Buna

by Gian Fadri Caderas

[ 20 ]

Buna.

Chera, bella, sajast buna!
La bunted ais ornamaint,
Ch'ogni bain in se raduna
Chi'ns fo Dieu avair preschaint.

[ 21 ]

Sajast buna! Tuot co s'ama;
Am' il prossem sco te stess!
Od il pled da chi chi't ama,
Da chi paina, ais oppress!

Il rösedi larmas duna
Alla flur in di arsaint;
Dun' eir tü e sajast buna
Vers chi ais da tuot manchaint.

Ün sorrir a me consainta,
Buna sajast eir con me!
Vers da te mieu cour s'alvainta
Sco la flur s-chanted' usche.

Sajast buna! o ma bella,
Salva'm tü tres tia bunted!
Di'm: »Eau t'am« a ta favella
S'evr' ün muond d'serenited.

4 Meg 1868.