Biblia/Vetule Testamento/Job/Job 28

Job

28

Job parla del sapientia

¹Il ha minas pro argento e locos ubi se affina le auro. ²Ex le terra se trahe ferro e del lapide se funde cupro. ³Quando homines perquire ores in le obscuritate profunde, ille dissolve le tenebras e explora le regiones le plus lontan del Terra. ⁴Longe de ubi gente vive, homines se aperi galerias in locos que viagiatores ha de longe tempore oblidate. Illes descende ibi con funes, balanciante se e rolante. ⁵Nutrimento cresce supra sur le terra, ma subtus le terra se funde sicut per igne. ⁶Hic lapides contine sapphiros preciose e le glebas del terra contine auro. ⁷Istos es tresores que nulle ave rapace pote vider, que nulle oculo de vulture pote observar. ⁸Nulle animal salvage ha ambulate sur iste tresores; nulle leon unquam poneva ibi su patas. ⁹Homines sape quomodo aveller lapides silicee e subverter le radices de montanias. ¹⁰Illes sape excavar tunnels in le petra e discoperir lapides preciose. ¹¹Homines perquireva le surgentes de fluvios, e quid es occulte illes lo portava al lumine.

¹²Le sapientia, tamen, unde se pote trovar? Ubi es le loco del intelligentia? ¹³Nemo sape ubi trovar lo, quia illo non se trova inter le viventes. ¹⁴Le abyssos dice: ‘Illo non es in me’ e le mar dice alsi: “Illo non se trova mesmo hic’. ¹⁵Illo non pote comprate emite con auro; illo non pote esser emite con argento. ¹⁶Su valor es plus grande que tote le auro de Ophir, mesmo plus que oniches o sapphiros. ¹⁷Ni auro, ni crystallo pote esser comparate con joieles montate in auro fin. ¹⁸De corallos e crystallos nulle mention essera facite; le precio del sapientia es plus grande del perlas. ¹⁹ On non pote excambiar le sapientia con le topazos de Ethiopia, ni illo pote esser emite con le auro le plus preciose.

²⁰Le sapientia, ergo, unde veni, e ubi es le loco in le qual le intelligentia pote esser trovate? ²¹Illo es celate ab le oculos de omne viventes. Mesmo aves del celo con vista acute non lo pote discoperir. ²²Le Perdition e le Morte dice: “Nos solmente audiva rumores re ubi le sapientia pote esser trovate”.

²³Deo solmente comprende le via que porta al sapientia; ille sape le loco ubi illo pote esser trovate, ²⁴quia ille respice per le Terra integre e vide toto lo que se trova sub le celos. ²⁵Ille decideva quanto fortemente le ventos debe sufflar, e quante pluvia debe cader. ²⁶Ille establiva leges pro le pluvia e traciava un via pro le fulgure. ²⁷Tunc ille videva le sapientia e lo evalutava attentivemente. Ille lo establiva in su loco e lo examinava diligentemente. ²⁸E isto es lo que ille dice al humanitate: “Le timor del Senior es le ver sapientia; receder ab le mal es ver intelligentia”.