さい人思い貴み人／又眼　合わちへ　並で／御顔　合わちへ　並で／又明けま年　成らば／向かう年　成らば／又君手摩り　誇り／神使い　このめ／又今日とまに　依り降れや／吉日選びの　依り降れや／又寄り満ちゑの　おより／せぢ寄せの　おなふさ／又降られ数　守ら／遊ば数　搔い撫でら

一首里大きみきや／とよむくにおそいきや／国　ふさて　ちよわれ／又けおのうちに　もとて／もちろ内に　もとて／又なさいきよもいあちおそい／なさいきよもいたゝみきよ／又あまこ　あわちへ　ならて／みきやう　あわちへ　ならて／又あけまとし　ならは／むかうとし　ならは／又きみてつり　ほこり／かみつかい　このめ／又けおとまに　よりおれや／ゑかえらひの　よりおれや／又よりみちゑの　おより／せちよせの　おなふさ／又おれらかす　まふら／あすはかす　かいなてら

4-206（55）

一首里大君ぎや／末　選び遣り　降れわちへ／君ぎやせぢ／もちよろ為ちへ　みおやせ／又鳴響む国守りぎや／真末　選び遣り　降れわちへ／又首里杜　ちよわる／英祖にや末按司添い／又真玉杜　ちよわる／てだが末按司添い／又見物の真庭に／国揚がりは　煽らちへ／又かわるめの御内に／君撓い　煽らちへ／又聞得大君ぢよ／ゑりちよ　遣り交わちへ

一しより大きみきや／すゑ　ゑらひやり　おれわちへ／きみきやせち／もちよろなちへ　みおやせ／又とよも国もりきや／ませ　ゑらひやり　おれわちへ／又しよりもり　ちよわる／ゑそにやすへあちおそい／又またまもり　ちよわる／てたかすへあちおそい／又み物〔うち〕のまみやに／くにあかりは　あふらちへ／又かわるめのみうちに／きみしない　あふらちへ／又きこへ大きみちよ／ゑりちよ　やりかわちへ

あおりやへ節

4-207（56）

一首里大君ぎや／此吉日の　依り降れや／末にぎやめ／真強く　ちよわれ／又鳴響む国添いぎや／此きらの　憑き降れや／又貴み人／肝　満ちへて　遊で／又見物清ら　煽らちへ／おぼつ嶽　行きちへ／又国栄い　押し立て／神座杜　響ちへ／又大君に　よ治られ／てるかはに　宣立てれ

一しより大きみきや／此ゑかの　よりおれや／すゑにきやめ／まちよく　ちよわれ／又とよむ国おそいきや／此きらの　つきおれや／又たゝみきよ／きも　みちへて　あすて／又みもんきよら　あふらちへ／おほつたけ　よきちへ／又くにふさい　おしたて／かくらもり　ひゝちへ／又大きみに　よしられ／てるかはに　のたてれ

あおりやへ節

4-208（57）

一首里大君ぎや／首里杜　降れわちへ／按司添いしよ／せぢ　勝て　ちよわれ／又鳴響む君鳴響みぎや／真末　願て　降れわちへ／又あまみやから／精の君やれば／又しねりやから／相手君やれば／又さしふ　五ころに／見守てす　降れたれ／又むつき　七ころに／?い撫でゝす　降れたれ／又大君ぎや　御想ぜ／てるかはは　宣立てゝ

一しより大きみきや／首里もり　おれわちへ／あちおそいしよ／せち　まさて　ちよわれ／又とよむきみとよみきや／ませ　ねかて　おれわちへ／又あまみやから／すへのきみやれは／又しねりやから／あいちへきみやれは／又さしふ　五ころに／みまふてす　おれたれ／又むつき　七ころに／かいなてゝす　おれたれ／又大きみきや　御さうせ／てるかはは　のたてゝ

首里天尚寧王加那志御代 万暦三拾五年未の年拾月十日の己の巳の日、君手摩りの百果報事の時に、首里大君の御前より給申

あおりやへ節

4-209（58）

一首里大君ぎや／首里杜　降れわちへ／按司添いしよ／せぢ　勝て　ちよわれ／又鳴響む国添いぎや／真玉杜　降れわちへ／又按司添いが　おより／王にせが　おより／又きらの数　降れわちへ／吉日の数　降れわちへ／又降られ数　見守ら／遊ぶ数　見守ら

一しより大きみきや／首里もり　おれわちへ／あちおそいしよ／せち　まさて　ちよわれ／又とよむくにおそいきや／またまもり　おれわちへ／又あちおそいか　おより／わうにせか　おより／又きらのかす　おれわちへ／ゑかのかす　おれわちへ／又おれらかす　みまふら／あすはかす　みまふら

首里天尚永王加那志御代 万暦十五年亥の年十月十八日癸の酉の日、宣の君の御前の憑かり変わり召されし時に給申

あおりやへ節

4-210（59）

一聞へ宣ん君ぎや／成り人　降れ栄て／成さい人思い王にせ／せぢ　勝て　ちよわれ／又鳴響む君鳴響みぎや／いけな　降れ直ちへ／又見物内の真庭に／遊で直ちへからわ／又かわるめの真庭に／誇て直ちへからわ／又さしふ　五ころに／降れ直ちへからは／又むつき　七ころに／見守てす　降れたれ／又首里杜　ちよわる／吾が成さい人王にせ／末　長く／せぢ　勝て　ちよわれ／又真玉杜　ちよわる／吾が成さい人王にせ

一きこへせんきみきや／なりきよ　おれふさて／なさいきよもいわうにせ／せち　まさて　ちよわれ／又とよむきみとよみきや／いけな　おれなおちへ／又みもん内のまみやに／あすてなふちへからわ／又かわるめのまみやに／ほこてなおちへからわ／又さしふ　五ころに／おれなふちへからわ／又むつき　七ころに／みまふてす　おれたれ／又しよりもり　ちよわる／あかなさいきよわうにせ／すゑ　なかく／せち　まさて　ちよわれ／又またまもり　ちよわる／あかなさいきよわうにせ

尚寧王がなしみ世 万暦卅五年未の年十月十日己の巳の日に、宣んの君の御前より給申

あおりやへ節

4-211（60）

一聞ゑ宣ん君ぎや／末　尋まいて　降れわちへ／按司添いに／嶋が命　みおやせ／又鳴響む君鳴響みぎや／真末　願て　降れわちへ／又あまみやから／精の君やれば／又しねりやから／相手君やれば／又さしふ　五ころに／見守てす　降れたれ／又むつき　七ころに／?い撫でゝす　降れたれ／又大君ぎや　御想ぜ／てるかはは　宣立てゝ

一きこゑせんきみきや／すゑ　とまいて　おれわちへ／あちおそいに／嶋がのち　みおやせ／又とよむきみとよみきや／ませ　ねかて　おれわちへ／又あまみやから／すへのきみやれは／又しねりやから／あいちへきみやれは／又さしふ　五ころに／みまふてす　おれたれ／又むつき　七ころに／かいなてゝす　おれたれ／又大きみきや　御さうせ／てるかはは　のたてゝ