Biblia/Vetule Testamento/Psalmos/Psalmos 110
Psalmos edit
110. Le Senior dice a mi Senior: Sede te a mi dextera edit
- In iste psalmo regal, le psalmista annuncia le oraculo de Deo verso le rege davidic. Le prime parte del oraculo se trova in verso 1, le secunde in verso 4. In le versos 2-3 le psalmista se adressa al rege, durante que in le versos 5-7 ille pare adressar se a Deo.
1Un psalmo de David. Le Senior dice a mi Senior: Sede te a mi dextera, usque io face de tu inimicos un scabello pro tu pedes. 2Le Senior extendera tu dominio potente ab Jerusalem; tu dominara tu inimicos. 3Tu populo te sequera de bon grado quando tu vadera pugnar. Tu es vestite de robas sancte e tu fortia essera renovate cata die como le rore matinal. 4Le Senior faceva iste promissa sub juramento e non lo revocara: “Tu essera pro semper un sacerdote secundo le exemplo de Melchizedek”. 5Le Senior sta a tu dextera pro proteger te. Ille percutera multe reges quando su ira essera discatenate. 6Ille exequera su judicio de condemnation contra le nationes. Ille implera le valleas de cadaveres; ille fracassara multe capites sur vaste campos de battalia. 7Ille bibera ab torrentes longe le via. Ille essera victoriose.