Biblia/Vetule Testamento/Proverbios/Proverbios 25

←Proverbios 24

Le Biblia in Interlingua Proverbios

Proverbios 26→

Le Proverbios

Capitulo 25

Proverbios additional colligite in le tempore de Ezechia

¹Istos es proverbios additional de Salomon, transcribite per le consiliatores de Ezechia, rege de Juda.

²Il es le gloria de Deo celar cosas^[1] e le gloria de un rege investigar los.

³Tanto alte es le celo e profunde es le terra, quanto inscrutabile es lo que passa in le mente^[2] del reges.

⁴Remove le scorias^[3] ab le argento e le material pro le argentero emergera. ⁵Remove le impio ab le corte^[4] del rege e su throno essera consolidate in le justitia.

⁶Non glorifica te ipse coram le rege e non pone te ipse inter personas eminente, ⁷quia Il es melior que sia ille a dicer te: “Ascende hic” que esser humiliate coram le principe.

⁸Justo proque tu videva alco, non sia hastive in recurrer al judices. Que facera tu postea quando tu vicino te facera avergoniar? ⁹Quando tu disputa un causa con tu vicino, non revelar le secreto de un altere persona, ¹⁰de pavor que qui lo aude te face avergoniar e tu infamia nunquam plus disparera^[5].

¹¹Sicut pomos auree in un corbe de argento es un parola juste in tempore appropriate.

¹²Un sage critica al aures de qui es preste a audir es sicut un pendente de auro o un ornamento de auro fin.

¹³Le messagero fidel pro les qui le mandava es sicut le frigido del nive in le tempore del recolta^[6], quia ille allegra le corde de su patrones.

¹⁴Un persona qui promitteva alco ma nunquam lo produceva, es sicut celos nebulose e vento que produce nulle pluvia.

¹⁵Le patientia solmente pote persuader un prince: un parlar suave pote franger ossos.

¹⁶Esque tu trovava melle? Non mangia tro de illo^[7] ne tu deveni stipate e lo vomita.

¹⁷Non visita tro frequentemente le domo de tu proximo, ne ille deveni enoiate de te e te odia.

¹⁸Le persona qui dice falsitates^[8] contra su proximo es tanto nocente quanto colpar le con un massa, o un gladio, o con un flecha acute.

¹⁹Confider in un persona non digne de fide durante tempores de angustia es simile a masticar con dentes putride o camminar con un pede stropiate.

²⁰Cantar un canto allegre a un persona con corde triste^[9] es sicut subtraher le su mantello durante tempore frigide o effunder aceto super un vulnere^[10].

²¹Si tu inimico ha fame, nutri le; si ille ha sete, face le biber; ²²pois que in facer isto tu accumulara carbones ardente de vergonia sur su capite e le Senior te recompensara.

²³Sicut le vento del nord porta con se le pluvia, un lingua que ama le commatrage causa cholera.

²⁴Il es melio viver sol in le angulo de un mansarda que in un domo in compania de un uxor litigiose.

²⁵Bon novas de un terra lontan es sicut aqua frigide pro un persona assetate.

²⁶Un persona juste qui cede coram un impio es sicut polluer un fontana o jectar fango in un puteo.

²⁷Il non es bon mangiar tro de melle, ni il es honorabile querer gloria pro se ipse.

²⁸Un persona qui non sape controlar su proprie temperamento es simile a un urbe destruite e sin muralias.

Notas

1. O “su parola”, “questiones”.
2. O “in le cordes”.
3. O “impuritates”.
4. O “presentia”. Remove le cortesanos inscrupulose….
5. O “esser revocate”.
6. In le estate le nive es refrescante.
7. O “lo que te suffice”.
8. O “testimonios false”.
9. O “grave”.
10. Isto corresponde al version grec, in hebraico in loco de “vulnere” il ha “soda”.