Al si sa ben, che no tu ses poëte

by Ermes di Colloredo

Al Signor co. Federico N.N. rivale del Poeta nell'amor di Filli

SONETTO

AL si sa ben, che no tu ses poëte,
E che no tu fàs viars se no pal cûl,
Dulà zà che tu vess sì gran trastûl,
Uadagnand ogni dì la to gazete.

Jò ti dirai la veretat biel sclete,
Vanzun di G..... Fili no vûl;
E par chest, fradi chiar, tu mi fàs dûl,
Insegnanus a no cheste ricete.

Tu pàrs ingrisignìt, e quasi vieli,
E di galantizà no è to mistìr,
Che tu piarz il savon cun dut il ueli.

Met sot la plete chest chiarif pinsìr,
Parcè che jò, ta 'l zuri al sëugnèli,
Che Fili sa che puartis il braghìr.