ქ. სახელითა ღმრთისაითა, მამისა და ძისა და წმიდისა სულისაითა, შუამდგომლობითა ყოვლად წმიდისა ღმრთისმშობელისაითა და ყოველთა წმიდათაითა, დაგიწერეთ დაწერილი ესე ჩუენ, ჩაფქევასძეთა ...[5]... და ძმისწულმა დემნამა, თქუენ, ვერხუაისძეთა: გრიგოლსა და შვილთა და მომავალთა თქუენთა, და მოგყიდე ნავენახები ზედა ...[3]... შენისა კალოისა პირსა ნასყიდსავე ზედა მოგეკიდებოდა, უღალო ...[4]...ს უნდილაისძისა ეჯიბობასა შიგა და მომლაისა ხან დაკ[ს] ...[4]...ბასა შიგა. რაიც ღალაი ჰმართებოდა ამას ადგილსა, მომლამ მოიღო და პატრონი ბეგაი მუხრანს დგა და მუნ გაუგზავნა ოქროი და ავიღეთ სრული ფასი, რომლითა ჩუენ შევსჯერდით. სრულყოსა ღმერთმან.
მოწამენი არიან: ბექაი, მინაი, ალავერდელი, უჩურისძე ანაი, ბოჭოისძე ვეფხაი.
არ შეგეცვალოს დაწერილი ესე ჩუენგან და არც მომავალთა ჩუენთაგან. და ვინ და რამანცა გუარმან კაცმან, რაისაც მიზეზისა შემოღებითა შეგიცვალოს, კრულმცა არის სიტყუისა სიტყუითა ღმრთისა დაუსაბამოისა პირითა [7]სა მადლითა და ყოვლითა წმიდათაითა, ორთავე შინა ცხორებასა. ნესტორ და ოროგინესმცა თანა არის ნაწილი მისი. დამამტკიცებელი მისი ყოს მტკიცე ღმერთმან სასუფეველსა მისსა მას მისცეს სიმტკიცე.
[მინაწერი საბუთები]: