Biblia/Nove Testamento/Mattheo/Mattheo 28

←Mattheo 27

Le Biblia in Interlingua Mattheo

Marco 1→

Mattheo

28

Le resurrection

¹Ora, post le Sabbato, al alba del prime die del septimana, Maria Magdalena e le altere Maria, vadeva vider le tumba. ²Subito occurreva un forte tremor de terra, quia un angelo del Senior, descendente ab le Celo, accedeva e revolveva le lapide e se assideva super illo. ³Su aspecto esseva sicut un fulgure, e su vestimento esseva candide sicut nive. ⁴Quando le guarda lo videva, esseva territe de pavor e deveniva como homines morte. ⁵Ma le angelo diceva al feminas: “Non time! Io sape que vos quere Jesus, qui esseva crucifigite. ⁶Ille non es hic, quia ille resurgeva, justo sicut ille habeva dicite. Veni vider le loco ubi ille esseva deponite. ^{{{2}}}Ora vade cito e dice a su discipulos: ‘Ille resurgeva ab le mortos e, ecce, ille precede vos in Galilea. Vos le videra ibi’. Ecce, io diceva lo vos!”. ⁸Assi illas quitava le tumba cito, con timor e grande gaudio, e curreva a annunciar lo a su discipulos. ⁹Ma Jesus veniva incontrar las e las salutava. Assi illas le accedeva, capeva su pedes e le adorava. ¹⁰Tunc Jesus las diceva: “Non time. Va a annunciar a mi fratres ut illes parti pro le Galilea, e illes me videra ibi”.

Le reporto del guarda

¹¹Durante que le feminas vadeva, alicunes del guarda veniva in le citate e reportava al principal sacerdotes tote lo que habeva evenite. ¹²Congregate con le seniores, ille excogitava un plano: ille dava un copiose summa de moneta al soldatos ¹³e diceva les: “Vos debera dicer: ‘Su discipulos veniva de nocte e furava su corpore durante que nos dormiva’. ¹⁴Si iste cosa veni al aures del governator, nos le suadera assi e assecurara vos de qualcunque enoios”. ¹⁵Assi illes acceptava le pecunia e faceva sicut illes habeva essite instruite. Lor conto esseva tosto divulgate inter le Judeos e illes lo conta mesmo hodie.

Le Grande Commission

¹⁶Assi le dece-un discipulos vadeva a in Galilea al monte ubi Jesus les habeva dicite vader. ¹⁷Quando illes le videva, illes le adorava, ma alicunes dubitava. ¹⁸Accedente a illes, Jesus les diceva: “Omne potestate in Celo e sur le Terra me esseva date. ¹⁹Ergo vade e doce^[1] a omne nationes, baptisante los in le nomine del Patre, e del Filio, e del Spirito Sancte. ²⁰Doce les a observar quecunque io commandava vos. E ecce, io essera con vos omne dies, usque al consummation del etate”.

Notas

1. O “face discipulos”.