Biblia/Vetule Testamento/Job/Job 37

Job

37

¹Solmente in pensar a tote isto, mi corde batte fortemente e treme intra me . ²Audi le fremito de su voce e le murmures que procede de su bucca. ³Illo rola trans le celos e su fulgures refulge in omne direction. ⁴Post illo rugi le tonitro - le voce tremende de su majestate. Ille non lo refrena quando ille parla. ⁵Le voce de Deo es gloriose in le tonitro. Nos non pote mesmo imaginar le magnitude de su potentia.

⁶Ille prepara le nive ut illo descende sur le terra e dice al pluvias torrential de effunder se. ⁷Alora omnes cessa laborar ut illes pote spectar su potentia. ⁸Le animales salvage retorna in lor cubil e remane intra lor cavas. ⁹Un tempesta sorti de su camera e le ventos porta le frigido. ¹⁰Le sufflo de Deo manda le glacie, gelante large extensiones de aqua. ¹¹Ille carga le nubes de molliatura e le nubes sparge su fulgures. ¹²Le nubes percurre le celo in circulos, rotante secundo su voluntate. Illos face trans tote le terra quecunque ille commanda. ¹³Ille face occurrer tote isto o pro castigar nos o pro ostender su grande misericordia.

¹⁴Presta attention a isto, Job! Stoppa te e considera le meravilias que Deo face. ¹⁵Sape tu quomodo Deo controla le tempesta e causa le fulgures, quomodo ille face exploder le fulgures in le nubes de tempesta tanto que illos fulge ex lor nubes? ¹⁶Comprende tu quomodo ille move le nubes con meraviliose perfection e maestria? ¹⁷Quando tu suffoca de calor in tu vestimentos, le vento del sud cessa e toto es quiete, ¹⁸ille face le celos reflecter le calor sicut un speculo de bronzo. Poterea tu facer le mesmo?

¹⁹Dice nos omnes quid nos deberea dicer a Deo. Nos es troppo in le obscuritate pro poter preparar nostre proprie argumentos. ²⁰Deberea ille esser informate que io le vole parlar? Poterea nos mesmo parlar quia nos es troppo confuse^[1]! ²¹Nos non pote reguardar al Sol quia illo brilla in le celo quando le vento face fugir le nubes. ²²In le mesme maniera un splendor auree proveni ab le monte de Deo. Ille es revestite de splendor cecante. ^{{{2}}}Nos non pote mesmo imaginar le potentia del Omnipotente, ma quanquam ille es juste e recte, ille non nos destrue. ²⁴Isto es le ration quia omnes le time. Tote les qui es sage le revere.

Notas

1. O “parlar sin esser inglutite”.