Ban/Agastya Parwa

Deskripsi

Naskah

[ 2 ][᭑ 1B]
᭑᭞
᭛᭜᭛ᬒᬁᬅᬯᬶᬖ᭄ᬦᬵᬫᬲ᭄ᬢᬸᬦᬫᬲᬶᬤᬀ᭚᭜᭚ᬚᬕᬢ᭄ᬕᬸᬭᬸᬰᬪᬀᬭᬪᬹᬭᬀᬪᬯᬪᬸᬢᬀᬪᬸᬳᬫ᭄ᬧᬥᬫ᭄᭞ᬪᬯᬫ᭄ᬩᬬᬤᬪᬾᬭᬯᬡᬭᬂ᭞ᬢᬤᬭᬳᬫ᭄ᬩᬭᬯᬀ᭞ᬲᬸᬖᭀᬭᬢᬭᬯᬶᬖ᭄ᬦᬫᬤᬀᬦᬵᬫᬓᬦ᭄ᬤᬦ᭄ᬢᬭᬫ᭄᭞ᬳᬸᬭᬸᬗ᭄ᬕᬸᬭᬸᬢᬭᬇᬦ᭄ᬬᬭᬕ
ᬦᬀᬢᬦ᭄‌ᬦᬫᬵᬫᬶᬧ᭄ᬭᬪ᭄ᬳᭀ᭛ᬅᬲᬶᬤ᭄ᬥᬢᬲ᭄ᬢ᭄ᬬᬧᬸᬢ᭄ᬭᬲ᭄ᬢᬸ᭞ᬮᭀᬧᬫᬸᬦ᭄ᬭᬵᬲᬫᬸᬤ᭄ᬡᬯᬄ᭞ᬤᬺᬤ᭄ᬤᬲ᭄ᬬᬸᬤᬵᬫᬾᬤᬫᬢ᭄ᬫᬵ᭞ᬲᬦ᭄ᬢᬦᬾᬢᬸᬭᬦᬶᬦ᭄ᬤᬶᬢᬄ᭛ᬅᬦᬲᬶᬭᬲᬶᬤ᭄ᬤᬧᬡ᭄ᬟᬶᬢ᭄ᬣᬢᬭᬸᬡᬵ᭞ᬲᬂᬤᬺᬤ᭄ᬤᬲ᭄ᬬᬸᬗᬭᬦᬶᬭᬵ᭞ᬅᬦᬓ᭄‌ᬪᬕᬯᬦ᭄ᬦᬕᬲ᭄ᬢ᭄ᬬ᭞ᬗ
ᬭᬦᬶᬭᬵ᭞ᬯᬶᬦ᭄ᬥ᭄ᬬᬯᬮᬓᬸᬝᬵᬪᬕᬗ᭄ᬕᬸᬧ᭄ᬭᬩᬯ᭞ᬲᬂᬢᬸᬫᬳᬧ᭄ᬅᬕ᭄ᬭᬦᬶᬂᬯᬶᬦ᭄ᬥ᭄ᬬᬵᬯᬃᬯ᭄ᬯᬢ᭞ᬲᬫ᭄ᬓᬤᬭᬶᬤᬾᬦ᭄ᬬᬦᬳ᭄ᬬᬸᬦ᭄ᬢᬸᬫᬸᬦ᭄ᬢᭀᬤᬮᬦ᭄‌ᬲᬂᬳ᭄ᬬᬂᬳᬤᬶᬢ᭄ᬬᬵ᭞ᬬᬯᬤᬶᬧᬾᬓᬬᭀᬕᬶᬰ᭄ᬯᬭᬵ᭞ᬲᬂᬧᬶᬦᬓᬤᬶᬤᬾᬯ᭞ᬫᬓᬓ᭄ᬱ᭄ᬬᬾᬢ᭄ᬭᬬᬯᬤ᭄ᬯᬶᬧᬵᬫ
ᬦ᭄ᬤᬮ᭞ᬲᬶᬭᬢᬫᬓᬢ᭄ᬯᬵᬦᬓ᭄ᬦᬶᬭᬫᬓᬾᬩᬸᬪᬕᬯᬢᬶᬮᭀᬧᬫᬸᬤ᭄ᬭᬵ᭞ᬲᬶᬭᬢᬫᬢᬓ᭄ᬯᬦᬶᬂᬲᬶᬭᬬᬬᬄ᭞ᬪᬕᬯᬦᬕᬱ᭄ᬢ᭄ᬬᬵᬭᬶᬫᬸᬮᬦᬶᬪᬹᬃᬩ᭄ᬯᬄᬰ᭄ᬯᬄᬫᭂᬳᬂᬳᬦ᭄ᬢᬦᬶᬂᬩ᭄ᬭᬳ᭄ᬫᬡ᭄ᬟᬢ᭄ᬓᭂᬂᬤᬾᬯᬢᬦ᭄ᬬ᭞ᬮᬶᬂᬦᬶᬭ᭛ᬯᬸᬪᬸᬃᬯ᭄ᬯᬄᬰ᭄ᬯᬄᬓᬢᬫᬸᬮᬫ᭄᭞
[᭒ 2A]
ᬩ᭄ᬭᬳ᭄ᬫᬡ᭄ᬟᬰ᭄ᬬᬯᬤᬓᬭᬦᬀ᭞ᬲᬗ᭄ᬱᬬᬜ᭄ᬘᬾᬯᬦᬵᬢᬫᬾ᭞ᬧ᭄ᬭᬲᬶᬤᬵᬪᬯ᭄ᬯᬦ᭄ᬯᬤ᭛ᬲᬚ᭄ᬜᬵᬳ᭄ᬬᬂᬫᬫᬶ᭞ᬓᬲᬶᬳᬦᬵᬭᬦᬓ᭄ᬳ᭄ᬬᬂᬫᬫᬶ᭞ᬯᬭᬢᭂᬦ᭄ᬭᬶᬂᬫᬸᬮᬦᬶᬂᬪᬹᬯᬡᬵ᭞ᬫ᭄ᬯᬂᬢᬶᬗ᭄ᬓᬳ᭄ᬦᬶᬂᬩ᭄ᬭᬳ᭄ᬫᬡ᭄ᬟᬵ᭞ᬗᬸᬦᬶᬯᬾᬄᬲᬗ᭄ᬓᬦ᭄ᬬ᭞ᬬᬫᬢᬦ᭄ᬬᬇᬮᬗᬇᬓᬂᬲᬂᬗ᭄ᬲᬭᬵᬬ
ᬭᬦᬓ᭄ᬩᬝᬭᬵᬫᬉᬯᬘ᭞ᬒᬚᬃᬪᬕᬯᬦ᭄ᬳᬕᬲ᭄ᬢ᭄ᬬ᭞ᬮᬶᬂᬦᬶᬭ᭛ᬘᬢᬸᬃᬪᬸᬢᬾᬫᬦᬰᬾᬱᬵ᭞ᬓᬕ᭄ᬦᬶᬤᬳᬦᬢ᭄ᬧᬸᬭᬵ᭞ᬓᬭᬢ᭄ᬭᬶᬪᭀᬤᬶᬯᬲᬸᬃᬬ᭄ᬬ᭞ᬦᬘᬦ᭄ᬤ᭄ᬭᬵᬦᬯᬢᬭᬢᬄ᭛ᬭᬶᬲ᭄ᬤᬂᬦ᭄ᬬᬦ᭄‌ᬢ᭄ᬓᬂᬫᬳᬧ᭄ᬭᬮᬬᬵ᭞ᬇᬮᬂᬮᬶᬓᬂᬘᬢᬸᬃᬪᬹᬝ᭞ᬢ᭄ᬓᬾᬂᬪᬹᬃᬩ᭄ᬯᬄ
ᬰ᭄ᬯᬄ᭞ᬗᬸᬦᬶᬯᬾᬄᬢᬂᬲᬧ᭄ᬢᬵᬧᬢᬮᬵ᭞ᬪᬲ᭄ᬫᬶᬪᬹᬝᬢ᭄ᬓᬾᬂᬤᬾᬯᬢᬦ᭄ᬬ᭞ᬤᬾᬯᬓᬂᬓᬮᬵᬕ᭄ᬦᬶᬭᬸᬤᬻ᭞ᬩ᭄ᬭᬳ᭄ᬫᬵ᭞ᬯᬶᬱ᭄ᬡᬸᬵ᭞ᬲᬸᬃᬬ᭄ᬬᬘᬡ᭄ᬤ᭄ᬭᬵᬦᬓ᭄ᬱᬢ᭄ᬭᬕᬡᬵ᭞ᬓᬧ᭄ᬯᬮᬶᬡᬲᬶᬭᬓᬩᬾᬄ᭞ᬰᬸᬦ᭄ᬬᬓᬂᬓᬮᬵ᭞ᬗᬸᬮᬸᬯᬸᬂᬇᬓᬂᬭᬢ᭄᭞ᬅᬗᬶᬂᬪᬝᬭᬲᬤᬲᬶᬯ᭄ᬯᬵ
ᬲᬶᬭᬳᬦᬵ᭞ᬲᬂᬦᬶᬭᬢ᭄ᬫᬓᬵᬰ᭄ᬯᬪᬯᬵ᭞ᬲᬂᬮᬸᬯᬸᬢ᭄ᬭᬶᬂᬲᬓᬮᬵᬦᬶᬲ᭄ᬓᬮᬵᬲᬶᬭᬪᬝᬭᬲᬃᬯ᭄ᬯᬗᬭᬦᬶᬭᬵ᭞ᬫᬳ᭄ᬬᬸᬦ᭄ᬧ᭄ᬯᬲᬶᬭᬵᬫᬕᬯᬬᬰ᭄ᬭᬱ᭄ᬝᬶ᭞ᬋᬧ᭄ᬫᬶᬚᬶᬮ᭄ᬢᬂᬘᬢᬸᬃᬪᬹᬝ᭞ᬓ᭄ᬭᬫᬦ᭄ᬬ᭛ᬅᬓᬰᬵᬩᬱᬫᬸᬢ᭄ᬧ᭄ᬦᬄ᭞ᬅᬧ᭄ᬬᬧᬰ᭄ᬭᬸᬢᬸᬢᬶᬬᬢᬾ᭞ᬘᬢᬸᬃ [ 3 ][᭒ 2B]
᭒᭞
ᬢᬾᬧ᭄ᬯᬢᬶᬯᬶᬚᬢᬵ᭞ᬪᬹᬢᬢᬾᬚᬰ᭄ᬭᬸᬧᬜ᭄ᬘᬫ᭛ᬳᬓᬰᬵᬢᬫ᭄ᬩᬾᬦᬶᬂᬫ᭄ᬢᬸᬮᬯᬦ᭄ᬩᬬᬸ᭞ᬢᬸᬫᬸᬢᬂᬧ᭄ᬭᬢᬶᬯᬶ᭞ᬮᬯᬦ᭄ᬢᬾᬚᬵ᭞ᬭᬶᬢᬯᬸᬘ᭄ᬦᬶᬓᬵ᭞ᬅᬡ᭄ᬟ᭄ᬭᬓᬭᭀᬢᬶ᭞ᬅᬕᬯᬾᬢᬲᬶᬭᬳᬡ᭄ᬟ᭄᭞ᬫᬶᬚᬶᬮ᭄ᬢᬲᬶᬭᬵᬪᬝᬭᬩ᭄ᬭᬳ᭄ᬫᬵᬯᬶᬱ᭄ᬡᬸᬵ᭞ᬢ᭄ᬓᬲ
ᬦ᭄᭞ᬤᬾᬦᬶᬂᬬᭀᬖ᭄ᬕᬦᬶᬭᬵ᭞ᬫᬬᭀᬖ᭄ᬕᬵᬪᬝᬭᬩ᭄ᬭᬳ᭄ᬫᬵ᭞ᬫᬶᬚᬶᬮ᭄ᬢᬂᬧ᭄ᬭᬚᬵᬧᬢᬶ᭞ᬫ᭄ᬯᬂᬲᬂᬲᬦᬓᬵ᭞ᬲᬂᬦᬦ᭄ᬤᬦ᭞ᬲᬂᬦᬓᬸᬫᬭᬩ᭄ᬬᬱᬵ᭞ᬢᬸᬫᬸᬢᬲᬂᬩ᭄ᬭᬳ᭄ᬫᬱᬶ᭞ᬲᬂᬫᬦᬸᬧᬶᬢᬺᬕᬡ᭞ᬫᬗ᭄ᬓᬦᬵᬓ᭄ᬯᬾᬕ᭄ᬦᬶᬂᬰ᭄ᬭᬱ᭄ᬝᬶᬪᬝᬭᬩ᭄ᬭᬳ᭄ᬫᬵ᭛ᬉᬯᬯᬘᬵ᭞ᬫᬢ᭠
ᬓ᭄ᬯᬦ᭄ᬢᬲᬂᬤᬺᬤᬰ᭄ᬬᬸᬫ᭄ᬯᬄᬮᬶᬂᬦᬶᬭᬵ᭛ᬩ᭄ᬯᬳ᭄ᬫᬃᬱᬶᬦᬫ᭄‌ᬓᬫᬃᬕ᭄ᬕᬫ᭄᭞ᬉᬤ᭄ᬩᬢᬦᬜ᭄ᬘᬢᬸᬃᬫᬸᬓ᭛ᬦ᭄ᬤᬶᬓᬭᬶᬳᬯᬦᬶᬓᬵᬲᬂᬩ᭄ᬭᬳ᭄ᬫᬃᬱᬶᬦ᭄᭞ᬫᬶᬚᬶᬮ᭄ᬲᬓᬾᬂᬪᬝᬭᬵᬩ᭄ᬭᬳ᭄ᬫᬵ᭞᭛ᬉᬯᬘ᭞ᬲᬸᬫᬯᬸᬃᬪᬝᬭᬳᬕᬲ᭄ᬢ᭄ᬬ᭞ᬮᬶᬂᬦᬶᬭᬵ᭛ᬢᬢᬄᬧᬶᬢᬵᬫᬳᬵ
ᬧ᭄ᬭᬱ᭄ᬝᬶ᭞ᬩ᭄ᬭᬳ᭄ᬫᬃᬲᬶᬦ᭄‌ᬮᭀᬓᭀᬧᬡ᭄ᬟᬶᬢᬄ᭞ᬧ᭄ᬭᬦᬢ᭄‌ᬤᬓ᭄ᬱ᭄ᬬᬫ᭄ᬧᬸᬫᬸᬢ᭄ᬬᬤ᭄ᬬ᭞ᬓ᭄ᬱᬸᬪ᭄ᬯᬀᬫᬭᬶᬘᬶᬭᬸᬘᬶᬫ᭛ᬓᬮᬶᬗᬜᬦᬓᬸ᭞ᬫᬗ᭄ᬓᬢᬶᬗ᭄ᬓᬄᬦ᭄ᬬ᭞ᬪᬕᬯᬦ᭄ᬤᬓ᭄ᬱ᭄ᬬᬫᬳᬯᬦ᭄ᬧ᭄ᬭᬡᬪᬬᬸ᭞ᬪᬕᬯᬦ᭄ᬫᬭᬶᬘᬶᬫ᭄ᬯᬂᬪᬕᬯᬦ᭄ᬭᬸᬘᬶᬫᬶᬚᬶᬮ᭄ᬲᬓᬾᬂᬫᬝ
[᭓ 3A]
ᬪᬝᬭᬵᬩ᭄ᬭᬳ᭄ᬫᬵ᭛ᬅᬳᭂᬗ᭄ᬓᬭᬲᬫᬸᬤ᭄ᬩᬸᬢᬄ᭞ᬦᬶᬮᬳᭀᬳᬶᬢᬢᬵᬤ᭄ᬯᬶᬢᬄ᭞᭛ᬓᬸᬦᬂᬰ᭄ᬭᬶᬪᬉᬦᬶᬮᬮᭀᬳᬶᬢᬵ᭞ᬫᬶᬚᬶᬮ᭄ᬲᬓᬾᬂᬳᬳᭂᬗ᭄ᬓᬭ᭛ᬳᬺᬤᬬᬜᬸᬪᬺᬕᬸᬢᬢᬄ᭛ᬓᬸᬦᬂᬪᬕᬯᬦ᭄ᬩ᭄ᬭᭂᬕᬸ᭞ᬫᬶᬚᬶᬮ᭄ᬲᬓᬾᬂᬕᬢᬶ᭛ᬰ᭄ᬭᭀᬢᬦᬵ
ᬢ᭄ᬭᬶᬫᬸᬃᬯ᭄ᬯᬵᬢᬢᬾ᭞ᬪᬕᬯᬦᬢ᭄ᬭᬶ᭞ᬫᬶᬚᬶᬮ᭄ᬲᬓᬾᬂᬢᬮᬶᬗᬘᬶᬭᬵ᭛ᬉᬢᬫᬗ᭄ᬕᬵᬲᬫᬸᬤ᭄ᬩᬸᬢᬄ᭞ᬪᬕᬯᬦᬕᬶᬭ᭞ᬫᬶᬚᬶᬮ᭄ᬲᬓᬾᬂᬢᬡ᭄ᬟᬲ᭄ᬦᬶᬭᬵ᭞ᬪᬕᬯᬦ᭄ᬧᬸᬮᬳᬵ᭞ᬫᬶᬚᬶᬮ᭄ᬲᬓᬾᬂᬧ᭄ᬭᬡ᭄ᬦᬦᬬᬸ᭞ᬪᬕᬯᬦ᭄ᬓ᭄ᬭᬢᬸ᭞ᬫᬶᬳᬶᬮ᭄ᬲᬓᬾᬂᬳᬧᬦᬩᬬᬸ
᭞ᬲᬶᬭᬪᬕᬯᬦ᭄ᬯᬲᬶᬱ᭄ᬝᬵ᭞ᬫᬶᬳᬶᬮ᭄ᬲᬓᬾᬂᬱᬫᬦᬩᬬᬸᬲᬶᬭᬵ᭛ᬦᬳᬦ᭄ᬢᬓ᭄ᬭᬫᬦᬶᬭᬲᬂᬩ᭄ᬭᬳ᭄ᬫᬃᬱᬶ᭞ᬫᬶᬚᬶᬮ᭄ᬲᬓᬾᬂᬧᬜ᭄ᬘᬧ᭄ᬭᬦᬪᬝᬭᬩ᭄ᬭᬳ᭄ᬫᬵᬲᬶᬭᬵ᭛ᬲᬂᬩ᭄ᬭᬳ᭄ᬫᬵᬃᬱᬶᬲᬶᬭᬢᬲᬗ᭄ᬓᬦ᭄ᬲᬂᬘᬢᬸᬃᬤᬰᬫᬦᬸ᭞ᬧᬶᬭᬢᬧ᭄ᬭᬢ᭄ᬬᬾᬓᬦᬶᬗᬭᬦ᭄ᬲᬂᬘᬢᬸᬃ
ᬤᬰᬵᬫᬤᬸᬦᬶᬳᬦ᭄᭞᭛ᬲᬂᬰ᭄ᬯᬬᬫ᭄ᬩᬸᬯ᭞ᬲᬂᬲ᭄ᬯᬭᭀᬘᬶᬫᬵ᭞ᬉᬢᬫᬵ᭞ᬢᬯᬰᬵ᭞ᬭᬾᬘᬓᬵ᭞ᬤᬓ᭄ᬧᬸᬫᬵ᭞ᬤᬾᬯᬰ᭄ᬯᬢᬵ᭞ᬲᬯᬃᬡ᭄ᬦ᭞ᬭᭀᬳᬶᬢᬵ᭞ᬯᬶᬲᬗ᭄ᬕᬸᬄ᭞ᬭᭀᬘ᭄ᬬ᭞ᬓᭀᬢ᭄ᬬ᭞ᬲᬫᬗ᭄ᬓᬦᬵᬧ᭄ᬭᬢ᭄ᬬᬾᬓ᭄ᬱᬦᬶᬗᬭᬦ᭄ᬲᬂᬘᬢᬸᬃᬤᬰᬵᬫ᭠ [ 4 ][᭓ 3B]
᭓᭞
ᬦᬸᬗ᭄ᬓᬾᬭᬶᬂᬩ᭄ᬭᬳ᭄ᬫᬡ᭄ᬟᭂ᭞ᬓᬸᬦᬂᬫᬦᬸᬫᬗ᭄ᬓᬾ᭞ᬲᬂᬤᬾᬯᬰ᭄ᬯᬢᬵ᭛ᬉᬯᬘ᭞ᬫᬢᬓ᭄ᬯᬦ᭄ᬲᬂᬤᬺᬤᬲ᭄ᬬᬸᬫ᭄ᬯᬄ᭞ᬮᬶᬂᬦᬶᬭᬵ᭛ᬓᬮᬄᬓᬢᬶᬧᬬᬰ᭄ᬘᬾᬯᬄ᭞ᬫᬦᬸᬦᬧᬦᬭᬫ᭄ᬧ᭄ᬭᬢᬶ᭛ᬧᬶᬭᬢᬮᬯᬲᬂᬫᬦᬸᬦ᭄ᬧᬗᬤᭂᬕ᭄᭞ᬲᭀᬯᬂᬲᭀᬯᬂ᭞ᬉᬯᬘ᭞᭠
ᬲᬸᬫᬯᬸᬃᬪᬕᬯᬦᬕᬲ᭄ᬢ᭄ᬬᬵ᭞ᬮᬶᬂᬦᬶᬭᬵ᭛ᬘᬢᬸᬃᬢᬸᬕᬾᬦᬶᬯᬱᬦᬶ᭞ᬫᬦᬸᬦᬵᬫᬾᬓᬲᬧ᭄ᬢᬶᬓᬵ᭞ᬫᬦᬸᬯᬦ᭄ᬢᬵᬭᬫᬶᬢᬶᬦ᭄ᬬᬢᬾ᭞ᬳᬲ᭄ᬬᬬᬾᬦᬲᬤᬲ᭄ᬯᬢᬄ᭛ᬧᬶᬢᬸᬂᬧᬸᬮᬸᬄᬬᬸᬖ᭄ᬕᬵᬍᬯᬶᬄᬢᬸᬗ᭄ᬕᬮ᭄᭞ᬲᬫᬗ᭄ᬓᬦᬵᬮᬯᬲ᭄ᬦᬶᬂᬫᬦᬸᬦ᭄ᬬᬗᬤᭂᬕ᭄‌ᬲᭀ
ᬯᬂᬲᭀᬯᬂ᭞ᬬᬢᬶᬓᬵᬲᬫᬦ᭄ᬢᬵᬭᬗᬭᬦ᭄ᬬ᭛ᬉᬯᬘᬵ᭞ᬫᬢᬓ᭄ᬯᬦ᭄ᬲᬂᬤᬺᬤᬲ᭄ᬬᬸᬫ᭄ᬯᬄ᭞ᬮᬶᬂᬤᬶᬭᬵ᭛ᬤᬓ᭄ᬧ᭄ᬬᬲ᭄ᬬᬓᬄᬲᬸᬢᬄᬓᬲ᭄ᬢ᭄ᬭᬶ᭛ᬯᬶᬭᬓᬭᬶᬳᬦᬓ᭄ᬩᬕᬯᬦ᭄ᬤᬓ᭄ᬱ᭄ᬬᬵ᭞ᬓᬪᬃᬬ᭄ᬬᬲ᭄ᬬᬧᬢᬲ᭄ᬢ᭄ᬭᬶᬦᬶᬭᬵ᭞ᬉᬯᬘᬵ᭞ᬲᬸᬫᬯᬸᬃᬪᬕᬯᬦᬕᬲ᭄ᬬᬸᬳᬵ᭞ᬮᬶᬂᬦᬶᬭᬵ
᭛ᬧ᭄ᬭᬲᬸᬢ᭄ᬬ᭞ᬏᬧᬜ᭄ᬘᬲᬓᬄ᭞ᬓᬦ᭄ᬬᬓᬄᬤᬓ᭄ᬱ᭄ᬬᬵᬲᬫ᭄ᬩᬯᬄ᭞ᬤᬾᬬᬧ᭄ᬭᬚᬵᬧᬢᬶᬪ᭄ᬬᬲ᭄ᬢᬸ᭞ᬲᬃᬯ᭄ᬯᬤᬾᬯᬲᬸᬫᬚᬶᬢᬄ᭠᭛ᬮᬶᬫᬄᬧᬸᬮᬸᬄᬢᬸᬗ᭄ᬕᬮ᭄᭞ᬓ᭄ᬯᬾᬳ᭄ᬦᬶᬂᬗᬦᬓ᭄ᬩᬕᬯᬦ᭄ᬤᬓ᭄ᬱ᭄ᬬᬓᬦ᭄ᬬᬲ᭄ᬤᬂᬗ᭄ᬳᬬᬸ᭞ᬫᬓᬾᬪᬹᬲᬂᬧ᭄ᬭᬲᬸᬢᬶ᭞ᬇᬓᬂᬢ᭄ᬮᬸᬯ᭄ᬮᬲ᭄᭞ᬯᬶᬦᬾ
[᭔ 4A]
ᬳᬓᭂᬦ᭄ᬭᬶᬂᬲᬂᬧ᭄ᬭᬚᬵᬧᬢᬶ᭞ᬧ᭄ᬭᬢ᭄ᬬᬾᬓ᭄ᬱ᭄ᬬᬓᬧᬶᬦᬓᬵᬲ᭄ᬢ᭄ᬭᬶᬲᬂᬭᬚᬯᬢᬶ᭞ᬲᬂᬰ᭄ᬭᬤ᭄ᬤ᭞ᬲᬂᬮᬓ᭄ᬱ᭄ᬫᬶ᭞ᬲᬂᬤ᭄ᬭᬢᬶ᭞ᬲᬂᬢᬸᬱ᭄ᬝᬶ᭞ᬲᬂᬫᬤᬵ᭞ᬲᬂᬓ᭄ᬭᬶᬬᬵ᭞ᬲᬂᬪᬹᬤ᭄ᬥᬶ᭞ᬲᬂᬮᬚ᭄ᬢᬵ᭞ᬲᬂᬪᬧᬸᬄ᭞ᬲᬂᬲᬦ᭄ᬢᬶ᭞ᬲᬂᬲᬶᬤ᭄ᬥᬶ᭞ᬲᬂᬓᬶᬢᬶ᭞ᬦᬳᬦ᭄ᬢᬦᬓ᭄ᬩᬕᬯᬦ᭄ᬤᬓ᭄ᬱ᭄ᬬᬵ᭞ᬯᬶᬦᬾᬳᬓᭂᬦ᭄ᬭᬶᬂᬲᬂᬧ᭄ᬭᬚᬵᬧ᭠
ᬢᬶ᭛ᬓᬸᬦᬂᬳᬦᬓ᭄ᬱᬂᬧ᭄ᬭᬚᬧᬢᬶᬇᬲᬂᬰ᭄ᬭᬤ᭄ᬥᬵ᭞ᬲᬂᬓᬫᬵ᭟ᬳᬦᬓ᭄ᬦᬶᬭᬳᬶᬲᬂᬮᬓ᭄ᬱ᭄ᬫᬶ᭞ᬲᬂᬤᬃᬧ᭄ᬧᬵ᭞ᬳᬓ᭄ᬦᬶᬭᬇᬲᬂᬥ᭄ᬭᬢᬶ᭞ᬲᬂᬯᬾᬤ᭄ᬭᬢᬶ᭞ᬳᬦᬓ᭄ᬦᬶᬭᬳᬶᬲᬂᬢᬸᬱ᭄ᬝᬶ᭞ᬲᬂᬲᬦ᭄ᬢᭀᬱᬵ᭞ᬳᬦᬓ᭄ᬦᬶᬭᬳᬶᬲᬂᬫᬸᬱ᭄ᬢᬶ᭞ᬲᬂᬓᬸᬦ᭄ᬢᬶᬫᬦ᭄᭞ᬳᬦᬓ᭄ᬦᬶᬭᬇᬲᬂᬫᬾᬤᬵ᭞ᬲᬂᬲ᭄ᬭᬸᬢᬵ᭞
ᬳᬦᬓ᭄ᬦᬶᬭᬳᬶᬲᬂᬓ᭄ᬭᬶᬬᬵ᭞ᬲᬂᬦᬬᬵ᭞ᬲᬂᬤᬡ᭄ᬟ᭞ᬲᬂᬲᬫᬬᬵ᭞ᬢᬶᬕᬳᬓ᭄ᬦᬶᬭᬳᬶᬲᬂᬓ᭄ᬭᬶᬬᬵ᭞ᬅᬦᬓ᭄ᬦᬶᬭᬳᬶᬲᬂᬪᬹᬤᬶ᭞ᬲᬂᬩᭀᬤ᭄ᬤᬵ᭞ᬲᬂᬧ᭄ᬭᬫᬶᬢᬶ᭞ᬭ᭄ᬯᬳᬦᬓ᭄ᬦᬶᬭᬵᬇᬲᬂᬪᬹᬤ᭄ᬥᬶ᭞ᬳᬦᬓ᭄ᬦᬶᬭᬲᬂᬪᬧᬸᬄ᭞ᬲᬂᬯᬾᬲᬬᬵ᭞ᬳᬦᬓ᭄ᬦᬶᬭᬇᬲᬂᬲᬦ᭄ᬢᬶ᭞ᬲᬂᬲᭀᬫ᭄ᬫᬵ᭞ᬳᬦᬓ᭄ᬦᬶᬭ
ᬲᬂᬲᬶᬤ᭄ᬥᬶ᭞ᬲᬂᬲᬸᬢ᭄ᬣᬵ᭞ᬲᬂᬬᬲᬵ᭞ᬭ᭄ᬯᬵᬳᬦᬓ᭄ᬦᬶᬭᬵᬲᬂᬲᬶᬤ᭄ᬤᬶ᭞ᬅᬦᬓ᭄ᬦᬶᬭᬇᬲᬂᬓᬶᬢᬶ᭞ᬲᬂᬤᬃᬫ᭄ᬫᬵ᭞ᬲᬂᬳᬶᬗ᭄ᬦ᭄ᬬ᭞ᬭ᭄ᬯᬵᬢᬶᬓᬵᬲᬦᬓ᭄᭞ᬧᬸᬢᬸᬪᬕᬯᬦ᭄ᬤᬓ᭄ᬱ᭄ᬬ᭞ᬇᬭᬶᬓᬂᬳᬦᬓ᭄ᬦᬶᬭᬢ᭄ᬮᬸᬯ᭄ᬮᬲ᭄᭛ᬦᬶᬳᬦ᭄ᬢᬵᬳᬦᬓ᭄ᬩᬕᬯᬦ᭄ᬤᬓ᭄ᬧ᭄ᬬᬯᬦᬾᬄ᭛ᬲᬢᬶᬓ᭄ᬧᬢᬶᬯᬲ [ 5 ][᭔ 4B]
᭔᭞
ᬫ᭄ᬩᬢᬶᬄ᭞ᬲ᭄ᬫᬸᬢᬶᬄᬧ᭄ᬭᬶᬢᬶᬄᬓ᭄ᬱ᭄ᬬᬫᬧᬭᬵ᭞ᬲᬦᬢᬶᬰ᭄ᬭᬸᬦᬲᬸᬬᬘᬵ᭞ᬉᬚᬃᬲ᭄ᬯᬳᬵᬰ᭄ᬯᬩᬵᬧᬸᬦᬄ᭛ᬓᬮᬶᬗᬦ᭄ᬬ᭞ᬲᬂᬲᬢᬶ᭞ᬲᬂᬓ᭄ᬬᬢᬶ᭞ᬲᬂᬲᬫ᭄ᬩᬸᬢᬶ᭞ᬲᬂᬲ᭄ᬫᬸᬢᬶ᭞ᬲᬂᬧ᭄ᬭᬢᬶ᭞ᬲᬂᬓ᭄ᬱ᭄ᬬᬫᬵ᭞ᬲᬂᬧᬭᬵ᭞ᬲᬂᬲᬦ᭄ᬯᬢᬶ᭞ᬲᬂᬳᬦᬲᬸᬬᬵ᭞ᬲᬂᬗᬸᬃᬚᬵ᭞ᬲᬂᬲ᭄ᬯᬤ᭄ᬤᬵ᭞ᬲᬂᬲ᭄ᬯᬬᬵ᭞ᬦᬳᬦ᭄ᬢᬵ
ᬦᬓ᭄ᬦᬶᬭᬪᬕᬯᬦ᭄ᬤᬓ᭄ᬱ᭄ᬬᬵ᭞ᬓᬦ᭄ᬬᬯᬦᬾᬄ᭞ᬬᬢᬢᬶᬦᬭᬶᬫᬓᭂᬦᬶᬭᬭᬶᬂᬯᬂᬲᬦᬓ᭄ᬦᬶᬭᬵ᭞ᬲᬓ᭄ᬯᬾᬳ᭄ᬦᬶᬂᬯᬂᬲᬤᬓ᭄ᬦᬶᬭᬵᬩ᭄ᬭᬳ᭄ᬫᬃᬱᬶ᭞ᬲᬶᬭᬵᬢᬢᭂᬯᭂᬓ᭄ᬦᬶᬂᬓᬸᬫᭂᬫᬶᬳᬦ᭄ᬢᬶᬕᬦ᭄ᬬ᭞ᬫᬓᬲ᭄ᬢ᭄ᬭᬶᬓᬧ᭄ᬯᬵᬦᬓᬦ᭄ᬬ᭛ᬤᬓ᭄ᬱ᭄ᬬᬦᬯᬲ᭄ᬬᬢᬶᬤᬾᬬᬵ᭞ᬦᬶᬮᬮᭀᬳᬶᬢᬧᬡ᭄ᬤᬶᬢᬄ
᭛ᬲᬂᬲᬢᬶᬢᬶᬦᬭᬶᬫᬓᭂᬦ᭄ᬭᬶᬂᬪᬕᬯᬦᬶᬮᬮᭀᬳᬶᬢᬵ᭞ᬧᬶᬦᬓᬦᬓ᭄ᬦᬶᬭᬵᬢᬲᬂᬲᬳᬲ᭄ᬭᬭᬸᬤ᭄ᬭᬵ᭞ᬲᬂᬲᬓ᭄ᬬᬢᬶᬢᬶᬤᬭᬶᬫᬓ᭄ᬦᬶᬂᬪᬕᬯᬦ᭄ᬩᬺᬕᬸ᭞ᬧᬶᬦᬓᬵᬦᬓ᭄ᬦᬶᬭᬲᬂᬤᬝ᭞ᬫ᭄ᬯᬂᬲᬂᬦ᭄ᬳ᭄ᬬᬂᬰ᭄ᬭᬶ᭞ᬲᬶᬭᬚ᭄ᬬᬾᬱ᭄ᬝᬵᬧᬸᬢ᭄ᬭᬶ᭞ᬲᬂᬳ᭄ᬬᬂᬰ᭄ᬭᬶ᭞ᬲᬶᬭᬢᬢᬶᬦᬭᬶᬫᬵᬓ᭄ᬦᬶᬂᬪᬝᬭᬵ
ᬯᬶᬱ᭄ᬡᬸᬵ᭞ᬧᬶᬦᬓᬵᬦᬓ᭄ᬦᬶᬭᬵᬢᬲᬂᬪᬮᬵᬫ᭄ᬯᬂᬲᬗᬰ᭄ᬯ᭛ᬲᬂᬤᬢ᭞ᬫᬓᬵᬲ᭄ᬢ᭄ᬭᬶᬲᬗᬢᬶ᭞ᬅᬦᬓ᭄ᬱᬂᬗ᭄ᬳ᭄ᬬᬂᬫᬳᬫᬾᬭᬸ᭞ᬅᬃᬧ᭄ᬧᬓᬵᬦᬓ᭄ᬲᬂᬧ᭄ᬭᬡᬵ᭞ᬲᬂᬧ᭄ᬭᬡᬵ᭞ᬫᬓᬲ᭄ᬢ᭄ᬭᬶᬲᬂᬧᬸᬡ᭄ᬤᬭᬶᬓᬵ᭞ᬅᬃᬧ᭄ᬧᬓᬵᬦᬓ᭄ᬱᬂᬲᬫ᭄ᬩᬵ᭞ᬲᬂᬓᬱ᭄ᬬᬵᬧᬵᬦ᭄ᬤᬢᬦ᭄ᬓᬧ᭄ᬬᬧᬵᬫᬦ᭄ᬢᬸᬪᬕᬯ
[᭕ 5A]
ᬦ᭄ᬤᬓ᭄ᬱ᭄ᬬᬵ᭞ᬲᬲᬶᬓᬶᬲ᭞ᬲᬂᬲ᭄ᬫᬸᬢᬶ᭞ᬢᬶᬦᬭᬶᬫᬓ᭄ᬦᬶᬂᬪᬕᬯᬦ᭄ᬦᬗ᭄ᬕᬶᬭᬵ᭞ᬅᬃᬧᬵᬓᬵᬦᬓᬦ᭄ᬬᬭ᭄ᬯᬂᬲᬶᬓᬶ᭞ᬲᬂᬲᬶᬦᬶᬩᬮᬶ᭞ᬲᬂᬓᬸᬳᬸᬄᬓᬸᬳᬸᬄ᭞ᬗᬭᬦ᭄ᬬ᭞ᬇᬓᬂᬓᬮᬵᬢᬫ᭄ᬩᬾᬳ᭄ᬦᬶᬲᬦ᭄ᬤ᭄ᬭᬤᬶᬢ᭄ᬬᬵ᭞ᬫᬧᬲᬄᬭᬶᬂᬧ᭄ᬭᬢᬶᬧᬥᬲᬸᬓ᭄ᬮᬵ᭞ᬲᬶᬦᬶᬩᬮᬶ᭞ᬗᬭᬦ᭄ᬬ᭞ᬇᬓᬂᬓᬍᬢᬫ᭄ᬩᬾᬦᬶᬘᬦ᭄ᬤ᭄ᬭᬦᬶ
ᬧᬢ᭄ᬫᬸᬭᬶᬂᬧᬜ᭄ᬘᭂᬤᬰᬶᬓᬺᬱ᭄ᬡᬵ᭞ᬬᬾᬓᬵᬧᬯᬶᬢᬺᬧᬯᬾᬳᬦ᭄ᬧᬶᬢᬺᬧᬶᬡ᭄ᬟ᭛ᬲᬂᬧ᭄ᬭᬶᬢᬶ᭞ᬢᬶᬤᬭᬶᬫᬓ᭄ᬦᬶᬂᬪᬕᬯᬦ᭄ᬧᬸᬮᬱ᭄ᬢ᭄ᬬᬵ᭞ᬅᬃᬧ᭄ᬧ᭠ᬓᬵᬦᬓ᭄ᬱᬂᬤᬢᬾᬦᬶ᭞ᬫ᭄ᬯᬂᬓᬦ᭄ᬬᬢᬶᬕᬂᬲᬶᬓᬶ᭞ᬫᬓᬗᬭᬦᬦ᭄‌ᬤᬾᬯᬳ᭄ᬯᬵ᭞ᬅᬢᬶᬦᬫᬦᬵ᭞ᬲᬂᬲᬡ᭄ᬟᬢᬶ᭞ᬦᬳᬦ᭄ᬢᬂᬓᬦ᭄ᬬᬢᬶᬕᬂᬲᬶᬓᬶ᭞ᬲᬂ
ᬤᬃᬢᭀᬦᬶ᭞ᬫᬓᬲ᭄ᬢ᭄ᬭᬶᬲᬂᬲᬸᬭᬚᬗ᭄ᬕᬵ᭞ᬅᬃᬧ᭄ᬧᬓᬵᬦ᭄ᬓ᭄ᬱᬂᬲᬸᬩᬵᬳᬸ᭞ᬲᬂᬲᬸᬩᬳᬸᬗᬭᬓ᭄ᬯ᭞ᬳᬶᬓᬂᬧᬶᬦᬢ᭄ᬬᬦ᭄ᬤᬾᬪᬝᬭᬵᬭᬫᬗᬸᬦᬶ᭞ᬲ᭄ᬤᬂᬦᬶᬭᬵᬗ᭄ᬭᬓ᭄ᬱᬵᬬᬵᬚ᭄ᬜᬵᬪᬕᬯᬦ᭄ᬯᬶᬰ᭄ᬯᬫᬶᬢ᭄ᬭ᭛ᬲᬂᬓ᭄ᬧ᭄ᬬᬾᬫᬵ᭞ᬢᬶᬦᬭᬶᬫᬓ᭄ᬦᬷᬪᬕᬯᬦ᭄ᬧᬸᬮᬳᬵ᭞ᬅᬃᬧ᭄ᬧᬵᬓᬵᬦᬓ᭄ᬱᬂᬓᬤᬃᬫᭂ᭞ᬅ
ᬫ᭄ᬩᬭᬶᬯᬦ᭄‌ᬲᬂᬯᬶᬱ᭄ᬡᬸᬵ᭞ᬲᬂᬲᬦᬢᬶᬢᬶᬦᬭᬶᬫᬵᬓ᭄ᬦᬶᬭᬵᬪᬕᬯᬦ᭄ᬓ᭄ᬭᬢᬸ᭞ᬅᬃᬳᭀᬯᭀᬯᬓᬦᬓ᭄ᬱᬂᬱᬱ᭄ᬝᬶᬲᬳᬰ᭄ᬭᬯᬮᬶᬓᬶᬮ᭄ᬬ᭞ᬪᬕᬯᬦ᭄ᬲᬱ᭄ᬝᬶᬲᬳᬰ᭄ᬭᬵᬩᬮᬶᬓᬶᬮ᭄ᬬᬗᬭᬦᬶᬭᬵ᭞ᬲᬂᬋᬱᬶᬳᬸᬫᬶᬭᬷᬪᬝᬭᬵᬲᬶᬯᬵᬤᬶᬢ᭄ᬬᬵ᭞ᬅᬃᬫ᭄ᬫᬵᬧ᭄ᬭᬤᬓ᭄ᬱᬶᬡᬵᬭᬶᬂᬫᬳᬫᬾᬭᬸ᭞ [ 6 ][᭕ 5B]
᭕᭞
ᬳᬦᬢᬭᬶᬪᬕᬯᬦ᭄ᬲᬱ᭄ᬝᬶᬲᬓ᭄ᬱ᭄ᬳ᭄ᬭᬩᬮᬶᬓᬶᬮ᭄ᬬ᭞ᬓᬦ᭄ᬬᬭ᭄ᬯᬂᬲᬶᬓᬶ᭞ᬲᬂᬲᬢ᭄ᬬᬯᬢᬶ᭞ᬫ᭄ᬯᬂᬲᬂᬰ᭄ᬯᬧᬢᬵ᭛ᬲᬂᬳᬦᬲᬸᬬᬵ᭞ᬢᬶᬦᬭᬶᬫᬓ᭄ᬦᬶᬂᬪᬕᬯᬦ᭄ᬳᬢ᭄ᬭᬶ᭞ᬅᬃᬧ᭄ᬧᬓᬵᬦᬓ᭄ᬱᬂᬧᬜ᭄ᬘᬓᬮ᭄ᬫᬱ᭛ᬢᬦᬶᬕᬦ᭄᭞ᬲᬂᬲᬢ᭄ᬬᬤᬾᬯᬲᬂᬲᬓ᭄ᬬ᭞ᬲᬂᬗᬧᭀᬫᬸᬃᬢ᭄ᬢᬶ᭞ᬲᬂᬲ
ᬦᬾᬲ᭄ᬘᬭᬵ᭞ᬦ᭄ᬤᬵᬢᬦ᭄ᬭᬯᬶᬲᬸᬢᬦ᭄᭞ᬦ᭄ᬤᬵᬢᬦ᭄ᬡᬸᬦ᭄ᬤᬵᬫᬯᬵ᭞ᬦᬳᬦ᭄ᬢᬧᬜ᭄ᬘᬓᬮ᭄ᬫᬱ᭞ᬅᬦᬓ᭄ᬩᬕᬯᬦᬢ᭄ᬭᬶ᭞ᬅᬦᬢᬦᬓ᭄ᬦᬶᬭᬵᬓᬦ᭄ᬬ᭞ᬲᬂᬰ᭄ᬭᬸᬢᬶ᭞ᬲᬂᬗᬸᬃᬚ᭄ᬢᬵ᭞ᬢᬶᬦᬭᬶᬫᬓ᭄ᬦᬶᬂᬪᬕᬯᬦ᭄ᬯᬱᬶᬱ᭄ᬝᬵ᭞ᬅᬃᬧ᭄ᬧᬓᬵᬦᬓ᭄ᬲᬂᬲᬧ᭄ᬢᬵᬧᬸᬢ᭄ᬭ᭞ᬲᬂᬭᬚᬵ᭞ᬲᬗᬸᬤ᭄ᬬᬪᬭᬸ᭞ᬲᬂᬕᬯ
ᬡ᭄ᬦᬵ᭞ᬲᬂᬧᬢ᭄ᬭ᭞ᬲᬂᬲᬸᬢᬧᬵ᭞ᬲᬂᬲᬸᬓᬺ᭞ᬅᬦᬓ᭄ᬩᬕᬯᬦ᭄ᬩ᭄ᬭᬕᬸᬧᬶᬄ᭞ᬦᬳᬦ᭄ᬢᬂᬲᬧ᭄ᬢᬵᬧᬸᬢ᭄ᬭ᭞᭛ᬅᬦᬢᬲ᭄ᬢ᭄ᬭᬶ᭞ᬅᬦᬓ᭄ᬩᬕᬯᬦ᭄ᬯᬱᬶᬱ᭄ᬝᬵ᭞ᬅᬢᬸᬯᬲᬓᬭᬶᬂᬧᬶᬢᬸ᭞ᬅᬱ᭄ᬝᬫᬶᬗᬭᬦ᭄ᬬ᭞ᬬᬢᬶᬓᬵᬧᬶᬦᬓᬵᬲ᭄ᬢ᭄ᬭᬶᬲᬂᬧ᭄ᬭᬡᬵ᭛ᬲᬂᬰ᭄ᬯᬳᬵ᭞ᬢᬶᬦᬭᬶᬫᬓᭂᬦᬶᬲᬗ᭄ᬳ᭄ᬬᬂ
ᬗᬕ᭄ᬦᬶ᭞ᬳᬢᬗ᭄ᬬᬦ᭄‌ᬲ᭄ᬯᬳᬫᬦ᭄ᬢ᭄ᬭᬫᬧᬓ᭄ᬦᬭᬶᬂᬲᬗ᭄ᬳ᭄ᬬᬂᬳᬖ᭄ᬦᬶ᭞ᬅᬃᬧᬶᬦᬓᬵᬦᬓ᭄ᬲᬂᬧᬯᬓᬵ᭞ᬲᬂᬧᬯᬫᬦ᭞ᬲᬂᬲᬸᬘᬶ᭞ᬦ᭄ᬳ᭄ᬬᬳᬶ᭠ᬗᬦᬶᬓᬵᬢᬶᬕᬵ᭞ᬦᬶᬳᬦᬶᬓᬂᬢᬾᬚᬵᬫᬸᬗ᭄ᬕᬸᬄᬭᬶᬂᬧ᭄ᬭᬢᬶᬯᬶ᭞ᬬᬧᬯᬓᬵᬗ[strike/]ᬭᬦ᭄ᬬ᭞ᬇᬓᬂ[/strike]ᬢᬾᬚᬵᬫᬸᬗ᭄ᬕ᭄ᬯᬶᬂᬳᬧᬄ᭞ᬬᬧᬯᬫᬦ
[᭔ 4A]
ᬗᬭᬦ᭄ᬬ᭞ᬇᬓᬂᬢᬾᬚᬵᬧᬶᬦᬓᬵᬢᬾᬚ᭞ᬲᬗ᭄ᬳ᭄ᬬᬂᬳᬦᬶᬢ᭄ᬬᬵ᭞ᬬᬲᬸᬘᬶᬗᬭᬦ᭄ᬬ᭛ᬇᬓᬂᬧᬯᬫᬦᬵᬕ᭄ᬦᬶ᭞ᬬᬢᬫᬓᬦᬓ᭄ᬢᬯ᭄ᬬᬯᬳᬦᬵ᭞ᬇᬳᬯ᭄ᬬᬯᬳᬦᬵ᭞ᬇᬓᬵᬢᬧᬶᬦᬓᬵᬧᬸᬬ᭄‌ᬦᬶᬂᬯᬢᭂᬓ᭄ᬤᬾᬯᬢ᭄ᬣᬵ᭞ᬇᬓᬂᬲᬸᬘᬶᬬᬢᬫᬓᬵᬦᬓ᭄ᬳᬯ᭄ᬬᬯᬳᬦᬵ᭞
ᬬᬢᬧᬶᬦᬓᬵᬧᬸᬬ᭄‌ᬦᬶᬂᬧᬶᬢᬺᬮᭀᬓᬵ᭞ᬇᬓᬂᬧᬯᬓᬵ᭞ᬫᬓᬦᬓ᭄ᬲᬂᬳᬭᬓ᭄ᬱ᭄ᬬ᭞ᬇᬳᬭᬓ᭄ᬱ᭄ᬬᬕ᭄ᬦᬶ᭞ᬬᬢᬧᬶᬦᬓᬵᬧᬸᬬ᭄‌ᬦᬶᬂᬤᬾᬢ᭄ᬬᬵᬤᬦᬯᬵ᭞ᬦᬳᬦ᭄ᬢᬫᬢᬂᬦ᭄ᬬᬢᬶᬕᬧ᭄ᬭᬢ᭄ᬬᬾᬓᬦᬶᬓᬵᬗᬕ᭄ᬦᬶ᭛ᬲᬂᬰ᭄ᬯᬤᬵ᭞ᬢᬶᬦᬶᬭᬶᬓ᭄ᬦᬶᬂᬲᬂᬧᬶᬢ᭄ᬭ᭞ᬫᬢᬦ᭄ᬬᬲ᭄ᬯᬳᬵ
ᬲ᭄ᬯᬤᬵᬫᬦ᭄ᬢ᭄ᬭᬓ᭄ᬦᬵᬭᬶᬂᬧᬶᬢᬺᬧᬸᬚᬵ᭞ᬅᬃᬧ᭄ᬧᬓᬦᬓ᭄ᬲᬂᬋᬢᬸ᭞ᬦᬳᬓ᭄‌ᬫ᭄ᬧᬸᬪᬕᬯᬦ᭄ᬤᬓ᭄ᬱᬇᬲᬂᬩ᭄ᬭᬳ᭄ᬫᬲᬶᬦ᭄᭛ᬫᬦ᭄ᬢ᭄ᬭᬶᬢ᭠ᬪᬕᬯᬦ᭄ᬤᬓ᭄ᬱᬵ᭞ᬇᬲᬗ᭄ᬕᬰᬶᬓ᭄ᬢᬶᬓᬶᬲᬭᬶᬓᬢᬓᬩᬾᬄ᭞ᬢᬶᬦᬭᬶᬫᬓ᭄ᬦᬶᬂᬪᬝᬭᬵᬤᬃᬫ᭄ᬫᬵ᭞᭛ᬦ᭄ᬤ᭄ᬬᬢᬳᬦᬓ᭄ᬲᬭᬶᬂᬓᬵᬲᭀᬯᬂᬲᭀ
ᬯᬂ᭞ᬲᬂᬚᬫᬶᬮᬶ᭞ᬫᬓᬦᬓ᭄ᬲᬂᬦᬯᬯᬶᬢᬶ᭞ᬇᬓᬂᬲᬶᬦᬗ᭄ᬕᬸᬄᬯᬶᬦ᭄ᬢᬂᬯᬸᬯᬸᬭ᭄᭞ᬮᬶᬂᬦᬶᬂᬮᭀᬓᬵ᭞ᬲᬂᬭᬹᬦ᭄ᬤᬢᬶ᭞ᬫᬓᬦᬓ᭄ᬧᬂᬭᬸᬤ᭄ᬯᬶᬦ᭄᭞ᬲᬂᬯᬶᬲ᭄ᬯᬵ᭞ᬫᬓᬦᬓ᭄ᬱᬂᬓᬺᬢᬸ᭞ᬲᬤᬶᬓ᭄ᬱ᭄ᬬᬵ᭞ᬲᬂᬲᬸᬢ᭞ᬲᬂᬲᬢ᭄ᬬ᭞ᬲᬂᬓᬮᬵ᭞ᬲᬂᬤᬸᬦᬶ᭞ᬲᬂᬓᬸᬭᬸᬯᬦ᭄᭞ᬲᬂᬭᭀᬤᬫᬵ᭞ᬦᬳᬦ᭄ᬢᬵᬦ᭠ [ 7 ][᭖ 6B]
᭖᭞
ᬓ᭄ᬱᬂᬯᬶᬰ᭄ᬯᬵ᭞ᬬᬲᬶᬦᬗ᭄ᬕᬸᬄᬤᬰᬵᬯᬶᬰ᭄ᬯᬗᬭᬦ᭄ᬬ᭞ᬲᬂᬯᬰᬸ᭞ᬫᬓᬦᬓ᭄ᬱᬂᬤᬭᬵ᭞ᬲᬂᬤ᭄ᬭᬸᬯ᭞ᬲᬂᬲᭀᬫ᭄ᬫᬵ᭞ᬲᬂᬗᬧᬄ᭞ᬲᬗᬦᬶᬮᬵ᭞ᬲᬂᬧ᭄ᬭᬢ᭄ᬭᬸᬱᬵ᭞ᬲᬂᬧ᭄ᬭᬪᬝ᭞ᬦᬳᬦ᭄ᬢᬦᬓ᭄ᬱᬂᬯᬰᬸ᭞ᬬᬢᬲᬶᬦᬗ᭄ᬕᬸᬄᬳᬱ᭄ᬝᬵᬪᬲᬸnᬕᬭᬦ᭄ᬬ᭞ᬲᬂᬤᬵᬭᬵ᭞ᬲᬶᬭᬫᬓᬦᬓ᭄ᬱᬂᬤᬺᬯᬶᬦᬵ᭞ᬲᬂᬳᬸᬃᬢ᭄ᬢ
ᬳᬯ᭄ᬬ᭞ᬲᬂᬭᬚᬄ᭛ᬲᬂᬤ᭄ᬭᬸᬯᬲᬶᬭᬫᬓᬦᬓ᭄‌ᬲᬂᬓᬮᬵ᭞ᬲᬂᬱᭀᬫᬵᬫᬦᬓ᭄ᬱᬂᬪᬹᬦᬵ᭞ᬲᬂᬯᬃᬢ᭄ᬣᬵ᭞ᬲᬂᬤᬢᭀᬫᬶᬓᬵ᭞ᬲᬂᬓᬲᬶᬮᬵ᭞ᬧᬢ᭄ᬳᬦᬓ᭄ᬧᬂᬲᭀᬫᬵ᭞ᬲᬂᬳᬧᬄ᭞ᬫᬓᬦᬓ᭄ᬱᬂᬯᬾᬓᬵᬡ᭄ᬟ᭄ᬬ᭞ᬲᬂᬕᬺᬯᬵ᭞ᬲᬂᬫᬦᬶ᭞ᬧᬢ᭄ᬳᬦᬓ᭄ᬱᬂᬕᬧᬄ᭞ᬲᬂᬗᬦ᭄ᬤᬮᬵ᭞ᬫᬓᬦᬓ᭄ᬱᬂᬧ᭄ᬭᬶ
ᬬᬩ᭄ᬭᬢ᭄ᬣᬵ᭞ᬲᬂᬓᬸᬫᬭᬵ᭞ᬲᬂᬗᬦᬶᬮᬵ᭞ᬫᬓᬲ᭄ᬢ᭄ᬭᬶᬲᬗᬲᬶᬯᬵ᭞ᬅᬃᬧ᭄ᬧᬓᬵᬦᬓ᭄ᬱᬂᬧᬸᬭᭀᬚᬯᬵ᭞ᬲᬂᬗᬯᬶᬚ᭄ᬜᬕᬢᬶ᭞ᬲᬂᬧ᭄ᬭᬯ᭄ᬬᬲᬵᬫᬓᬦᬓ᭄ᬱᬂᬤᬮᬵ᭞ᬲᬂ᭠ᬭᬪᬝ᭞ᬫᬓᬦᬓ᭄ᬱᬂᬯᬶᬰ᭄ᬯᬓᬃᬫ᭄ᬫᬵ᭞ᬦᬳᬦ᭄ᬢᬧᬸᬬᬸᬢ᭄᭞ᬪᬕᬯᬦ᭄ᬤᬓ᭄ᬱᬵᬇᬲᬗᬱ᭄ᬝᬵᬩᬤᬸ᭛ᬲᬂᬲᬤ᭄ᬬᬲᬶᬭᬵ
ᬢᬫᬓᬦᬓ᭄ᬱᬂᬘᬶᬦ᭄ᬢᬶ᭞ᬳᬬᬳᬗ᭄ᬲᬵ᭞ᬦᬭᬬᬦᬵ᭞ᬯᬶᬪᬹ᭞ᬧ᭄ᬭᬪ᭞ᬦᬳᬦ᭄ᬢᬵᬦᬓ᭄ᬱᬂᬲᬤ᭄ᬬ᭞ᬲᬂᬫᬭᬸᬤ᭄ᬯᬢᬶ᭞ᬫᬓᬦᬓ᭄ᬱᬂᬯ᭄ᬭᬱᬯᬶᬱᬫᬵ᭞ᬲᬂᬲᬗ᭄ᬓᬮ᭄ᬯᬵ᭞ᬲᬂᬫᬸᬳᬸᬃᬢ᭄ᬣᬵ᭞ᬫᬓᬦᬓ᭄ᬱᬂᬪᬦᬯᬵ᭞ᬲᬂᬮᬫ᭄ᬩᬵᬫᬓᬦᬓ᭄ᬲᬂᬕᭀᬱᬵ᭞ᬦᬳᬦ᭄ᬢᬧᬸᬢᬸᬪᬕᬯᬦ᭄ᬤᬓ᭄ᬱᬵᬇ
[᭗ 7A]
ᬪᬝᬭᬤᬃᬫ᭄ᬫᬵ᭛ᬅᬦᬢᬦᬓ᭄ᬩᬕᬯᬦ᭄ᬤᬓ᭄ᬱᬵ᭞ᬇᬲᬂᬗᬲᬶᬓ᭄ᬢᬶᬓᬶ᭞ᬫᬸᬯᬄ᭞ᬓᬦ᭄ᬬᬲ᭄ᬤᭂᬂᬗᬬᬸ᭞ᬬᬾᬓᬦᬓ᭄ᬱᬂᬢ᭄ᬭᬧᬶᬢᬸᬮᬶᬓᬸᬃᬓ᭄ᬯᬾᬄᬦ᭄ᬬ᭞ᬬᬢᬢᬶᬦᬭᬶᬫᬵᬓ᭄ᬦᬶᬂᬲᬗ᭄ᬳ᭄ᬬᬂᬯᬸᬮᬦ᭄᭞ᬧᬢᬸᬗ᭄ᬓᬮ᭄ᬢᬸᬗ᭄ᬕᬮᬦᬶᬂᬳᬭᬦᬶᬓᬵ᭞ᬳᬲ᭄ᬯᬶᬦᬶ᭞ᬪᬭᬦᬶ᭞ᬓ᭄ᬭᬢᬶᬓᬵ᭞ᬭᭀ᭠
ᬳᬶᬦᬶ᭞ᬫ᭄ᬭᬕᬲᬶᬭᬵ᭞ᬅᬤ᭄ᬭ᭞ᬳᭀᬯᬸᬃᬡ᭄ᬦᬯᬲᬸ᭞ᬳᭀᬧᬸᬱ᭄ᬬ᭞ᬅᬓ᭄ᬮᬾᬰᬵᬫᬖᬵ᭞ᬧᬸᬃᬯ᭄ᬯᬧᬮ᭄ᬕᬸᬡᬶ᭞ᬉᬢᬭᬨᬮ᭄ᬕᬸᬡᬶ᭞ᬳᬱ᭄ᬝᬵ᭞ᬘᬶᬢᬺ᭞ᬲ᭄ᬯᬢᬶ᭞ᬯᬶᬲᬓᬵ᭞ᬅᬦᬸᬭᬤᬵ᭞ᬤ᭄ᬬᬾᬰᬵᬫᬸᬮᬵ᭞ᬧᬸᬃᬯ᭄ᬯᬲᬤ᭄ᬤᬵ᭞ᬰ᭄ᬭᬯᬡ᭞ᬧᬸᬃᬯ᭄ᬯᬩᬤᬺᬯᬤᬵ᭞ᬭᬾᬣᬢᬶ᭞ᬉᬢᬭᬩᬤᬺᬯᬤᬵ
᭞ᬦᬳᬦ᭄ᬢᬂᬗᬦᬓ᭄ᬦᬶᬓᬓᬦ᭄ᬬᬧᬶᬢᬸᬮᬶᬓᬸᬃ᭞ᬧᬶᬦᬓᬲ᭄ᬢ᭄ᬭᬶᬲᬗ᭄ᬳ᭄ᬬᬂᬳᬸᬮᬦ᭄᭞ᬧᬢ᭄ᬗᭂᬭᬦ᭄ᬬᬦᬶᬳᬦ᭄᭞ᬬᬦ᭄ᬳᬦᬵᬯᬶᬦ᭄ᬢᬂᬓᬤᬶᬭᬱᬭᬧᬦ᭄ᬬ᭞ᬬᬾᬓᬵᬭᭀᬳᬶᬦᬶᬗᬭᬦ᭄ᬬ᭞ᬮᬶᬫᬯᬶᬦ᭄ᬢᬂᬦᬶᬓᬵ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬧᬭᬲ᭄ᬧᬭᬲ᭄‌ᬭᬸᬧᬦ᭄ᬬ᭞ᬬᬾᬓᬵᬓᬺᬢᬶ
ᬓᬵᬦᬭᬦ᭄ᬬ᭞ᬦᭂᬫ᭄ᬯᬶᬚᬶᬯᬶᬦ᭄ᬢᬂᬦᬶᬓᬵ᭞ᬬᬾᬦ᭄ᬳᬦᬯᬶᬦ᭄ᬢᬂᬓᬤᬶᬢᭂᬦ᭄ᬤᬲ᭄ᬦᬶᬂᬫ᭄ᬭᬕᬵᬭᬸᬧᬦ᭄ᬬ᭞ᬬᬾᬓᬵᬫ᭄ᬭᬕᬲᬶᬭᬵᬗᬭ᭠ᬦ᭄ᬬ᭞ᬢᬶᬕᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬗᬶᬦᬂᬯᬶᬦ᭄ᬢᬂᬲᬶᬦᬗ᭄ᬕᬸᬄᬢᭂᬦ᭄ᬤᬲ᭄ᬦᬶᬂᬯᬸᬓ᭄ᬤᬫᬮᬸᬂ᭞ᬮᬶᬦᬶᬂᬮᭀᬓᭀᬬᬾᬓᬵᬧᬸᬱ᭄ᬬᬵᬗᬭᬦ᭄ᬬ᭞ᬳᬦᬵ [ 8 ][᭗ 7B]
᭗᭞
ᬢᬯᬶᬦ᭄ᬢᬂᬓᬤᬶᬮᬶᬬᬦ᭄᭞ᬭᬸᬧᬦ᭄ᬬ᭞ᬅᬦᬵᬢᬯᬶᬦ᭄ᬢᬂᬳᬶᬢ᭄ᬗᬄᬦ᭄ᬬ᭞ᬬᬾᬓᬵᬳᬤᬺᬗᬭᬦ᭄ᬬ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬳᬓ᭄ᬱᬭᬭᬸᬧᬦ᭄ᬬ᭞ᬬᬾᬓᬵᬪᬭᬦᬶᬂᬗᬭᬦ᭄ᬬ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬘᬢᬸᬭᬰ᭄ᬭᬭᬸᬧᬦ᭄ᬬ᭞ᬬᬾᬓᬵᬳᬲ᭄ᬯᬶᬡᬶᬗᬭᬦ᭄ᬬ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬧᬭ
ᬯᬸᬭᬸᬧᬦ᭄ᬬ᭞ᬳᬶᬓᬵᬲᬶᬦᬗ᭄ᬕᬸᬄᬮᬜ᭄ᬘᬂᬲᬶᬯᬤ᭄ᬯᬦ᭄᭞ᬗᬭᬦ᭄ᬬ᭞ᬬᬾᬓᬵᬧᬸᬃᬡ᭄ᬦᬵᬯᬰᬸ᭞ᬗᬭᬦ᭄ᬬ᭞ᬦᭂᬫ᭄ᬯᬶᬚᬶᬯᬶᬦ᭄ᬢᬂᬦᬶᬓᬵ᭞ᬓ᭄ᬗ᭄ᬯᬦ᭄‌ᬘᬡ᭄ᬤᬂᬮᬶᬂᬦᬶᬂᬮᭀᬓᬵ᭞ᬫᬕᬵᬳᬭᬦ᭄ᬬ᭞ᬮᬶᬫᬂᬯᬶᬚᬶᬯᬶᬦ᭄ᬢᬂᬳᬶᬓᬵ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬳᬱ᭄ᬝᬵ᭞ᬭᬸᬧᬦ᭄ᬬ᭞ᬬᬾᬓᬵᬱᬢᬗᬭᬦ᭄ᬬ᭠
᭞ᬦ᭄ᬫᬂᬯᬶᬚᬶᬯᬶᬦ᭄ᬢᬂᬳᬶᬓᬵ᭞ᬓᬸᬦᬂᬲᬶᬦᬗ᭄ᬕᬸᬄᬯᬗᬸᬦ᭄ᬯᬗᬸᬦᬦ᭄ᬲᬮᬳᬸᬓᬸᬃ᭞ᬮᬶᬂᬦᬶᬂᬳᭀᬓᬵ᭞ᬬᬾᬓᬵᬯᬶᬲᬓᬵ᭞ᬗᬭᬦ᭄ᬬ᭞ᬧᬢ᭄ᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬳᬶᬓᬂᬯᬶᬦ᭄ᬢᬂᬘᬶᬢ᭄ᬭᬗᬭᬦ᭄ᬬ᭞ᬮᬯᬦᬶᬓᬂᬲ᭄ᬯᬢᬶ᭞ᬢᬸᬗ᭄ᬕᬮ᭄ᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬢᬗ᭄ᬕᬸᬗᬦ᭄‌ᬢ᭄ᬭᬸᬮᬶᬦᬶᬂᬮᭀ᭠
ᬓᬵ᭞ᬬᬾᬓᬵᬳᬸᬢᬭᬨᬮ᭄ᬕᬸᬡᬶᬦᬭᬦ᭄ᬬ᭞ᬢᬶᬕᬵᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬳᬶᬓᬂᬯᬶᬦ᭄ᬢᬂᬓᬤᬶᬳ᭄ᬥᬸᬓ᭄ᬢᬶᬦᬫ᭄ᬗᬸᬦ᭄‌ᬮᬶᬦᬶᬂᬮᭀᬓᬵ᭞᭠ᬬᬾᬓᬵᬧᬸᬃᬯ᭄ᬯᬨᬮ᭄ᬕᬸᬡᬶᬗᬭᬦ᭄ᬬ᭞ᬦ᭄ᬫᬂᬯᬶᬚᬶᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬇᬓᬂᬳᬦᬸᬭᬤᬵ᭞ᬧᬢ᭄ᬯᬶᬦ᭄ᬢᬂᬦᬶᬓᬵ᭞ᬓᬤᬶᬘᬢᬸᬭᬰ᭄ᬭᬭᬸᬧᬦ᭄ᬬ᭞ᬇ
[᭘ 8A]
ᬓᬂᬳᬶᬂᬢ᭄ᬗᬄᬯᬶᬦ᭄ᬢᬂᬢ᭄ᬮᬸᬂᬯᬶᬚᬶ᭞ᬬᬧᬩᬾᬤᬦ᭄ᬬᬲᬓᬾᬭᬶᬓᬂᬧᬸᬃᬯ᭄ᬯᬓᬵ᭞ᬬᬾᬓᬵᬚ᭄ᬬᭀᬱ᭄ᬝᬗᬭᬦ᭄ᬬ᭞ᬓᬸᬦᬂᬳᬶᬓᬂᬲᬶᬦᭂᬗ᭄ᬕᬸᬄᬲᬗ᭄ᬓᬮ᭄᭞ᬢᬶᬓᭂᬮᬶᬂᬦᬶᬂᬮᭀᬓᬵ᭞ᬬᬾᬓᬵᬫᬸᬮᬗᬭᬦ᭄ᬬ᭞ᬮᬶᬫᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬧᬲᬳᬶᬳᬓᬸᬲᬸ᭞ᬬᬾᬮᬵᬧᬸᬃᬯ᭄ᬯᬲᬤ᭄ᬤᬵᬗᬭᬦ᭄ᬬ
᭞ᬓᬸᬦᬂᬗᬶᬓᬂᬓᬤᬶᬢᬸᬗ᭄ᬕ᭄ᬬᬂᬭᬸᬧᬦ᭄ᬬ᭞ᬬᬾᬓᬵᬲᬢᬪᬶᬱᬗᬭᬦ᭄ᬬ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬧᬸᬃᬯ᭄ᬯᬩᬤᬺᬯᬤ᭄ᬤᬵ᭞ᬉᬢᬭᬵᬩᬤᬺᬯᬤ᭄ᬤ᭞ᬧᬤᬧᬢ᭄‌ᬯᬶᬦ᭄ᬢᬂᬦᬶᬓᬵ᭞ᬲᬧᬶᬦᬓᬤᬶᬘᬢᬸᬭᬵᬰ᭄ᬭᬭᬸᬧᬦ᭄ᬬ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬧᬸᬬᬸᬳᬢᬭᬸᬂᬮᬶᬂᬦᬶᬂᬮᭀᬓᬵ᭞ᬬᬾᬓᬵᬭᬾᬯᬢᬶᬗᬭᬦ᭄ᬬ᭞
ᬮᬶᬫᬵᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬦᬶᬓᬂᬓᬦᬶᬢ᭄ᬭᬶᬰᬸᬮᬵᬭᬸᬧᬦ᭄ᬬ᭞ᬬᬾᬓᬵᬰ᭄ᬭᬯᬡ᭄ᬦᬗᬭᬦ᭄ᬬ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬓᬤᬶᬫᬶᬦᬵᬭᬸᬧᬦ᭄ᬬ᭞ᬬᬾ᭠ᬓᬵᬯᬦᬶᬱ᭄ᬝᬗᬭᬦ᭄ᬬ᭞ᬦᬳᬦ᭄ᬢᬧᬢ᭄ᬗᭂᬭᬦ᭄ᬬᬦᬓ᭄ᬱᬢᬺᬧᬶᬢᬸᬮᬶᬓᬸᬃᬓ᭄ᬯᬾᬄᬦ᭄ᬬ᭞ᬓᬸᬦᬂᬳᬶᬓᬂᬯᬶᬦ᭄ᬢᬂᬯᬸᬯᬸᬃ᭞ᬮᬶᬂᬦᬶᬂᬮᭀᬓᬵ᭞ᬬᬾᬓᬵᬳᬵᬲᬸᬭᬵ
ᬦᬦᬶᬗᬭᬦ᭄ᬬ᭞ᬮ᭄ᬯᬄᬭᬶᬂᬓᬤᬾᬯᬢᬦ᭄᭞ᬧᬢᬶᬃᬢ᭄ᬣᬦ᭄ᬲᬂᬲᬧ᭄ᬢᬋᬱᬶ᭞ᬅᬓ᭄ᬯᬾᬄᬯᬶᬦ᭄ᬢᬂᬮᬾᬦ᭄ᬲᬓᬾᬭᬶᬓᬵ᭞ᬫᬓᬤᬶᬯᬶᬦ᭄ᬢᬂᬲᬂᬲᬧ᭄ᬢᬵᬋᬱᬶ᭞ᬫ᭄ᬯᬂᬲᬓ᭄ᬯᬾᬄᬦᬶᬭᬵᬲᬂᬲᬶᬤᬬᭀᬕᬶᬰ᭄ᬯᬭᬵ᭞ᬗᬸᬦᬶᬯᬾᬄᬲᬂᬲᬧ᭄ᬢᬕ᭄ᬭᬳᬵ᭞ᬲᬓ᭄ᬭᬧ᭄ᬭᬪ᭄ᬭᬢᬶ᭞ᬫ᭄ᬯᬂᬰ᭄ᬯᬃᬖ᭄ᬕᬵᬦᬶᬓᬵᬲᬂᬫᬤᬃᬫ᭄ᬫᬵ [ 9 ][᭘ 8B]
᭘᭞
ᬲᬂᬫᬧᬸᬦ᭄ᬬᬭᬶᬂᬫᬤ᭄ᬬᬧᬤᬵ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬳᬦᬸᬮᬭ᭄᭞ᬮᬶᬦᬶᬂᬮᭀᬓᬵ᭞ᬯᬶᬦ᭄ᬢᬂᬢᬸᬫᬸᬭᬸᬦ᭄ᬫᬂᬚᬦ᭄ᬫᬵᬓᬮᬶᬂᬗᬦᬶᬓᬵ᭞ᬳᭂᬦ᭄ᬢᬶᬧᬮᬦᬶᬂᬕᬯᬾᬦ᭄ᬬᬳᬬᬸ᭞᭛ᬤᬺᬤᬵᬯᬘ᭞ᬫᬢᬓ᭄ᬯᬦ᭄ᬲᬂᬤᬺᬤᬵᬲ᭄ᬬᬸᬫ᭄ᬯᬄᬮᬶᬂᬦᬶᬭᬵ᭛ᬓᬾᬦᬦᬶᬭᬬᬮᭀᬓᬾᬯ᭞ᬯᬲᬄᬲ᭄ᬯᬮᭀ
ᬓᬫᬕᬢᬄ᭞ᬲᬓ᭄ᬱ᭄ᬬᬾᬧᬾᬦᬬᬢᬧ᭄ᬭᭀᬓ᭄ᬢᬫ᭄᭞ᬢᬢ᭄ᬯᬢᬄᬢᬢ᭄ᬯᬫᬾᬯᬘ᭛ᬲᬚ᭄ᬜᬳ᭄ᬬᬂᬫᬫᬶ᭞ᬦ᭄ᬤ᭄ᬬᬓᬭᬶᬦᬶᬫᬶᬢᬦᬶᬗ᭄ᬯᬂᬳᬸᬫᬗ᭄ᬕᬶᬄᬳᬓ᭄ᬦᬵᬦᬭᬓᬵ᭞ᬮᬯᬦ᭄ᬱ᭄ᬯᬃᬖ᭄ᬕᬵ᭞ᬓᬰᬶᬳᬦᬵᬭᬓᬓ᭄ᬳ᭄ᬬᬂᬫᬫᬶ᭞ᬯᬭᬳᭂᬦ᭄ᬭᬶᬂᬫᬃᬕ᭄ᬕᬵᬦᬶᬧ᭄ᬯᬗ᭄ᬳᬸᬮᬸᬦ᭄᭞ᬉᬯᬘ᭞ᬲᬸᬫᬯᬸᬃᬪᬝᬭᬕ
ᬲ᭄ᬢ᭄ᬬ᭞ᬮᬶᬂᬦᬶᬭᬵ᭛ᬓᬬᬶᬓᬄᬯᬘᬶᬓᬰ᭄ᬘᬾᬯᬵ᭞ᬚ᭄ᬜᬡᬫᬾᬯᬢᬢᬾᬯᬲ᭞ᬦᬵᬭᬓᬦᬫ᭄‌ᬦᬫᬶᬢᬢ᭄ᬯᬶᬫ᭄᭞ᬲ᭄ᬯᬃᬕ᭄ᬕᬵᬲᭀᬧᬦᬵᬫᬾᬯᬘ᭛ᬓᬮᬶᬗᬦ᭄ᬬ᭞ᬢᬶᬕᬵᬧ᭄ᬭᬢ᭄ᬬᬾᬓᬦᬶᬓᬵᬫᬦᬸᬳᬸᬳᬓᭂᬦ᭄‌ᬰ᭄ᬯᬃᬖ᭄ᬕᬵᬫ᭄ᬯᬂᬦᬭᬓᬵ᭞ᬉᬮᬄ᭞ᬲᬩ᭄ᬤᬵ᭞ᬅᬫ᭄ᬩᭂᬓ᭄᭞ᬇᬓᬢᬫᬓ
ᬦᬶᬱ᭄ᬝᬵᬫᬤ᭄ᬬᬫᭀᬢᬫ᭄ᬫᬵ᭞ᬍᬯᬶᬄᬨᬮᬵᬦᬶᬓᬂᬰᬩ᭄ᬤᬵ᭞ᬲᬓᬾᬂᬗᬸᬮᬄ᭞ᬍᬯᬶᬄᬧᬳᬦᬶᬓᬵᬗᬫ᭄ᬩᭂᬓ᭄ᬲᬓᬾᬂᬲᬩ᭄ᬥᭂ᭞ᬳᬦᬧ᭄ᬯᬯ᭄ᬯᬂᬫᬲᬫᬕ᭄ᬭᬶᬤᬾᬦ᭄ᬬᬕᬸᬫᬯᬬᬓᭂᬦ᭄ᬇᬓᬂᬓᬤᬸᬱ᭄ᬝᬵᬓᬃᬫ᭄ᬫᬦ᭄᭞ᬢ᭄ᬓᬾᬂᬲᬶᬮᬦ᭄ᬬᬢᬦ᭄ᬭᬳᬬᬸ᭞ᬢ᭄ᬓᬾᬂᬯᬸᬯᬸᬲ᭄ᬦ᭄ᬬᬢᬦ᭄ᬭᬳᬬᬸ᭞ᬗᬸᬦᬶ᭠
[᭙ 9A]
ᬯᬾᬄᬳᬫ᭄ᬩᭂᬓ᭄ᬦ᭄ᬬᬢᬦ᭄ᬭᬳᬬᬸ᭞ᬳᬕᭂᬂᬳᬶᬓᬂᬓᬧᬧᬦ᭄ᬢᬶᬦ᭄ᬫᬸᬦ᭄ᬬ᭞ᬩ᭄ᬭᬳ᭄ᬫᬡ᭄ᬥᭂᬦᬭᬱ᭄ᬝᬶᬡᬲᬤ᭄ᬭᬱᬵ᭞ᬓᬤᬶᬩ᭄ᬬᬢ᭄ᬦᬶᬂᬩ᭄ᬭᬳ᭄ᬫᬵᬦ᭄ᬤᭂᬧ᭄ᬯᬮᭀᬦ᭄ᬬ᭞ᬲᬫᬗ᭄ᬓᬦᬵᬩ᭄ᬬᬢ᭄ᬦᬶᬂᬧᬧᬦ᭄ᬬ᭞ᬳᬸᬧᬧᬓ᭄ᬱᬡᬵᬢᬶᬓᬵᬢ᭄ᬓᬭᬶᬂᬗ᭄ᬯᬗᬕᬯᬾᬳᬬᬸ᭞ᬓ᭄ᬭᬫᬦ᭄ᬬᬦ᭄ᬧᬢᬭᬢᬫ᭄ᬦ᭄ᬬᬦᬶᬳᬦ᭄᭛ᬲᬭᬶᬭ
ᬚᬄᬓᬃᬫ᭄ᬫᬵᬤᭀᬰᬵ᭞ᬬᬢᬶᬢᬲ᭄ᬯᬯᬭᬢᬫ᭄ᬦᬭᬄ᭞ᬯᬘᬶᬓᬾᬄᬧᬓ᭄ᬱᬶᬫᬺᬕᬢᬫ᭄᭞ᬫᬦᬲᬾᬭᬦ᭄ᬢ᭄ᬬᬚᬢ᭄ᬬᬢᬶ᭛ᬓᬮᬶᬗᬦ᭄ᬬ᭞ᬬᬦ᭄ᬳᬦᬵᬯ᭄ᬯᬂᬲᬧ᭄ᬯᬮᬄᬦ᭄ᬬᬚᬸᬕᬵᬦᬳᬮᬵ᭞ᬫᬗ᭄ᬤᬾᬮᬭᬦᬶᬂᬯ᭄ᬯᬂᬫᬸᬮᬢ᭄᭞ᬦ᭄ᬤᬢᬦ᭄ᬬᬓᬧᬸᬃᬯ᭄ᬯᬓᬵᬤᬸᬱ᭄ᬝᬵᬯᬲᬶᬓᬵ᭞ᬫ᭄ᬯᬗᬶᬓᬂᬓᬤᬸᬱ᭄ᬝᬵ
ᬫᬓᬲᬶᬓᬵ᭞ᬢᬸᬳᬸᬦ᭄ᬢᬦ᭄ᬯ᭄ᬭᬸᬳᬶᬂᬲᬶᬮᬵᬚᬸᬕᬬᬵ᭞ᬫᬢᬶᬧ᭄ᬯᬬᬦ᭄ᬮᬳᬵ᭞ᬫᬢ᭄ᬫᬳᬦ᭄ᬢᬬᬲ᭄ᬣᬯᬭᬵ᭞ᬓᬬᬸᬓᬬᬸ᭞ᬓᬸᬦᬂᬗᬶᬓᬂᬯ᭄ᬯᬂᬦᬶᬱ᭄ᬢᬸᬭᬵᬪᬶᬲᬢᬵ᭞ᬢᬦ᭄ᬯ᭄ᬭᬸᬄᬭᬶᬂᬧᬭᬶᬩᬱᬵ᭞ᬦ᭄ᬤᬢᬦ᭄ᬯ᭄ᬭᬸᬄᬭᬶᬂᬲᬶᬮᬵ᭞ᬦ᭄ᬤᬢᬦ᭄ᬧᬓᬧᬸᬃᬯᬓᬵᬤᬸᬱ᭄ᬝᬵᬚ᭄ᬜᬦᬦ᭄᭞ᬲᬩᬭᬶᬦ᭄ᬬᬦ᭄ᬧᭀᬚᬃᬚᬸᬕᬾᬓᬶ
ᬦ᭄ᬧᬫᬸᬳᬭᬓᬃᬡ᭄ᬦᬰᬸᬮᬵᬭᬶᬂᬯ᭄ᬯᬂᬳᬋᬗᬵ᭞ᬫᬢᬶᬧ᭄ᬯᬤ᭄ᬮᬳᬵ᭞ᬬᬢᬶᬓᬵᬢ᭄ᬫᬳᬦ᭄ᬫ᭄ᬭᬕᬵᬧᬓ᭄ᬱᬶᬚᬦ᭄ᬫᬵᬦ᭄ᬬ᭞ᬓᬸᬦᬂᬗᬶᬓᬂᬯ᭄ᬯᬂᬢᬦ᭄ᬧᬘᬶᬢ᭄ᬣᬵᬭᬳᬬᬸ᭞ᬓᬾᬯᬮᬇᬃᬱ᭄ᬬ᭞ᬓ᭄ᬭᭀᬤ᭄ᬤᬵ᭞ᬮᭀᬪᬵ᭞ᬧᬶᬦᬓᬵᬚ᭄ᬜᬦᬦ᭄᭞ᬲᬭᬶᬲᬭᬶ᭞ᬧᬸᬢᭂᬓ᭄ᬤᬍᬫ᭄ᬧᬸᬂᬓ᭄ᬮᬶᬢᬶᬳᬢᬶᬦ᭄ᬬ᭞ᬫ [ 10 ][᭙ 9B]
᭙᭞
ᬢᬶᬧ᭄ᬯᬬᬤ᭄ᬮᬳᬵ᭞ᬬᬢᬓᬦᬶᬫ᭄ᬮᬾᬘᬵ᭞ᬍᬯᬶᬄᬧᬧᬦ᭄ᬬ᭞ᬲᬓᬭᬶᬓᬂᬫᬢ᭄ᬫᬳᬦ᭄ᬓᬬᬸᬓᬬᬸ᭞ᬅᬧᬦᬾᬯᭂᬄᬮᬶᬦ᭄ᬧᬧᬓᭂᬦ᭄ᬇᬓᬂᬫ᭄ᬮᬾᬘᬵ᭞ᬗᬭᬦ᭄ᬬ᭞ᬓᬸᬦᬂᬳᬶᬓᬂᬓᬬᬸᬓᬬᬸ᭞ᬫ᭄ᬯᬂᬲᬢ᭄ᬯᬵ᭞ᬏᬫᬦ᭄ᬳᬶᬓᬵᬮᬶᬦ᭄ᬧᬲᬓᭂᬦ᭄᭞ᬦᬳᬦ᭄ᬢᬓ᭄ᬭᬫᬦ᭄ᬬᬦ᭄ᬧᬓᬦᬶᬱ᭄ᬝᬵᬫᬤ᭄ᬬ
ᬫᭀᬢᬫ᭄ᬫᭀ᭞ᬇᬓᬂᬓᬬᬶᬓᬵ᭞ᬯᬘᬶᬓᬵ᭞ᬫᬦᬘᬶᬓᬵ᭛ᬦᬶᬳᬦ᭄ᬢᬧᬚᬃᬭᬗ᭄ᬓ᭄ᬯᬯᬦᬾᬄ᭞ᬇᬓᬂᬯ᭄ᬯᬂᬳᬸᬢᬵ᭞ᬫᬗ᭄ᬓᬾᬲᬶᬳᬜᬗᬸᬦᬶ᭞ᬭᬶᬂᬧᬸᬃᬯ᭄ᬯᬚᬦ᭄ᬫᬵᬦ᭄ᬬ᭛ᬤᬃᬫ᭄ᬫᬵᬲᬶᬮᬵᬫ᭄ᬦᬭᬮᭀᬓᬤᬺᬱ᭄ᬝᬦᬾᬘ᭄ᬘᬦ᭄ᬢᬶᬓᬢᬭᬄ᭞ᬫ᭄ᬭᬾᬢ᭄ᬬᬾᬪᬹᬢ᭄ᬬᬯᬘᬓ᭄ᬱ᭄ᬬᬘ᭄ᬬᬢ᭄᭞ᬫᬳ
ᬭᭀᬭᬯᬲᬫ᭄ᬩᬸᬯ᭛ᬓᬮᬶᬗᬦ᭄ᬬ᭞ᬬᬦ᭄ᬧᬦᭀᬦ᭄᭞ᬬᬯ᭄ᬯᬂᬲᬸᬩ᭄ᬭᬢ᭄ᬣᬵ᭞ᬲᬸᬲᬶᬮᬵ᭞ᬯ᭄ᬯᬂᬤᬢ᭄ᬣᬵ᭞ᬧ᭄ᬭᬶᬳᬢᬶᬦ᭄ᬫᬦᬄᬦ᭄ᬬᬦ᭄ᬯᬸᬮᬢᬶᬭᬶᬓᬵ᭞ᬓᬸᬦᬂᬬᬦ᭄ᬧᬦᭀᬦ᭄‌ᬯ᭄ᬯᬂᬗᬧ᭄ᬭᬧ᭄‌ᬫᬂᬤᭂᬤᭂᬮ᭄‌ᬫᬤᬦ᭄ᬤᭂᬯᬾᬄᬮᬭᬫ᭄ᬩᭂᬓ᭄᭞ᬲᬸᬓᬵᬫᬦᬄᬦ᭄ᬬᬦ᭄‌ᬯᬸᬮᬢᬶᬭᬶᬓᬵ᭞ᬇᬓᬵᬢᬲᬶ
ᬮᬦ᭄ᬬᬯ᭄ᬯᬂᬫᬗ᭄ᬓᬦᬵ᭞ᬬᬳᬾᬢᬸᬦ᭄ᬬᬦ᭄ᬧᬂᬚᬦ᭄ᬫᬵᬯᬸᬯᬵ᭞ᬳᬧᬦ᭄ᬤᭀᬦᬶᬂᬫᬢᬵᬳᬶᬦᬦᬓᬶᬦ᭄ᬤᬾᬪᬝᬭᬵ᭞ᬫᬦᭀᬦᬲᬶᬮᬵᬭᬳᬬᬸ᭞ᬢᬸᬫᬶᬗ᭄ᬳᬮᬶᬂᬲᬲ᭄ᬢ᭄ᬭᬵ᭞ᬕᬸᬡ᭄ᬦ᭄ᬦ᭛ᬓᬸᬦᬂᬳᬶᬓᬂᬩᬶᬲᬸ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭛ᬦᬯᬘᬢᬶᬯᬵᬮ᭄ᬬᬢᬸᬬᬢ᭄᭞ᬤᬸᬃᬯ᭄ᬯ
[᭑᭐ 10A]
ᬘ᭄ᬬᬧ᭄‌ᬯᬤᬬᬾᬦᬭᬄ᭞ᬫ᭄ᬭᬱ᭄ᬢᬧ᭄ᬭᬧ᭄ᬦᬸᬬᬢ᭄ᬫᬓ᭄ᬧ᭄ᬬᬢ᭄᭞ᬢᬲ᭄ᬫᬢ᭄ᬧᬧᭀᬫᬳᬶᬢᬮᬾ᭞᭛ᬓᬮᬶᬗᬦ᭄ᬬᬳᬦᬳᬸᬚᬃᬬᭀᬕ᭄ᬬᬋᬗᭂᬦ᭄ᬤᬾᬦᬶᬂᬮᭀᬓᬵᬫ᭄ᬧᬋᬫ᭄ᬧᬭᬵ᭞ᬦ᭄ᬤᬵᬢᬦᬗ᭄ᬰᬬᬵᬫᬸᬚᬃᬭᬓ᭄ᬦᬵᬇᬓᬵ᭞ᬫᭀᬕᬵᬢᬸᬦᬳᬶᬢ᭄ᬦ᭄ᬬᬵᬧᬗᬸᬚᬭᬓᭂᬦᬶᬓᬂᬳᬸ᭠
ᬚᬃᬬᬸᬓ᭄ᬢᬶ᭞ᬓᬸᬦᬂᬬᬦ᭄ᬧᬗᬸᬚᬭᬓᭂᬦ᭄ᬢᬦ᭄‌ᬬᭀᬕ᭄ᬬᬋᬗᬵᬦᬾᬦᬶᬂᬭᬢ᭄᭞ᬯᬶᬤᬕ᭄ᬤᬬᬗᬸᬚᬭᬓ᭄ᬦᬶᬓᬵ᭞ᬇᬓᬵᬢᬲᬶᬮᬦᬶᬓᬂᬯᬂᬫᬗ᭄ᬓᬦᬵ᭞ᬏᬢᬸᬦ᭄ᬬᬦ᭄ᬲᬂᬚᬦ᭄ᬫᬵᬩᬶᬲᬸ᭞ᬳᬧᬦ᭄ᬲᬤᬦᬦᬶᬂᬫᬸᬚᬃᬭᬓᭂᬦ᭄᭞ᬥᬃᬫ᭄ᬫᬵᬇᬓᬂᬭᬱᬾᬦ᭄ᬤ᭄ᬭᬶᬬᬵ᭞ᬤᭀᬦᬶᬢᬸᬢᬸᬓ᭄ᬳᬶᬦ᭠
ᬦᬓᭂᬦ᭄ᬤᬾᬪᬝᬭ᭛ᬓᬸᬦᬂᬳᬶᬓᬂᬢᬸᬮᬶ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭛ᬰ᭄ᬭᬯᬦ᭄ᬬᬫ᭄‌ᬬᬤᬯᬓ᭄ᬬᬫ᭄᭞ᬰ᭄ᬭᭀᬢᬸᬦ᭄ᬢᬾᬘ᭄ᬘᬢᬶᬧᭀᬦᬭᬄ᭞ᬫᬺᬢᬲ᭄ᬢᬸᬧᬵᬧ᭄ᬦᬸᬬᬢ᭄ᬓᬰ᭄ᬘᬶᬢ᭄᭞ᬯᬤᬃᬫ᭄ᬫᬬ᭄ᬬᬫ᭄‌ᬮᭀᬦᬶᬦ᭄ᬤᬶᬢᬄ᭛ᬓᬮᬶᬗᬦ᭄ᬬ᭞ᬳᬦᬵᬳᬸᬚᬃᬬᭀᬕ᭄ᬯᬵ
ᬳᬶᬤᭂᬧᭂᬦ᭄᭞ᬳᬶᬢᬯᬲᬡᬫ᭄ᬯᬂᬧᬶᬢᬸᬢᬸᬃᬲᬂᬧᬡ᭄ᬟᬶᬢ᭄ᬣᬵ᭞ᬢᬶᬦᬸᬓᬸᬧ᭄ᬦ᭄ᬬᬬᬮᬶᬂᬗᬦ᭄ᬬᬦ᭄ᬲᬂᬗᬺᬗᭂᬳᬶᬓᬵ᭞ᬓᬤᬶᬲᬶᬦᬸᬮᬳᬶᬤᭂᬧ᭄ᬦ᭄ᬬᬧᬂᬋᬗᭂᬫᬗ᭄ᬓᬦᬵ᭞ᬓᬸᬦᬂᬬᬦᬸᬚᬃᬭᬳᬮᬵ᭞ᬫ᭄ᬯᬂᬓᭀᬘᬧᬦᬶᬂᬮᬾᬦ᭄᭞ᬉᬫ᭄ᬧᭂᬢ᭄ᬮᬯᬦ᭄ᬯᬤᬸᬮ᭄ᬯᬤᬸᬮ᭄᭞ᬢᬮᬶᬗ [ 11 ][᭑᭐ 10B]
᭑᭐᭞
ᬓᬶᬦ᭄ᬢᬄ᭞ᬬᬾᬭᬶᬓᬵ᭞ᬫᬾᬖ᭄ᬕᬵᬫᬾᬤᬵ᭞ᬏᬓᬵᬰ᭄ᬭᬯ᭄ᬬᬬᬦ᭄ᬫᬗ᭄ᬓᬦᬵ᭞ᬏᬢᬸᬦ᭄ᬬᬦ᭄ᬧᬂᬚᬦ᭄ᬫᬵᬢᬸᬮᬶ᭞ᬅᬧᬦ᭄ᬲᬤᬦᬶᬂᬲᬸᬫ᭄ᬗᬵᬯᬭᬄᬯᬭᬄ᭞ᬲᬂᬧᬡ᭄ᬤᬶᬢ᭄ᬣᬵ᭞ᬤᭀᬦᬶᬂᬢᬮᬶᬗᬳᬶᬦᬦᬓᭂᬦ᭄ᬤᬾᬪᬝᬭ᭛ᬓᬸᬦᬂᬳᬶᬓᬂᬮᬸᬫ᭄ᬲᬸᬄ᭞ᬫᬗ᭄ᬓᬾᬲᬶᬮᬦᬶᬓᬵᬗᬸ᭠
ᬦᬶ᭛ᬬᬤᬃᬫ᭄ᬫᬵᬦᬶᬫ᭄‌ᬤᬸᬱ᭄ᬝᬬᬾᬢ᭄ᬮᭀᬓᬾ᭞ᬯᬾᬕᬾᬦᬵᬢᬺᬢ᭄ᬢᬵᬓᬃᬫ᭄ᬫᬤᬵ᭞ᬫ᭄ᬭᬢᬲ᭄ᬢᬸᬧ᭄ᬭᬵᬧ᭄ᬦ᭄ᬬᬬᬢ᭄ᬓᬰ᭄ᬘᬶᬢ᭄᭞ᬧᬗ᭄ᬕᬸᬢ᭄ᬯᬫᬳᬶᬦᬤᬸᬓᬶᬢ᭛ᬓᬮᬶᬂᬗᬦ᭄ᬬ᭞ᬅᬕᬼᬫᬦᬬᬓᭂᬦ᭄‌ᬤᬃᬫ᭄ᬫᬵᬇᬓᬵᬗᬸᬦᬶ᭞ᬮᬶᬦ᭄ᬧᬢᬦ᭄ᬧᬤᭀᬦ᭄‌ᬢ᭄ᬓᬗᬧᬸᬦ᭄ᬬ᭞ᬲᬧᬵ
ᬢ᭄ᬭᬸᬄᬭᬶᬂᬤᬮᬦᬶᬓᬵ᭞ᬦᬶᬳᬦ᭄ᬢᬂᬕᬯᬾᬯᬲ᭄ᬧᬤᬵ᭞ᬇᬮᬸᬗᬢᬗᬮᬧ᭄‌ᬤᬺᬯ᭄ᬬᬦ᭄ᬬᬲᬶᬬᬦᬸ᭞ᬢᬸᬫᬸᬮᬸᬬ᭄‌ᬩ᭄ᬬᬓ᭄ᬢᬨᬮᬵᬦᬶᬓᬵ᭞ᬧᬢᬶᬧᬢ᭄ᬬᬲᬶᬢᬶᬯᬲ᭄᭞ᬇᬓᬵᬢᬯ᭄ᬯᬂᬫᬗ᭄ᬓᬦᬵᬲᬶᬮᬦ᭄ᬬ᭞ᬳᬾᬢᬸᬦ᭄ᬬᬦ᭄ᬧᬂᬚᬦ᭄ᬓᬵᬮᬸᬫ᭄ᬧᬸᬄ᭞ᬅᬧᬦ᭄ᬤᭀᬦᬶᬂᬓᬲᬶᬓ᭄ᬢᬶᬦ᭄᭞
ᬲᬤᬦᬵᬭᬶᬂᬓᬵᬕᬯᬬᬦᬶᬂᬤᬃᬫ᭄ᬫᬵᬧᬓ᭄ᬦᬦ᭄ᬬᬤᬾᬪᬝᬭᬵ᭞᭛ᬦᬶᬳᬦ᭄ᬢᬮᬶᬗᬦᬸᬶᬦ᭄ᬤ᭄ᬯᬯᬦᬾᬄ᭞ᬇᬓᬂᬯᬸᬤᬸᬕ᭄᭞ᬭᬶᬂᬫᬃᬯ᭄ᬧᬮᭀᬓᬵ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭛ᬤᬸᬰ᭄ᬘᬬ᭄ᬬᬫ᭄‌ᬕᬸᬭᬸᬢᬫ᭄ᬧᬓᬾ᭞ᬕᬸᬭᬸᬢᬫ᭄ᬧᬓᬾᬳᬶᬓᬵᬗᬸᬦᬶᬭᬶᬂᬧᬸᬃᬯ᭄ᬯᬚᬦ᭄ᬫᬵ᭞ᬕᬸ
[᭑᭑ 11A]
ᬭᬸᬢᬫ᭄ᬧᬓᬵᬗᬭᬦ᭄ᬬ᭞ᬫᬓᬲ᭄ᬢ᭄ᬭᬶᬭᬩᬶᬦᬶᬂᬕᬸᬭᬸ᭞ᬢᬦ᭄ᬧᬲᬗ᭄ᬓᬦ᭄ᬧᭀᬩᬬᬦ᭄᭞ᬮᬯᬦ᭄ᬲᬂᬕᬸᬭᬸᬗᬭᬦ᭄ᬬ᭞ᬲᬶᬭᬵᬲᬂᬧᬦᬫ᭄ᬩᬳᬦ᭄᭞ᬲᬗᬲ᭄ᬓ᭄ᬭᬢ᭄ᬢᬵ᭞ᬧᬗᬚ᭄ᬬᬦ᭄᭞ᬓᬸᬦᬂᬲᬶᬭᬵ᭞ᬲᬶᬭᬕᬸᬭᬸᬗᬭᬦᬶᬭᬵ᭛ᬓᬸᬦᬂᬳᬶᬓᬂᬯ᭄ᬯᬂᬳᬼᬕᭂᬦ᭄᭞ᬕᬶᬫ᭄ᬩᬍᬦ᭄᭞ᬯᬕᭂᬦ᭄᭞ᬅᬕ
ᬫᬵᬕᬫ᭄ᬬᬦᭂᬦ᭄᭞ᬗᬭᬦᬶᬓᬵ᭞ᬤᬤᬶᬫᬮᬸᬗ᭄ᬕᬸᬄᬳᬶᬓᬂᬧ᭄ᬭᬲᬶᬤ᭄ᬤᬵᬮᬶᬦᬭ᭞ᬗᬦ᭄ᬤᬂᬧᬡ᭄ᬟᬶᬢ᭄ᬣᬵ᭞ᬫᬓᬧᬗᬤᬓᬰᬦ᭄ᬢᬶᬦ᭄᭞᭠ᬯᬶᬬ᭄ᬬᬦ᭄ᬬ᭞ᬫᬲ᭄ᬦ᭄ᬬ᭞ᬇᬓᬵᬢᬯ᭄ᬯᬂᬫᬗ᭄ᬓᬦᬵ᭞ᬢᬦ᭄ᬯ᭄ᬭᬸᬄᬧᬦ᭄ᬢᬶᬓ᭄ᬭᬫᬵ᭞ᬬᬾᬓᬵᬫᬗ᭄ᬓᬦᬵᬚᬦ᭄ᬫᬵᬦ᭄ᬬ᭛ᬓᬸᬦᬂᬇᬓᬂᬯ᭄ᬯᬂᬲ᭄ᬮᬾᬱ᭄ᬝᬢ᭄᭞ᬯᬸᬦ᭄ᬢᬸᬳᬶ
ᬭᬸᬓ᭄ᬬ᭞ᬧᬶᬲᬸᬦᬄᬧᬸᬲᬶᬦᬵ᭞ᬰᬢ᭄ᬯᬫ᭄᭞ᬅᬕᬼᬫᬫᬶᬲᬸᬦᬵᬭᬶᬂᬧᬤᬦ᭄ᬬᬚᬦ᭄ᬫᬵᬗᬸᬦᬶ᭛ᬓᬸᬦᬂᬳᬶᬓᬂᬯᬂᬗ᭄ᬳᬗ᭄ᬕᬶᬭᬶᬄ᭞ᬉᬋᬫᬵᬲᬤᬵᬓᬮᬵ᭞ᬧᬶᬢᬺᬓᭀᬧᬢ᭄‌ᬚ᭄ᬯᬭᬧ᭄ᬭᬧ᭄ᬢᬶᬄ᭞ᬅᬯᬫᬦᬵᬫᬾᬪᬹᬫᬩᬧᬵᬇᬓᬵᬗᬸᬦᬶ᭛ᬓᬸᬦᬂᬇᬓᬂᬯ᭄ᬯᬂᬗᬾᬤᬦ᭄᭞ᬳᬬᬦ᭄
᭞ᬉᬦ᭄ᬫᬢᭀᬧᬭᬦᬭᬢ᭄ᬯᬾ᭞ᬅᬕᬼᬫᭂᬲ᭄ᬢ᭄ᬭᬶᬮᬭᬗᬦ᭄᭞ᬇᬓᬗᬸᬦᬶᬢᬦ᭄‌ᬬᬢ᭄ᬦᬭᬶᬲᭂᬓᭂᬭᬶᬂᬪᬝᬭᬵᬫᬦᬸᬤᬸᬄ᭞ᬤᭀᬫᬾᬄᬬᬳᬸᬮᬗᬸᬦ᭄᭞ᬚᬦ᭄ᬫᬦ᭄ᬬᬭᬶᬯ᭄ᬓᬲᬦ᭄᭞ᬯ᭄ᬓᬲᬶᬂᬧᬧᬢ᭄ᬫᭂᬦᬶᬓᬵ᭛ᬓᬸᬦᬂᬗᬶᬓᬂᬯ᭄ᬯᬂᬗᬯ᭄ᬦᭂᬲ᭄ᬢᬦ᭄ᬧᬩ᭄ᬭᬢᬵ᭞ᬲᬧᭀ᭠ [ 12 ][᭑᭑ 11B]
᭑᭑᭞
ᬮᬄᬦ᭄ᬬᬧᬤᬾᬢᬶᬫᭂᬲ᭄᭞ᬬᬤ᭄ᬬᬧᬶᬬᬸᬓ᭄ᬢᬶᬳᬸᬚᬃᬦ᭄ᬬ᭞ᬓᬤ᭄ᬬᬋᬗᭂᬱᬧᬢᬇᬤᭂᬧ᭄ᬦᬶᬂᬯ᭄ᬯᬂᬭᬸᬫᭂᬗᭂᬲᬯᬸᬯᬸᬲ᭄ᬦ᭄ᬭ᭞ᬲᬧ᭄ᬭᬬᭀᬚ᭄ᬜᬦᬦ᭄ᬬᬫᭀᬕᬵᬢᬦ᭄ᬲᬶᬤᬵ᭞ᬧᬡ᭄ᬟᬸᬢᬦ᭄ᬭᬢ᭄ᬢᬯᬘ᭄ᬘᬄ᭞ᬅᬕᬼᬫ᭄‌ᬍᬜᬾᬓ᭄ᬇᬓᬵᬗᬸᬦᬶ᭛ᬓᬸᬦᬂᬯ᭄ᬯᬂᬤᬶᬫ᭄ᬧᬶᬮ᭄ᬚᬭᬶᬚᬶᬦ᭄ᬬ᭞ᬧ᭠
ᬳᬶᬭᬶᬦ᭄ᬬᬫ᭄‌ᬓᬸᬫᬶᬰ᭄ᬭᬓᬾ᭞ᬳᬕᬼᬫᬫᭀᬭᬓᭂᬦ᭄‌ᬘᬘᬫ᭄ᬧᬸᬭᬶᬂᬲᬸᬘᬶᬤᬾᬦᬶᬂᬢᬭᬦᬵᬫᬸᬮᬢ᭄ᬭᬶᬳᬶᬤᭂᬧ᭄ᬦ᭄ᬬ᭛ᬓᬸᬦᬂᬳᬶᬓᬂᬳᬢᭂᬡ᭄ᬟᭂᬓ᭄ᬳᬤᬶᬯᭂᬮ᭄ᬭᬸᬧᬦ᭄ᬬ᭞ᬤᬦᬾᬘᭀᬭᬾᬓᬓᬯ᭄ᬯᬢ᭄ᬯᬦ᭄᭞ᬳᬕᬼᬫᬮᬶᬂᬲᬶᬮᬭᬶᬤᬦ᭄ᬬ᭞ᬇᬓᬵᬗᬸᬦᬶᬤᬦᬵᬗᬭᬦ᭄ᬬ᭞ᬚᬯᬵ
᭞ᬚᬳ᭄ᬮᬶ᭞ᬍᬗᬵ᭞ᬳᬢᬓ᭄᭞ᬧᬭᬶᬧᬶᬦᬓᬵᬤᬶᬦ᭄ᬬ᭞ᬬᬢᬶᬓᬵᬫᬮᬶᬂᬲᬶᬮᬗᬭᬦ᭄ᬬ᭛ᬓᬸᬦᬂᬗᬶᬦᬂ᭞ᬗᬤᬯᬵᬯ᭄ᬯᬂᬤᬳᬢ᭄ᬲᬮᬳᬸᬓᬸᬭ᭄᭞ᬅᬕᬼᬫ᭄ᬳᬚᬸᬢᬶᬯᬲ᭄ᬢᬸᬳᬶᬓᬵᬗᬸᬦᬶ᭞ᬓᬤ᭄ᬬᬗ᭄ᬕᬦᬶᬂᬢ᭄ᬯᬓ᭄᭞ᬲᬶᬡ᭄ᬟᬸ᭞ᬧᬲ᭄ᬢᬶᬓᬵ᭞ᬮ᭄ᬗᬵ᭞ᬫᬓᬭᬧᬱ᭄ᬝᬵ᭞ᬬᬢᬯᬶᬦᭀᬭᬓᭂᬦ᭄ᬬ᭞᭠
ᬲᬫᬃᬕ᭄ᬕᬵᬦ᭄ᬬᬦᬓ᭄ᬯᬾᬄᬳᬓᬢᬶᬗ᭄ᬳᬮᬦ᭄᭞ᬇᬤᭂᬧ᭄ᬦ᭄ᬬ᭛ᬤᬺᬤᬵᬲ᭄ᬬᬸᬯᬘᬵ᭞ᬫᬢᬓ᭄ᬯᬦ᭄ᬢᬲᬂᬤᬺᬤᬵᬲ᭄ᬬᬸᬫᬸᬯᬄᬮᬶᬂᬦᬶᬭᬵ᭛ᬓᬾᬯᬮᬓ᭄ᬮᬾᬱᬵᬫᬧ᭄ᬦᭀᬢᬶ᭞ᬦᬶᬯᭀᬓ᭄ᬮᬾᬰᬵᬦ᭄ᬢᬭᬗ᭄ᬕᬸᬢᬄ᭛ᬲᬚ᭄ᬜᬵᬳ᭄ᬬᬂᬫᬫᬶ᭞ᬅᬗᬶᬂᬓ᭄ᬮᬾᬱᬵᬲᬫᬗ᭄ᬓᬵᬯᬶᬦᬗ᭄ᬕᬸᬄᬦᬶ
[᭑᭒ 12A]
ᬓᬵᬓᬩᬾᬄ᭞ᬉᬯᬘᬵ᭞ᬲᬸᬫᬯᬸᬃᬪᬝᬭᬕᬱ᭄ᬢ᭄ᬬ᭞ᬮᬶᬂᬦᬶᬭᬵ᭞ᬦᬾᬢ᭄ᬣᬸᬘᬾᬢᬾ᭞ᬢᬳᬦᬓᬸ᭞ᬤᬸᬫᬸᬦᬸᬂᬭᬶᬫᬳᬦᬶᬭᬬᬵ᭞ᬅᬢ᭄ᬫᬦ᭄ᬬᬭᬸᬫᬸᬳᬸᬦ᭄᭞ᬯᬶᬦᬯᬭᬶᬳᬢᬶᬯᬳᬶᬢᬲᬭᬶᬭᬗᬭᬦ᭄ᬬ᭞ᬇᬓᬂᬲᬭᬶᬭᬵᬦᬶᬳᬢ᭄ᬫᬵ᭞ᬅᬦ᭄ᬧᬭᬭᬶᬂᬰ᭄ᬯᬃᬖ᭄ᬕᬵᬭᬶᬂᬦᬭᬓᭀ
ᬮᬵᬓᬵᬓᬸᬦᬂ᭞ᬭᬶᬯᬸᬳᬸᬦ᭄ᬦᬶᬓᬵ᭞ᬳᬸᬫᬃᬬ᭄ᬬᬓᭂᬦ᭄᭞ᬲᬭᬶᬭᬦ᭄ᬬᬭᬶᬂᬫᬤ᭄ᬬᬮᭀᬓᬵ᭞ᬳᬸᬯᬸᬲ᭄ᬓᬧ᭄ᬯᬬᬓᬗᬢ᭄ᬫᬵᬭᬶᬂᬰ᭄ᬯᬃᬖ᭄ᬕᬵ᭞ᬭᬶᬂᬦᬭᬓᬵᬮᭀᬓᬵᬓᬸᬦᬂ᭞ᬇᬮᬂᬳᬶᬓᬂᬗᬢᬶᬯᬳᬲ᭄ᬭᬶᬭᬵ᭞ᬲᬭᬸᬧᬦᬶᬓᬵᬧᬶᬦᬭᬦ᭄ᬬ᭞ᬬᬢᬧᬶᬦᬓᬵᬲᬭᬶᬭᬵᬦᬶᬓᬂᬳᬢ᭄ᬫᬵ᭞ᬬᬦ᭄ᬫ
ᬭᬾᬰ᭄ᬯᬃᬕ᭄ᬕᬵ᭞ᬤᬶᬯ᭄ᬬᬲᬭᬶᬭᬵᬲᬸᬮᬓ᭄ᬱᬡ᭄ᬦᬵ᭞ᬓᬤᬶᬤᬾᬯᬢ᭄ᬣᬵᬰᬭᬶᬭᬦ᭄ᬬ᭞ᬬᬦ᭄ᬧᬭᬾᬂᬦᬭᬓᬬᬵ᭞ᬢᬸᬘᬶᬢ᭄ᬢᬫᬲᬮᬶᬦᬰᬭᬶᬭ᭞ᬇᬓᬂᬧᬶᬦᬓᬵᬯᬓ᭄ᬦ᭄ᬬ᭞ᬇᬓᬂᬲᬭᬶᬭᬯ᭄ᬓᬲ᭄ᬦᬶᬓᬵᬭᬶᬭᬶᬲ᭄ᬭᬶᬭᬶᬲ᭄‌ᬢ᭄ᬓᬧ᭄ᬯᬬᬵᬭᬶᬂᬦᬭᬓᬵᬮᭀᬓᬵ᭞ᬅᬲᬸᬪᬭᬓ᭄ᬱᬵᬱᬢ᭠
ᬓᬵᬮᬦᬶᬓᬵᬤᬶᬢᬄ᭞ᬇᬓᬂᬯᬾᬦ᭄ᬬᬫᬳᬮᬵᬗᬸᬦᬶᬭᬶᬂᬫᬤ᭄ᬬᬵᬮᭀᬓᬵ᭞ᬬᬢᬢ᭄ᬫᬳᬦᬺᬓ᭄ᬱᬰᬵ᭞ᬤᬸᬫᭂᬡ᭄ᬟᭂᬬᬰᬭᬶᬱᬭᬶ᭞ᬅᬦᬾᬓᬵᬤᬾᬦᬶᬂᬳᬸᬫᬶᬕ᭄ᬭᬬᬵ᭞ᬦ᭄ᬤᬢᬦ᭄ᬫᬢᬶᬢᬦᬳᬸᬭᬶᬧ᭄᭞ᬲᬗ᭄ᬱᬭᬵᬗ᭄ᬭᬾᬗᬦ᭄᭞ᬚᬸᬕᬬᬲᬵᬤᬓᬮᬵ᭞ᬧᬶᬭ [ 13 ]᭑᭒᭞
ᬢᬮᬯᬲ᭄ᬦᬶᬓᬵ᭞ᬫᬓᬓᬮᬓᬵᬃᬯ᭄ᬯᬶᬮᬂᬦᬶᬂᬭᬫ᭄ᬩᬸᬢ᭄ᬦ᭄ᬬ᭞ᬢ᭄ᬮᬲ᭄ᬦᬶᬂᬲᬫᬗ᭄ᬓᬦᬵ᭞ᬯᬶᬦᬾᬄᬢᬬᬫᬂᬚᬦ᭄ᬫᬵ᭞ᬢ᭄ᬓᬧ᭄ᬩᬝᬭᬤᬃᬫ᭄ᬫᬵ᭞ᬗᬭᬦᬶᬭᬵ᭞ᬦᬪᬝᬭᬬᬫ᭄ᬫᬵ᭞ᬲᬂᬓᬸᬫᬬᬢ᭄ᬦᬓᭂᬦ᭄ᬲᬸᬪᬲᬸᬪᬧ᭄ᬭᬯᬺᬢ᭄ᬢᬶᬦᬶᬓᬂᬲᬂᬓᬵᬮᬵᬚᬦᬓ᭄ᬭᬫᬜ᭞ᬇᬮᬵᬢᬢᬦ᭄‌ᬲᬧᬶᬭᬵᬧᬧ
ᬦ᭄ᬬ᭞ᬬᬫᬢ᭄ᬫᬳᬦ᭄ᬧᬶᬯᬶᬮᬶᬓᬵ᭞ᬲᬮ᭄ᬯᬶᬃᬦᬶᬂᬲᬢ᭄ᬯᬵᬓᬶᬦᬾᬮᬶᬓᬦ᭄ᬤᬾᬦᬶᬂᬭᬢ᭄᭞ᬓᬸᬦᬂᬦᬶᬓᬂᬫᬭᬶᬂᬰ᭄ᬯᬃᬕ᭄ᬕᬵ᭞ᬫᬂᬚᬦ᭄ᬫᬵᬫᬦᬸᬱᬯᬶᬲᬾᬰᬵ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭛ᬢᬧᭀᬬᬚ᭄ᬜᬵᬰᬸᬭᬵᬫ᭄ᬓᬬ᭄ᬬᬫ᭄᭞ᬅᬓᬭᭀᬢ᭄ᬲᬸᬯᬚᬤ᭄ᬫᬵᬦᬶ᭞ᬅᬳᭀᬢ᭄‌ᬲ᭄ᬯᬃᬕ᭄ᬕᬳ᭠
ᬯᬧ᭄ᬦᭀᬢᬶ᭞ᬬᭀᬕᬾᬫᭀᬢ᭄ᬲᬫᬯᬧ᭄ᬦᬸᬬᬧ᭄᭛ᬓᬮᬶᬗᬦ᭄ᬬ᭞ᬢᬶᬗ᭄ᬕᬵᬳᬶᬓᬂᬓᬃᬬ᭄ᬬᬫᬸᬳᬭᬵᬰ᭄ᬯᬃᬖ᭄ᬕᬵ᭞ᬢᬯᬵ᭞ᬬᬚ᭄ᬜ᭞ᬓᬶᬃᬢ᭄ᬢᬶ᭞ᬧᬗᬯ᭄ᬭᬸᬄᬓᬬᬳᬶᬦ᭄ᬤ᭄ᬭᬶᬬᬵᬦᬶᬕ᭄ᬭᬳᬵ᭞ᬓᬯᬶᬲᬓᬶᬢᬦᬶᬂᬲᬶᬭᬶᬭᬵ᭞ᬫ᭄ᬯᬂᬓᬳᬺᬢᬦᬶᬂᬤᬲᬾᬂᬤ᭄ᬭᬶᬬᬵ᭞ᬬᬢᬧᬗᬭᬦ᭄ᬬ᭞ᬬᬚ᭄ᬜᬵ
ᬤᬭᬦ᭄ᬬ᭞ᬅᬕ᭄ᬦᬶᬳᭀᬢ᭄ᬭᬤ᭄ᬤᬶ᭞ᬓᬧᬸᬚᬦ᭄ᬲᬂᬗ᭄ᬳ᭄ᬬᬂᬲᬶᬯᬵᬕ᭄ᬦᬶᬧᬶᬦᬓᬤᬶᬦ᭄ᬬ᭞ᬯᬶᬦᬾᬄᬫᬢ᭄ᬫᬳᬦ᭄ᬭᬸᬲᬳᬵ᭞ᬯᬶᬳᬭᬵ᭞ᬧᬃᬳ᭄ᬬᬗᬦ᭄᭞ᬧᬢᬦᬶ᭞ᬧᬜ᭄ᬘᬸᬭᬦ᭄᭞ᬢ᭄ᬩᬕᬵ᭞ᬇᬢ᭄ᬬᭀᬯᬫᬤᬶ᭞ᬬᬢᬶᬓᬵᬓᬶᬃᬢ᭄ᬯᬶᬗᬭᬦ᭄ᬬ᭞ᬇᬓᬂᬢᬶᬕᬂᬲᬶᬓᬶ᭞ᬬᬾᬓᬵᬫᬧᬮᬵ [ 14 ][᭑᭓ 13B]
᭑᭓
ᬢ᭄ᬲᬓᬾᬂᬬᬚ᭄ᬜᬵ᭞ᬲᬂᬯ᭄ᬭᬸᬄᬭᬶᬂᬓᬮᬶᬗᬦᬶᬲᬃᬯ᭄ᬯᬲᬫ᭄ᬩᬯᬵ᭞ᬢᬦ᭄ᬧᬧᬵᬇᬓᬵᬓᬩᬾᬄᬭᬶᬂᬲᬶᬭᬵ᭞ᬇᬓᬵᬢᬕᬸᬫᬯᬬᬓᭂᬦᬶᬓᬂᬢᬧᬵᬚ᭄ᬜᬵᬓᬶᬃᬢ᭄ᬢᬶ᭞ᬧᬢᬶᬧ᭄ᬯᬲᬶᬭᬵᬤ᭄ᬩᬳᬵ᭞ᬫᬦ᭄ᬢᬸᬓ᭄ᬢᬲᬶᬭᬵᬭᬶᬂᬰ᭄ᬯᬃᬕ᭄ᬕᬵ᭞ᬅᬦᬾᬓᬵᬲᬸᬓᬵᬪᬶᬦᬸᬓ᭄ᬢᬶᬦᬶᬭᬗ᭄ᬓᬦᬵ᭞ᬳᭂᬦ᭄ᬢᬶ᭠
ᬧ᭄ᬯᬧᬮᬵᬦᬶᬓᬵᬕᬯᬾᬦᬶᬭᬵ᭞ᬳᬬᬸ᭞ᬫᬂᬚᬦ᭄ᬫᬢᬲᬶᬭᬭᬶᬂᬫᬤ᭄ᬬᬮᭀᬓᬵ᭞ᬓ᭄ᬭᬫᬦ᭄ᬬ᭞ᬬᬢᬲᬸᬭᬸᬧᬵ᭞ᬬᬦ᭄ᬤᬢᬶᬲᬬᬧᬭᬶᬧᬸᬃᬡ᭄ᬦᬵᬳᬶᬓᬂᬢᬧᬬᬚ᭄ᬜᬵᬕᬶᬦᬯᬬᬓ᭄ᬦᬶᬭᬵᬗᬸᬦᬶ᭞ᬫᬂᬚᬦ᭄ᬫᬵᬭᬶᬂᬭᬢᬸ᭞ᬳᬜᬃᬓᬺᬯᬃᬢᬶᬲᬶᬭᬵ᭞ᬲᬶᬦᬵᬫ᭄ᬩᬄᬤᬾᬦᬶᬂᬯᬂᬧᬦ᭄ᬢ᭠
ᬭᬵ᭞ᬏᬦ᭄ᬤᬶᬓᬂᬭᬢ᭄᭞ᬓᬮᬦᬶᬭᬲᬶᬦᬶᬯᬶ᭞ᬓᬸᬦᬂᬇᬓᬂᬍᬫ᭄ᬩᬸᬧᬶᬦᬸᬚᬵᬓᭂᬦ᭄ᬫᬶᬜᬓ᭄ᬦ᭄ᬬ᭞ᬭᬶᬂᬝᬭᬵᬲᬶᬯᬵᬕ᭄ᬦᬶᬗᬸᬦᬶ᭞ᬬᬢᬶᬓᬵᬢ᭄ᬫᬳᬦ᭄‌ᬩ᭄ᬭᬳ᭄ᬫᬵᬦᬯᬶᬓᬦ᭄ᬫᬗᬚᬶ᭞ᬧᬶᬦᬓᬵᬧᬸᬭᭀᬳᬶᬢᬦᬶᬭ᭞ᬤᬤᬶᬧᬫ᭄ᬕᭂᬢ᭄᭞ᬯᬤ᭄ᬯᬵᬳᬚᬶ᭞ᬧᬶᬦᬓᬵᬩᬯᬸᬦᬦ᭄ᬤᭂᬲᬂᬧ᭄ᬭ
ᬪᬹ᭞ᬲᬫᬶᬦᬦᬶᬭᬗᬸᬦᬶ᭞ᬇᬓᬵ᭛ᬓᬸᬦᬂᬇᬓᬶᬫᬫᬸᬯᬸᬃᬯᬶᬥᬗᬸᬦᬶ᭞ᬬᬾᬓᬵᬚᬦ᭄ᬫᬵᬯᬂᬲᬸᬕᬶᬄᬭᬶᬂᬢᬦᬶᬭᬶᬓᬮᬦᬶᬭᬵᬲᬶᬦᬶᬯ᭄ᬯᬶ᭛ᬓᬸᬦᬂᬳᬶᬓᬂᬯ᭄ᬯᬂᬫᬸᬮᬢ᭄ᬓᬧᬾᬗᬶᬦ᭄᭞ᬢᬸᬫᭀᬦ᭄ᬲᬶᬮᬦᬶᬭᬗᬸᬦᬶ᭞ᬦ᭄ᬤᬢᬦᬶᬮᬸᬇᬓᬶᬫᬗ᭄ᬮᬯᬦ᭄ᬮᬯᬦᬾ᭞ᬬᬢᬶᬓᬵ
[᭑᭔ 14A]
ᬚᬦ᭄ᬫᬵᬯ᭄ᬯᬂᬳᬤ᭄ᬬᬦ᭄ᬮᬶᬢᬸᬳᬬᬸᬲᬸᬩᬕᬵᬓᬶᬦᭀᬦᬵᬗᬦ᭄ᬤᬾᬦᬶᬂᬭᬢ᭄᭞ᬭᬶᬓᬮᬦᬶᬭᬵᬲᬶᬦᬶᬯ᭄ᬯᬶ᭞ᬦ᭄ᬤᬢᬦᬵᬦᬦᬤᬦᬵᬮᬯᬦ᭄ᬯᬂᬬ᭄ᬬᬇᬭᬶᬬᬵ᭞ᬓᬸᬦᬂᬳᬶᬓᬂᬲᬢ᭄ᬯᬵᬢ᭄ᬫᬳᬦ᭄ᬬ᭞ᬧᬶᬦᬓᬵᬲᬯᬶᬚᬶᬓᬂᬬᬚ᭄ᬜᬵᬗᬸᬦᬶ᭞ᬬᬾᬓᬵᬚᬦ᭄ᬫᬵᬯ᭄ᬯᬂᬓᬶᬦᬢ᭄ᬬᬗᬦ᭄ᬧᬶᬦᬶᬦ᭄ᬢᬸᬳᬸᬭᬶᬂᬢᬦᬶ
᭞ᬤᬤ᭄ᬬᬦᬶᬓᬂᬲᬃᬯ᭄ᬯᬲᬢ᭄ᬯᬵ᭞ᬳᬸᬫᬗᬦᬶᬓᬂᬘᬭᬸᬓᬲᬯᬸᬭᬶᬂᬬᬚ᭄ᬜᬵᬗᬸᬦᬶ᭞ᬬᬤ᭄ᬬᬦ᭄ᬲᬮ᭄ᬯᬶᬭᬶᬂᬢ᭄ᬭᬶᬬᬓ᭄᭞ᬳᬶᬓᬸᬲ᭄᭞ᬲ᭄ᬫᬸᬢ᭄᭞ᬫ᭠ᬦᬸᬓ᭄᭞ᬇᬯ᭄ᬬᬾᬯᬫᬯ᭄ᬤᬶ᭞ᬲᬮ᭄ᬯᬶᬭᬶᬂᬲᬢ᭄ᬣᬵᬳᬸᬫᬗᬦᬶᬓᬂᬘᬭᬸᬗᬸᬦᬶ᭞ᬳᬾᬢᬸᬦ᭄ᬬᬫᬋᬓᬶᬲᬂᬧ᭄ᬭᬪᬸᬫᬗ᭄ᬓᬾᬓᬶᬦᬢ᭄ᬬᬗᬦ᭄‌ᬤᬾᬦᬶᬮᭀᬓᬵ᭞ᬨᬮᬦᬶᬂ
ᬧᬫᬦ᭄ᬬᬘᬭᬸᬗᬸᬦᬶᬓᬮᬶᬂᬗᬦᬶᬓᬵ᭛ᬓᬸᬦᬂᬳᬶᬓᬂᬳᬸᬫᬋᬓ᭄‌ᬭᬶᬂᬲᬂᬧ᭄ᬭᬪᬹᬯᬶᬰ᭄ᬯᬱᬦᬶᬭᬲᬭᬶᬲᬭᬶ᭞ᬅᬢ᭄ᬬᬦ᭄ᬢᬢ᭄ᬬᭂᬦᬶᬓᬂᬮᭀᬓᬇᬭᬶᬬᬵ᭞ᬦ᭄ᬤᬢᬦ᭄ᬯᬶᬦᬾᬄᬬᬲᬸᬓᬵᬢᬶᬲᬬᬵᬤᬾᬲᬂᬧ᭄ᬭᬪᬹ᭞ᬫᭀᬕᬵᬮᬶᬦᭀᬭᬦ᭄᭞ᬓᬶᬤᬸᬮᬦ᭄ᬬ᭞ᬅᬃᬧᬯᬾ [ 15 ][᭑᭔ 14B]
᭑᭔᭞
᭞ᬲᬂᬧ᭄ᬭᬪᬹᬓᬧᬫ᭄ᬕᭂᬢᬦ᭄᭞ᬲᬫᬦ᭄ᬬᬳᬚᬶᬯᬾᬳᬦᬵ᭞ᬫᭀᬖ᭄ᬕᬵᬓᬯᬯ᭄ᬯᬾᬂᬯᬂᬯᬦᬾᬄ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭠᭛ᬬᬚ᭄ᬜᬵᬓᬃᬬ᭄ᬬᬧᬸᬭᬵᬚ᭄ᬜᬵᬦᬫ᭄᭞ᬲ᭄ᬯᬢ᭄ᬫᬦᬶᬧ᭄ᬭᬯᬤᬫ᭄ᬬᬤᭀᬄ᭞ᬧᬭᬱ᭄ᬬᬮᬲ᭄ᬬᬲᬫᬲ᭄ᬬᬢ᭄᭞ᬫᬺᬂᬢᬲ᭄ᬢᬾᬤᭀᬕᬯᬵᬚᬶᬢᬄ᭛
ᬓᬮᬶᬗᬦ᭄ᬯ᭞ᬫᬶᬮᬸᬫᬋᬓᬶᬓᬗᬸᬦᬶ᭞ᬭᬶᬂᬲ᭄ᬤᬲᬂᬧ᭄ᬭᬪᬹᬫᬕᬯᬾᬢᬧᬵ᭞ᬫ᭄ᬯᬂᬫᬕᬯᬾᬬᬚ᭄ᬜᬵᬗᬸᬦᬶ᭞ᬦ᭄ᬤᬢᬦ᭄ᬤᬳᬓ᭄ᬦᬦᬶᬓᬵᬫ᭠ᬋᬓ᭄᭞ᬧᬶᬲᬦᬶᬗᬸᬦ᭄ᬲᬦᬸᬗᬓ᭄ᬦᬓᬵᬮ᭄ᬧᬶᬓᬵ᭞ᬤᬸᬧᬤᬶᬧᬵ᭞ᬲᬮ᭄ᬯᬶᬃᬦᬶᬂᬰᬤᬦᬦᬶᬂᬫᬕᬯᬾᬬᬚ᭄ᬜᬵ᭞ᬅᬦᭀᬧᭀᬧᬓᭀᬦᬸ
ᬧ᭄ᬭᬪᬹᬇᬗᬶᬬᬵ᭞ᬓᬶᬦᭀᬦᬓᭂᬦ᭄ᬢᬾᬦᬵᬳᬶᬭᭀᬯᬂᬦ᭄ᬬ᭞ᬅᬭᬄᬤᬾᬦᬶᬮᬸᬳ᭄ᬬᬦ᭄ᬬ᭞ᬓᬲᬶᬦ᭄ᬤᬵᬲᬧᬓᭀᬦ᭄ᬱᬂᬧ᭄ᬭᬪᬹᬤᬾᬦᬶᬭᭀᬯᬂᬦ᭄ᬬ᭞ᬫᬢᬶᬧ᭄ᬯᬬᬤ᭄ᬮᬳᬵ᭞ᬬᬢᬶᬓᬵᬚᬦ᭄ᬫᬵᬯ᭄ᬯᬂᬲᬸᬮᬓ᭄ᬱᬡᬵ᭞ᬳᬧᬋᬓᬶᬲᬂᬧ᭄ᬭᬪᬹ᭞ᬧᬮᬦ᭄ᬬᬦ᭄ᬳᬧᬋᬓᬶᬂ᭠
ᬲᬶᬭᬵᬗᬸᬦᬶ᭞ᬦ᭄ᬤᬢᬦ᭄‌ᬬᬲᬸᬓᬵᬤᬾᬲᬂᬧ᭄ᬭᬪᬹ᭞ᬫᭀᬖ᭄ᬕᬵᬮᬸᬧᬇᬧᬓ᭄ᬦᬦ᭄ᬬ᭞ᬢᬸᬦᬚ᭄ᬜᬡᬦᬶᬭᬵ᭞ᬉᬫᬾᬳᬬᬸᬲᬸᬓᬵ᭞ᬯᬶᬦᬢᭂᬓ᭄ᬤᬾᬦᬶᬂᬲᬶᬮᬦ᭄ᬬᬗᬸᬦᬶ᭞ᬓᬵᬮᬶᬗᬦᬶᬓᬵ᭞ᬇᬓᬢᬬᬚ᭄ᬜᬵᬢᬧᬵ᭞ᬅᬦ᭄ᬧᬫᬸᬳᬭᬵᬓᬭᬢᬸᬦ᭄᭞ᬫᬓᬦᬶᬱ᭄ᬝᬵᬫᬤ᭄ᬬᬫᭀ᭠
[᭑᭕ 15A]
ᬢᬫᬦᬶᬓᬵ᭞ᬅᬗ᭄ᬓᬦᬶᬱ᭄ᬝᬵᬤᬾᬦᬶᬭᬵᬫᬕᬯᬾᬬᬚ᭄ᬜᬵ᭞ᬮᬯᬦ᭄ᬢᬧᬵᬗᬸᬦᬶ᭞ᬭᬢᬸᬦᬶᬂᬤᬾᬰᬵᬧᬶᬦᬸᬧᬸᬮ᭄‌ᬦᬶᬂᬤ᭄ᬯᬶᬧᬚᬦᬦᬶᬭᬵᬬᬦ᭄ᬫᬗ᭄ᬓᬦᬵ᭞ᬓᬸᬦᬂᬍᬯᬶᬄᬳᬶᬓᬳᬧᬵᬲᬓᬾᬂᬬᬚ᭄ᬜᬵ᭞ᬬᬦᬵᬢᬶᬲᬬᬵᬤᬳᬢ᭄᭞ᬦ᭄ᬤᬾᬦᬶᬭᬵᬕᬯᬾᬢᬧᬵ᭞ᬳᬦ᭄ᬯᬮᬸᬬ᭄
ᬚᬦ᭄ᬫᬵᬫᬦᬸᬰᬵᬲᬶᬭᬬᬦ᭄ᬫᬗ᭄ᬓᬦᬵ᭞ᬓᬸᬦᬂᬗᬶᬓᬂᬬᬚ᭄ᬜᬵ᭞ᬬᬤ᭄ᬬᬧᬶᬦ᭄ᬯᬶᬰ᭄ᬯᬚᬶᬢ᭄ᬳᬶᬓᬂᬬᬚ᭄ᬜᬵᬕᬯᬬᬓ᭄ᬦᬵ᭞ᬬᬬᬚᬸᬕᬵᬯᬮᬸᬬᬦ᭄ᬬᬚᬦ᭄ᬫᬵᬫᬦᬸᬰᬵ᭟ᬢᬸᬳᬸᬦᬢᬶᬲᬬᬮ᭄ᬯᬶᬃᬦᬶᬓᬂᬬᬦ᭄ᬬᬚᬦ᭄ᬫᬵᬫᬦᬸᬰᬵ᭞ᬢᬸᬳᬸᬦᬢᬶᬲᬬᬮ᭄ᬯᬶᬃᬦᬶᬓᬂᬓᬾᬰ᭄ᬯᬃᬬ᭄ᬬᬦ᭄ᬧᬶᬦᬗ᭄ᬕᬸᬄᬦᬶᬭᬭᬶᬂᬫᬃᬢ᭄ᬬᬮᭀᬓᬵ᭞ᬓᬤᬶᬭᬸᬧᬦᬶᬭᬵᬫᬳᬭᬚᬵᬲ᭠
ᬕᬭᬵ᭞ᬝᬶᬮᬶᬧᬵ᭞ᬭᬖᬸ᭞ᬫ᭄ᬯᬂᬰ᭄ᬭᬶᬭᬫᬵᬦᬰᬵᬭᬢ᭄ᬣᬵ᭞ᬗᬸᬦᬶᬯᬾᬲᬂᬧᬦ᭄ᬤᬯᬵ᭞ᬫᬗ᭄ᬓᬦᬵᬮ᭄ᬯᬶᬃᬓᬾᬰ᭄ᬯᬃᬬ᭄ᬬᬦ᭄ᬧᬶᬦᬗ᭄ᬕᬸᬄᬦᬶᬭᬵ᭞ᬬᬦᬢᬶᬲᬬᬦᬾᬦᬶᬭᬵᬫᬬᬬᬚ᭄ᬜᬵ᭛ᬓᬸᬦᬂᬧᬮᬦᬶᬓᬂᬯ᭄ᬯᬂᬫᬕᬯᬾᬓᬶᬃᬢ᭄ᬢᬶ᭞ᬬᬢᬦᭀᬦ᭄ᬓᬶᬢᬯ᭄ᬯᬂᬲᬸᬕᬶᬄ᭞ᬲᬤᬵᬓᬮᬵ
᭞ᬫᬓ᭄ᬯᬾᬄᬢᬳᬸᬮᬸᬦ᭄ᬬ᭞ᬯ᭄ᬦᬂᬯ᭄ᬦᬂᬯᬺᬤ᭄ᬤᬶ᭞ᬲᬕᬯᬾᬦ᭄ᬬᬲᬶᬤ᭄ᬤᬵ᭞ᬳᬓ᭄ᬯᬾᬄᬢᬤᭀᬤᭀᬢ᭄ᬦ᭄ᬬ᭞ᬫ᭄ᬯᬂᬫᬲ᭄ᬫᬦᬶᬓ᭄ᬦ᭄ᬬ᭞ᬤᬶᬖ᭄ᬕᬵᬬᬸᬰᬵᬢᬬᬵ᭞ᬓᭀᬢᬦ᭄‌ᬓ᭄ᬦᬭᬶᬂᬫᬭᬡ᭄ᬦᬵᬯᬶᬖ᭄ᬦᬵ᭞ᬧᬶᬲᬦᬶᬗᬸᬦ᭄ᬓᬢ᭄ᬓᬦᬧ᭄ᬭᬶᬳᬢᬶᬦ᭄᭞ᬢ᭄ᬓᬾᬧᬸᬧᬸᬩᬸᬬᬸᬢ᭄ᬦ᭄ᬬ᭞ᬲᬮ᭄ᬯᬶᬃᬦᬶᬂᬲᬦ᭄ᬢᬦᬦ᭄ᬬᬵ [ 16 ]Page:Bali-lontar-agastya-parwa-250ppi.pdf/16 [ 17 ]Page:Bali-lontar-agastya-parwa-250ppi.pdf/17 [ 18 ]Page:Bali-lontar-agastya-parwa-250ppi.pdf/18 [ 19 ]Page:Bali-lontar-agastya-parwa-250ppi.pdf/19 [ 20 ]Page:Bali-lontar-agastya-parwa-250ppi.pdf/20 [ 21 ]Page:Bali-lontar-agastya-parwa-250ppi.pdf/21 [ 22 ]Page:Bali-lontar-agastya-parwa-250ppi.pdf/22 [ 23 ]Page:Bali-lontar-agastya-parwa-250ppi.pdf/23 [ 24 ]Page:Bali-lontar-agastya-parwa-250ppi.pdf/24 [ 25 ]Page:Bali-lontar-agastya-parwa-250ppi.pdf/25 [ 26 ]Page:Bali-lontar-agastya-parwa-250ppi.pdf/26 [ 27 ]Page:Bali-lontar-agastya-parwa-250ppi.pdf/27 [ 28 ]Page:Bali-lontar-agastya-parwa-250ppi.pdf/28 [ 29 ]Page:Bali-lontar-agastya-parwa-250ppi.pdf/29 [ 30 ]Page:Bali-lontar-agastya-parwa-250ppi.pdf/30 [ 31 ]Page:Bali-lontar-agastya-parwa-250ppi.pdf/31 [ 32 ]Page:Bali-lontar-agastya-parwa-250ppi.pdf/32 [ 33 ]Page:Bali-lontar-agastya-parwa-250ppi.pdf/33 [ 34 ]Page:Bali-lontar-agastya-parwa-250ppi.pdf/34 [ 35 ]Page:Bali-lontar-agastya-parwa-250ppi.pdf/35 [ 36 ]Page:Bali-lontar-agastya-parwa-250ppi.pdf/36 [ 37 ]Page:Bali-lontar-agastya-parwa-250ppi.pdf/37 [ 38 ]Page:Bali-lontar-agastya-parwa-250ppi.pdf/38 [ 39 ]Page:Bali-lontar-agastya-parwa-250ppi.pdf/39 [ 40 ]Page:Bali-lontar-agastya-parwa-250ppi.pdf/40 [ 41 ]Page:Bali-lontar-agastya-parwa-250ppi.pdf/41 [ 42 ]Page:Bali-lontar-agastya-parwa-250ppi.pdf/42 [ 43 ]Page:Bali-lontar-agastya-parwa-250ppi.pdf/43 [ 44 ]Page:Bali-lontar-agastya-parwa-250ppi.pdf/44 [ 45 ]Page:Bali-lontar-agastya-parwa-250ppi.pdf/45 [ 46 ]Page:Bali-lontar-agastya-parwa-250ppi.pdf/46 [ 47 ]Page:Bali-lontar-agastya-parwa-250ppi.pdf/47 [ 48 ]Page:Bali-lontar-agastya-parwa-250ppi.pdf/48 [ 49 ]Page:Bali-lontar-agastya-parwa-250ppi.pdf/49 [ 50 ]Page:Bali-lontar-agastya-parwa-250ppi.pdf/50 [ 51 ]ᬦᬵᬧ᭄ᬭᬱ᭄ᬝᬵ᭞ᬪᬶᬓ᭄ᬱᬸᬓᬵᬢᬲᬶᬭᬵ᭞ᬫᬹᬃᬲᬗ᭄ᬓᬾᬂᬧᬢᬧᬦᬶᬭᬵ᭞ᬦᬶᬲ᭄ᬧᬭᬶᬕ᭄ᬭᬳᬵ᭞ᬢᬦ᭄ᬧᬗᬓᬸᬧᬢᬧᬦ᭄᭞ᬢᬦ᭄ᬧᬗᬓᬸᬧᬗᬯ᭄ᬭᬸᬄ᭞ᬧᬤᬵᬬᬢᬶᬦᬶᬗ᭄ᬕᬮᬓᭂᬦ᭄‌ᬦᬶᬭᬵ᭞sᬳᬂᬯᬶᬓᬸᬫᬗ᭄ᬓᬦᬓ᭄ᬭᬫᬦᬶᬭᬵ᭞ᬲᬶᬭᬪᬶᬓ᭄ᬱᬸᬓᬵᬗᬭᬦᬶᬭ᭞ᬳᬧᬕᭂᬄᬧ᭄ᬯᬾᬓᬂᬘᬢᬸᬃrᬳᬰ᭄ᬭᬫᬵ᭞ᬫ᭄ᬯᬂᬘᬢᬸᬃᬯᬃᬡ᭄ᬦᬵ᭞ᬏᬦ
ᬓ᭄ᬢᬂᬭᬢ᭄᭞ᬰ᭄ᬯᬲ᭄ᬢᬂᬪᬹᬯᬦᬵ᭞ᬢ᭄ᬮᬲ᭄ᬓᬭᬸᬳᬸᬦ᭄᭞ᬚᬬᬦᬶᬬᬶᬂᬭᭀᬕᬵᬰ᭄ᬭᬶᬫᬳᬭᬚᬵ᭞ᬲᬓᬸᬍᬲᬦ᭄ᬢᬦᬦᬶᬭᬵ᭟ᬢ᭄ᬮᬲ᭄᭛᭐᭛ᬇᬢᬶᬳᬕᬲ᭄ᬢ᭄ᬬᬵᬧᬃᬯ᭄ᬯ᭚᭑᭚᭞ᬇᬢᬶᬧᬶᬢᬸᬭᬸᬦ᭄ᬲᬂᬳᬶᬦᬳᬶᬂᬰᬵᬱ᭄ᬢ᭄ᬭᬵᬚ᭄ᬜᬦᬵ᭚᭐᭚ᬇᬦᬦ᭄ᬮᭀᬦ᭄ᬢᬃᬤᬺᬯᬾᬦ᭄ᬳᬶᬓᭀᬫᬂᬧᬢᬶᬄ᭞ᬲᬓᬶᬂᬩ
ᬜ᭄ᬚᬃᬲᬡ᭄ᬟᬶᬫᬭᬵ᭞ᬓᬭᬗᬵᬲᭂᬫ᭄᭟ᬓᬢ᭄ᬥᬸᬦᬶᬦ᭄ᬳᭀᬮᬶᬄ᭞ᬳᬶᬓᭀᬫᬂᬤᭂᬕᭂᬂ᭞ᬩᬜ᭄ᬚᬃᬓᬸᬯᬸᬫ᭄᭟ᬓᬭᬗᬵᬲᭂᬫ᭄᭟᭜᭟ᬧᬸᬧᬸᬢ᭄‌ᬲᬶᬦᬸᬭᬵᬢ᭄᭞ᬓᬵᬮᬤᬶᬦᬵ᭟ᬩᬸ᭞ᬧ᭞ᬯᬭᬵᬯᬬᬂ᭞ᬇᬰᬓᬵᬯᬃᬰᬵ᭞᭑᭙᭑᭕᭟᭛᭜᭛ [ 52 ]Page:Bali-lontar-agastya-parwa-250ppi.pdf/52