Biblia/Vetule Testamento/Job/Job 35

Job

35

Tertie elocution de Elihu

¹Elihu prosequeva assi su rationamento. Ille diceva: ²“Esque tu reputa que il es rationabile pretender que tu es juste coram Deo? ³Quia tu alsi diceva: ‘Qual beneficio poterea Deo obtener de isto?’ e ‘Qual ganio poterea io haber si io non pecca?’. ⁴Io respondera a te e etiam a tote tu amicos con te.

⁵Contempla le celo e reguarda con attention. Considera le nubes, in alto super te. ⁶Si tu pecca, esque illo affice Deo? Mesmo si tu multiplica tu transgressiones, que pote tu facer contra ille? ⁷Si tu es juste, quid da tu a Deo? O quid recipe ille de tu mano? ⁸No, tu impietate affice solmente personas como te. Tu rectitude adjuta de facto solmente altere personas.

⁹On clama propter multe oppressiones, on clama adjuta propter le fortia del tyrannos, ¹⁰ma nemo dice: ‘Ubi es Deo, mi Creator, qui nos da cantos in le nocte? ¹¹Ubi es ille, qui nos faceva plus intelligente que le animales salvage del terra, e rende nos plus sagace que le aves del celo?’. ¹²On clama, ma ille non responde propter le superbia del gente perverse. ¹³Il es tamen errate dicer que Deo non audi, dicer que le Omnipotente non se occupa de tal clamores. ¹⁴Quanto minus, alora, quando tu dice que tu non le percipe, que tu causa es coram ille: apprende ergo expectar le! ¹⁵Le mesmo es quando tu dice que su ira non castiga, ni valde ille se occupa del iniquitate.

¹⁶Assi il es clar que Job aperi su bocca frustra e que sin cognoscentia ille multiplica su parolas.